കാ​യം​കു​ളം: ന​ഗ​ര​സ​ഭ​യി​ലെ അ​തി​ദ​രി​ദ്ര​ർ വി​ഭാ​ഗ​ത്തി​പ്പെ​ട്ട 28 കു​ടും​ബ​ങ്ങ​ൾ​ക്ക് അ​ഞ്ച് സെന്‍റ് വ​സ്തു വീ​തം വി​ല​യ്ക്കുവാ​ങ്ങി​ ന​ൽ​കാ​നു​ള്ള ചി​റ്റി​ല​പ്പ​ള്ളി ഫൗ​ണ്ടേ​ഷ​ൻ പ​ദ്ധ​തി അ​ട്ടി​മ​റി​ച്ച​താ​യി ആ​രോ​പ​ണം. സ​മീ​പ പ​ഞ്ചാ​യ​ത്തു​ക​ളി​ൽ സ്ഥ​ലം ക​ണ്ടെ​ത്തി പ​ദ്ധ​തി ന​ട​പ്പി​ലാ​ക്കി​യ​പ്പോ​ൾ കാ​യം​കു​ളം ന​ഗ​ര​സ​ഭ വ​സ്തു എ​ടു​ക്കു​ന്ന​തി​ൽ ഉ​ദാ​സീ​ന​ത കാ​ട്ടി​യെ​ന്നാ​ണ് പ്ര​തി​പ​ക്ഷ പാ​ർ​ട്ടി​യാ​യ കോ​ൺ​ഗ്ര​സ് ആ​രോ​പി​ക്കു​ന്ന​ത്.

ചെ​ട്ടി​കു​ള​ങ്ങ​ര പ​ഞ്ചാ​യ​ത്തി​ലെ സ​ഹ​ക​ര​ണ ബാ​ങ്കി​ൽ ജ​പ്തി ന​ട​പ​ടി നേ​രി​ടു​ന്ന വെ​ള്ളം ക​യ​റു​ന്ന ഭൂ​മി​യാ​ണ് ഏ​റ്റെ​ടു​ക്കാ​ൻ അ​ധി​കൃ​ത​ർ തീ​രു​മാ​നി​ച്ച​ത്. എ​ന്നാ​ൽ, പ്ര​തി​പ​ക്ഷ​ത്തി​ന്‍റെ എ​തി​ർ​പ്പ് അ​വ​ഗ​ണി​ച്ച് ധ​ന​കാ​ര്യ സ്റ്റാ​ൻ​ഡിം​ഗ് ക​മ്മി​റ്റി അ​റി​യാ​തെ 50 ല​ക്ഷം രൂ​പ ന​ഗ​ര​സ​ഭ ഫ​ണ്ടി​ൽ നി​ന്ന് വി​നി​യോ​ഗി​ക്കാ​ൻ ന​ട​പ​ടി സ്വീ​ക​രി​ച്ച​തി​ൽ പ്ര​തി​ഷേ​ധം ശ​ക്ത​മാ​കു​ക​യാ​ണ്.

ന​ഗ​ര​സ​ഭ ച​ട്ട പ്ര​കാ​രം ന​ഗ​ര​സ​ഭ ഫ​ണ്ട് ചെ​ല​വ​ഴി​ക്കു​ന്ന​തി​നു മു​മ്പ് ധ​ന​കാ​ര്യ സ്റ്റാ​ൻ​ഡിം​ഗ് ക​മ്മി​റ്റി​യു​ടെ അം​ഗീ​കാ​രം വാ​ങ്ങ​ണം. മാ​ത്ര​മ​ല്ല ചി​റ്റി​ല​പ്പ​ള്ളി ഫൗ​ണ്ടേ​ഷ​ൻ അഞ്ചു സെ​ന്‍റ് ഭൂ​മി​യാ​ണ് പാ​വ​പ്പെ​ട്ട​വ​ർ​ക്ക് ന​ൽ​കാ​ൻ തീ​രു​മാ​നി​ച്ച​ത്. നി​ല​വി​ൽ ര​ണ്ട​ര സെ​ന്‍റ് ഭൂ​മി​യാ​ണ് ന​ഗ​ര​സ​ഭ ന​ൽ​കാ​ൻ പോ​കു​ന്ന​ത്. അ​തി​ദ​രി​ദ്ര​രു​ടെ കാ​ര്യ​ത്തി​ൽ പോ​ലും തീ​രു​മാ​ന​മെ​ടു​ക്കു​ന്ന​തി​ന് ഭ​ര​ണം നേ​തൃ​ത്വ​ത്തി​ന് വ​ൻ വീ​ഴ്ച​യാ​ണ് സം​ഭ​വി​ച്ചി​രി​ക്കു​ന്ന​തെ​ന്നാ​ണ് ആ​രോ​പ​ണം.