അമ്പ​ല​പ്പു​ഴ: ആ​ശ​ങ്ക​യ്ക്ക് വി​രാ​മ​മി​ട്ട് ആ​ഴ്ച​ക​ളാ​യി സം​ഭ​ര​ണം ത​ട​സ​പ്പെ​ട്ട പാ​ട​ശേ​ഖ​ര​ത്തു​നി​ന്ന് നെ​ല്ല് സം​ഭ​ര​ണ​മാ​രം​ഭി​ച്ചു. ഈ​ര്‍​പ്പ​മി​ല്ലാ​ത്ത ഉ​ണ​ങ്ങി​യ നെ​ല്ലി​ന് ക​ര്‍​ഷ​ക​ര്‍​ക്ക് ന​ല്‍​കേ​ണ്ടി വ​ന്ന​ത് 15 കി​ലോ കി​ഴി​വ്. ക​ര്‍​ഷ​ക​രു​ടെ ഗ​തി​കേ​ട് മു​ത​ലെ​ടു​ത്ത മി​ല്ലു​ട​മ​ക​ള്‍​ക്ക് ഒ​ത്താ​ശ​യു​മാ​യി സി​വി​ല്‍ സ​പ്‌​ളൈ​സ് വ​കു​പ്പു​ദ്യോ​ഗ​സ്ഥ​രും.

കൊ​യ്ത്തു ക​ഴി​ഞ്ഞു ദി​വ​സ​ങ്ങ​ള്‍ പി​ന്നി​ട്ടി​ട്ടും നെ​ല്ലെ​ടു​ക്കാ​തി​രു​ന്ന പു​ന്ന​പ്ര വെ​ട്ടി​ക്ക​രി പാ​ട​ശേ​ഖ​ര​ത്തെ നെ​ല്ലാ​ണ് ഒ​ടു​വി​ല്‍ സം​ഭ​രി​ക്കാ​ന്‍ തു​ട​ങ്ങി​യ​ത്. 480 ഏ​ക്ക​റു​ള്ള ഈ ​പാ​ട​ശേ​ഖ​ര​ത്ത് 235 ക​ര്‍​ഷ​ക​രാ​ണു​ള്ള​ത്. ഏ​താ​നും ആ​ഴ്ച​ക​ള്‍​ക്ക് മു​ന്‍​പ് ത​ന്നെ ഇ​വി​ടെ കൊ​യ്ത്ത് പൂ​ര്‍​ത്തി​യാ​ക്കി​യി​രു​ന്നു. ഒ​രേ​ക്ക​ര്‍ കൊ​യ്യു​ന്ന​തി​ന് 2100 രൂ​പ നി​ര​ക്കി​ല്‍ യ​ന്ത്ര​മു​പ​യോ​ഗി​ച്ചാ​ണ് കൊ​യ്ത്ത് പൂ​ര്‍​ത്തി​യാ​ക്കി​യ​ത്.

കൊ​യ്ത നെ​ല്ലെ​ല്ലാം പാ​ട​ശേ​ഖ​ര​ത്തി​ന്‍റെ പ​ല ഭാ​ഗ​ങ്ങ​ളി​ലാ​യി കു​ട്ടി​യി​ട്ടി​രി​ക്കു​ക​യാ​യി​രു​ന്നു. ഈ ​പാ​ടശേ​ഖ​ര​ത്തെ നെ​ല്ലെ​ടു​ക്കാ​ന്‍ സി​വി​ല്‍ സ​പ്‌​ളൈ​സ് മൂന്നു മി​ല്ലു​ക​ളെ​യാ​ണ് ചു​മ​ത​ല​പ്പെ​ടു​ത്തി​യ​ത്. ഇ​തി​ല്‍ ഒ​രു മി​ല്ല് തു​ട​ക്ക​ത്തി​ല്‍​ത്ത​ന്നെ സം​ഭ​ര​ണ​ത്തി​ല്‍നി​ന്ന് പി​ന്‍​മാ​റാ​യി​രു​ന്നു. മ​റ്റ് ര​ണ്ടു മി​ല്ലു​കാ​രി​ല്‍ ഒ​രു മി​ല്ലി​ന്‍റെ ഏ​ജ​ന്‍റ് ഇ​വി​ടെ​യെ​ത്തി നെ​ല്ല് നോ​ക്കി​യ ശേ​ഷം മ​ട​ങ്ങി​പ്പോ​യി. ഉ​പ്പു​വെ​ള്ള ആ​ശ​ങ്ക​യ്ക്കി​ടെ​യാ​ണ് ക​ര്‍​ഷ​ക​ര്‍ മാ​സ​ങ്ങ​ള്‍ നീ​ണ്ട അ​ധ്വാ​ന​ത്തി​നൊ​ടു​വി​ല്‍ കൃ​ഷി പൂ​ര്‍​ത്തി​യാ​ക്കി​യ​ത്. 20 ല​ക്ഷ​ത്തി​ല്‍​പ്പ​രം രൂ​പ​യു​ടെ നെ​ല്ലാ​ണ് മ​ഴ​യി​ല്‍ ന​ന​യു​മെ​ന്ന ആ​ശ​ങ്ക​യി​ല്‍ ഇ​വി​ടെ കൂ​ട്ടി​യി​ട്ടി​രു​ന്ന​ത്.

ഒ​ട്ടും ഈ​ര്‍​പ്പ​മി​ല്ലാ​ത്ത നെ​ല്ല് മ​ഴ​യി​ല്‍ ന​ന​യി​ച്ച് ഈ​ര്‍​പ്പ​ത്തി​ന്‍റെ പേ​രി​ല്‍ കി​ഴി​വ് കൂ​ടു​ത​ല്‍ ആ​വ​ശ്യ​പ്പെ​ടാ​നു​ള്ള ഏ​ജ​ന്‍റുമാ​രു​ടെ ത​ന്ത്ര​ങ്ങ​ളു​ടെ ഭാ​ഗ​മാ​യി​ട്ടാ​രു​ന്നു സം​ഭ​ര​ണം വൈ​കി​ച്ച​ത്. വേ​ന​ല്‍ മ​ഴ ഇ​ട​ക്കി​ടെ ശ​ക്ത​മാ​കു​ന്ന​തി​നാ​ല്‍ കൊ​യ്ത നെ​ല്ലെ​ല്ലാം മ​ഴ​യി​ല്‍ ന​ശി​ക്കു​മെ​ന്ന ആ​ശ​ങ്ക​യി​ലാ​യി​രു​ന്നു ക​ര്‍​ഷ​ക​ര്‍. ഏ​ക്ക​റി​ന് നാ​ല്‍​പ്പ​തി​നാ​യി​രം രൂ​പ​യോ​ളം ചെ​ല​വി​ട്ടാ​ണ് ക​ര്‍​ഷ​ക​ര്‍ കൃ​ഷി പൂ​ര്‍​ത്തി​യാ​ക്കി​യ​ത്. ഒ​ടു​വി​ല്‍ ആ​ഴ്ച​ക​ള്‍ നീ​ണ്ട ആ​ശ​ങ്ക​ക്കു ശേ​ഷം ക​ഴി​ഞ്ഞ ദി​വ​സം മു​ത​ല്‍ സം​ഭ​ര​ണ​മാ​രം​ഭി​ച്ചു.

എ​ന്നാ​ല്‍, ഒ​ട്ടും ഈ​ര്‍​പ്പ​മി​ല്ലാ​ത്ത നെ​ല്ലി​ന് 15 കി​ലോ കി​ഴി​വാ​ണ് മി​ല്ലു​കാ​രു​ടെ ഏ​ജ​ന്‍റുമാ​ര്‍ ആ​വ​ശ്യ​പ്പെ​ട്ട​ത്. മ​ഴ​യി​ല്‍ നെ​ല്ല് പാ​ട​ശേ​ഖ​ര​ത്തുകി​ട​ന്ന് ന​ശി​ക്കു​ന്ന​ത് ഒ​ഴി​വാ​ക്കാ​ന്‍ മി​ല്ലു​കാ​ര്‍ ആ​വ​ശ്യ​പ്പെ​ട്ട കി​ഴി​വി​ല്‍ നെ​ല്ല് ന​ല്‍​കാ​ന്‍ ക​ര്‍​ഷ​ക​ര്‍​ക്ക് ത​യ്യാ​റാ​കേ​ണ്ടി വ​ന്നു. ക​ര്‍​ഷ​ക​രെ സ​ഹാ​യി​ക്കേ​ണ്ട പാ​ഡി ഓ​ഫീ​സ​ര്‍​മാ​ര്‍ ഉ​ള്‍​പ്പെ​ടെ​യു​ള്ള ഉ​ദ്യോ​ഗ​സ്ഥ​ര്‍ മി​ല്ലു​കാ​ര്‍​ക്ക് അ​നു​കൂ​ല നി​ല​പാ​ടെ​ടു​ത്ത​താ​യി ക​ര്‍​ഷ​ക​ര്‍ പ​റ​യു​ന്നു. ക​ഴിഞ്ഞവ​ര്‍​ഷം രണ്ടു കി​ലോ ന​ല്‍​കി​യ​പ്പോ​ഴാ​ണ് ഇ​ത്ത​വ​ണ 15 കി​ലോ കി​ഴി​വ് ന​ല്‍​കേ​ണ്ടി വ​ന്ന​ത്.

ഏ​ജ​ന്‍റുമാ​രും പാ​ഡി ഓ​ഫീ​സ​ര്‍​മ​രും ത​മ്മി​ലു​ള്ള ഒ​ത്തു​ക​ളി​യു​ടെ ഭാ​ഗ​മാ​യാ​ണ് സം​ഭ​ര​ണം വൈ​കി​ക്കു​ന്ന​തെ​ന്നും കൂ​ടു​ത​ല്‍ കി​ഴി​വ് ക​ര്‍​ഷ​ക​ര്‍ ന​ല്‍​കു​ന്ന​തുവ​രെ വി​ല പേ​ശ​ല്‍ ത​ന്ത്ര​വു​മാ​യാ​ണ് ഏ​ജന്‍റുമാ​രെ​ത്തു​ന്ന​തെ​ന്നും ക​ര്‍​ഷ​ക​ര്‍ കു​റ്റ​പ്പെ​ടു​ത്തി.