മാ​ന്നാ​ർ:​ പ​രു​മ​ല സെ​ന്‍റ് ഗ്രി​ഗോ​റി​യോ​സ് മെ​ഡി​ക്ക​ൽ മി​ഷ​ൻ ആ​ശു​പ​ത്രി​യു​ടെ സു​വ​ർ​ണജൂ​ബി​ലി ആ​ഘോ​ഷ​ങ്ങ​ളു​ടെ ഭാ​ഗ​മാ​യി പു​തു​താ​യി നി​ർ​മി​ക്കു​ന്ന സൂ​പ്പ​ർ സ്പെ​ഷാ​ലി​റ്റി ബ്ലോ​ക്കി​ന്‍റെ ശി​ലാ​സ്ഥാ​പ​ന ക​ർ​മ​വും ആ​ശു​പ​ത്രി​യി​ൽ പു​തു​താ​യി നി​ർ​മി​ച്ച പീ​ഡി​യാ​ട്രി​ക് ബ്ലോ​ക്കി​ന്‍റെ ഉ​ദ്ഘാ​ട​ന​വും ന​ട​ത്തി. മ​ല​ങ്ക​ര ഓ​ർ​ത്ത​ഡോ​ക്സ് സ​ഭ​യു​ടെ പ​ര​മാ​ധ്യ​ക്ഷ​ൻ ബ​സേ​ലി​യോ​സ് മാ​ർ​ത്തോ​മ്മാ മാ​ത്യൂ​സ് തൃ​തീ​യ​ൻ കാ​തോ​ലി​ക്കാ ബാ​വാ ശി​ലാ​സ്ഥാ​പ​ന ക​ർ​മ​വും ആ​ശു​പ​ത്രി​യി​ൽ പു​തു​താ​യി നി​ർ​മി​ച്ച പീ​ഡി​യാ​ട്രി​ക് ബ്ലോ​ക്കി​ന്‍റെ കൂ​ദാ​ശ ക​ർ​മ​വും നി​ർ​വ​ഹി​ച്ചു. പ​രു​മ​ല ആ​ശു​പ​ത്രി​യി​ൽ പു​തു​താ​യി നി​ർ​മി​ച്ച പീ​ഡി​യാ​ട്രി​ക് ബ്ലോ​ക്കി​ന്‍റെ ഉ​ദ്ഘാ​ട​നം മ​ന്ത്രി വീ​ണാ ജോ​ർ​ജ് നി​ർ​വ​ഹി​ച്ചു.​

ഇ​തോ​ട​നു​ബ​ന്ധി​ച്ച് ചേ​ർ​ന്ന സ​മ്മേ​ള​ന​ത്തി​ൽ ബ​സേ​ലി​യോ​സ് മാ​ർ​ത്തോ​മ്മാ മാ​ത്യൂ​സ് തൃ​തീ​യ​ൻ കാ​തോ​ലി​ക്കാ ബാ​വാ അ​ധ്യ​ക്ഷ​നാ​യി. ആ​ശു​പ​ത്രി സി​ഇ​ഒ ഫാ​. എം.സി. പൗ​ലോ​സ്, ജോ​സ​ഫ് മാ​ർ ദീ​വ​ന്നാ​സി​യോ​സ്, മാ​ത്യൂ​സ് മാ​ർ തേ​വോ​ദോ​സി​യോ​സ്, ഏ​ബ്ര​ഹാം മാ​ർ എ​പ്പി​പാ​നി​യോ​സ്, സ​ക്ക​റി​യ​ാസ് മാ​ര്‍ സേ​വേ​റി​യോ​സ്, ഫാ. ​തോ​മ​സ് വ​ർ​ഗീ​സ് അ​മ​യി​ൽ, ആ​ശു​പ​ത്രി സെ​ക്ര​ട്ട​റി വ​ർ​ക്കി ജോ​ൺ എ​ന്നി​വ​ർ പ്രസംഗിച്ചു.