മാ​വേ​ലി​ക്ക​ര: ആ​ഗോ​ള ക​ത്തോ​ലി​ക്കാസ​ഭ​യു​ടെ പ​ര​മാ​ധ്യ​ക്ഷ​ൻ ദി​വം​ഗ​ത​നാ​യ ഫ്രാ​ൻ​സി​സ് മാ​ർ​പാ​പ്പ പാ​വ​ങ്ങ​ളു​ടെ പ​ക്ഷം പി​ടി​ച്ച മ​നു​ഷ്യ സ്നേ​ഹ​ത്തി​ന് മ​ഹ​നീ​യ മാ​തൃ​ക പ​ക​ർ​ന്ന വ​ലി​യ ഇ​ട​യ​നാ​യി​രു​ന്നെ​ന്ന് മാ​വേ​ലി​ക്ക​ര ബി​ഷ​പും കെസിബിസി വി​ദ്യാ​ഭ്യാ​സ ക​മ്മീ​ഷ​ൻ ചെ​യ​ർ​മാ​നു​മാ​യ ബി​ഷ​പ് ഡോ. ​ജോ​ഷ്വാ മാ​ർ ഇ​ഗ്നാ​ത്തി​യോ​സ് അ​നു​സ്മ​രി​ച്ചു.

ത​ന്റെ വ്യ​ത്യ​സ്തമാ​യ അ​ജ​പാ​ല​ന നി​ല​പാ​ടു​ക​ളി​ലൂ​ടെ വ​ർ​ത്ത​മാ​ന​കാ​ല​ത്തി​ന്‍റെ ശ​ബ്‌​ദ​മാ​യി​രു​ന്നു ഫ്രാ​ൻ​സി​സ് മാ​ർ​പാപ്പ. പ​രി​ത്യ​ക്ത​ർ​ക്കും നി​രാ​ലം​ബ​ർ​ക്കും ഫ്രാ​ൻ​സി​സ് മാ​ർ​പാ​പ്പ അ​വ​സാ​ന അ​ത്താ​ണി​യാ​യി​രു​ന്നു. കാ​ല​ത്തി​ന് അ​നു​സൃ​ത​മാ​യി സ​ഭ​യെ​യും സ​മൂ​ഹ​ത്തെ​യും ന​യി​ച്ച വ്യ​ക്തി​ത്വ​മാ​ണ് മാ​ർപാപ്പ​യു​ടേ​ത്.

സ​മാ​ധാ​നം കാം​ക്ഷി​ച്ച സ​ക​ല​ർ​ക്കും പി​ന്തു​ണ​യും പ്രോ​ത്സാ​ഹ​ന​വും മാ​ർ​പാപ്പ ന​ൽ​കി. നി​സ്വ​രു​ടെ സ്വ​ന്തം എ​ന്ന നി​ല​യി​ൽ പാ​വ​ങ്ങ​ളെ​യും ത​ട​വ​റ​വാ​സി​ക​ളെ​യും മാ​ർപാപ്പ ക​രു​ത​ലോ​ടെ ഉ​ൾ​ക്കൊ​ണ്ടു. പ​രി​സ്ഥി​തി​യു​ടെ മൂ​ല്യ​വും വി​ശു​ദ്ധി​യും മാ​ർ​പാപ്പ ഉ​യ​ർ​ത്തി​ക്കാ​ട്ടി. പ​രി​സ്ഥി​തി​യു​ടെ താ​ള​ക്ര​മ​ത്തി​നു വ​രു​ത്തു​ന്ന ഓ​രോ വ്യ​തി​യാ​ന​വും ഏ​റ്റു പ​റ​യേ​ണ്ട പാ​പ​മാ​ണെ​ന്ന് മാ​ർ​പാപ്പ പ​ഠി​പ്പി​ച്ചു.

പലത​വ​ണ നേ​രി​ട്ട് ക​ണ്ട് അ​നു​ഗ്ര​ഹം വാ​ങ്ങി​ക്കാ​ൻ സാ​ധി​ച്ച​ത് വ​ലി​യ ഭാ​ഗ്യ​മാ​യി ഞാ​ൻ ഓ​ർ​ക്കു​ന്നു. ലാ​ളി​ത്യ​വും സു​താ​ര്യ​ത​യും ജീ​വി​ത വി​ശു​ദ്ധി​യും കൊ​ണ്ട് ന​മ്മു​ടെ കാ​ല​ഘ​ട്ട​ത്തെ വി​സ്മ​യി​പ്പി​ച്ച ദൈ​വ പി​താ​വി​ന്‍റെ ക​രു​ണ​യു​ടെ മു​ഖ​മാ​യി​രു​ന്നു ഫ്രാ​ൻ​സി​സ് മാ​ർ പാ​പ്പ എ​ന്നും ബി​ഷ​പ് അ​നു​സ്മ​രി​ച്ചു.