ആ​ല​പ്പു​ഴ: ന​ഗ​ര​ത്തി​ലെ പ്ര​ധാ​ന തോ​ടു​ക​ളും കാ​ന​ക​ളും വൃ​ത്തി​യാ​ക്കാ​ത്ത​ത് വെ​ള്ള​പ്പൊ​ക്ക​ത്തി​നി​ട​യാ​ക്കു​മെ​ന്ന് ആ​ശ​ങ്ക. മു​ന്‍ വ​ര്‍​ഷ​ങ്ങ​ളി​ല്‍ മാ​ര്‍​ച്ച് 31നു ​മു​മ്പ് റാ​ണി, ഷ​ഡാ​മ​ണി തോ​ടു​ക​ള്‍ ശു​ചി​യാ​ക്കാ​റു​ണ്ടെ​ങ്കി​ലും ഇ​ത്ത​വ​ണ അ​തു​ണ്ടാ​യി​ല്ല.

ദേ​ശീ​യ​പാ​ത​യി​ലെ​യും പൊ​തു​മ​രാ​മ​ത്ത് വ​കു​പ്പ് റോ​ഡു​ക​ളി​ലെ​യും കാ​ന​ക​ളിൽ ചെ​ളി​യും മാ​ലി​ന്യ​വും നി​റ​ഞ്ഞിരിക്കുക യാണ്. ന​ഗ​ര​സ​ഭ​യു​ടെ സ​ഹ​ക​ര​ണ​ത്തോ​ടെ ഇ​വ നീ​ക്കം ചെ​യ്യു​ക​യാ​ണ് പ​തി​വ്. ഇ​ത്ത​വ​ണ മാ​ലി​ന്യം പൂ​ര്‍​ണ​മാ​യി നീ​ക്കി​യി​ല്ലെ​ന്നു മാ​ത്ര​മ​ല്ല, ഇ​തി​നാ​യി യോ​ഗം പോ​ലും ചേ​ര്‍​ന്നി​ട്ടി​ല്ല. കാ​ല​വ​ര്‍​ഷ​ത്തി​നു മു​മ്പ് ശു​ചീ​ക​ര​ണം പൂ​ര്‍​ണ​മാ​യി ന​ട​പ്പാ​ക്കി​യി​ല്ലെ​ങ്കി​ല്‍ ആ​ല​പ്പു​ഴ ന​ഗ​രം വെ​ള്ള​ത്തി​ലാ​കു​മെ​ന്ന കാ​ര്യ​ത്തി​ല്‍ സം​ശ​യ​മി​ല്ല. ന​ഗ​ര​സ​ഭ ബ​ജ​റ്റി​ല്‍ തു​ക ഉ​ള്‍​പ്പെ​ടു​ത്തി​യെ​ങ്കി​ലും അ​ത് പ​ല ക​ട​മ്പ​ക​ള്‍ ക​ട​ന്ന് കൈ​യി​ല്‍ കി​ട്ട​ണ​മെ​ങ്കി​ല്‍ ജൂ​ണ്‍ ആ​കും. അ​തു​കൊ​ണ്ടു​ത​ന്നെ കാ​ല​വ​ര്‍​ഷ​ത്തി​നു മു​മ്പ് ന​ഗ​ര​ത്തി​ലെ തോ​ടു​ക​ളും കാ​ന​ക​ളും വൃ​ത്തി​യാ​ക്കു​ക​യെ​ന്ന​ത് അ​സാ​ധ്യ​മാ​ണ്. ഒ​രോ​ വാ​ര്‍​ഡി​ലും ഒ​ന്നോ, ര​ണ്ടോ കാ​ന​ക​ളോ തോ​ടു​ക​ളോ ശു​ചീ​ക​രി​ക്കാ​നു​ണ്ടാ​വും.

എ​ന്നാ​ല്‍, ഇ​തു​മാ​യി ബ​ന്ധ​പ്പെ​ട്ട് കൗ​ണ്‍​സി​ല​ര്‍​മാ​രു​ടെ അ​ഭി​പ്രാ​യം തേ​ടു​ക​യോ എ​സ്റ്റി​മേ​റ്റ് എ​ടു​ക്കാ​നു​ള്ള അ​റി​യി​പ്പോ ഇ​തു​വ​രെ ന​ല്‍​കി​യി​ട്ടി​ല്ല. ഓ​രോ വാ​ര്‍​ഡി​നും എ​ത്ര തു​ക ചെ​ല​വ​ഴി​ക്കേ​ണ്ടിവ​രു​മെ​ന്നുപോ​ലും ധാ​ര​ണ​യി​ലെ​ത്തി​യി​ട്ടി​ല്ലെ​ന്നാ​ണ് കൗ​ണ്‍​സി​ല​ര്‍​മാ​ര്‍ പ​റ​യു​ന്ന​ത്.