മാ​ന്നാ​ര്‍: ക​ള്ളുഷാ​പ്പി​ലു​ണ്ടാ​യ സം​ഘ​ര്‍​ഷ​ത്തി​ല്‍ യു​വാ​വി​നു കു​ത്തേ​റ്റു. മാ​ന്നാ​ര്‍ മു​ല്ല​ശേ​രി​ക്ക​ട​വ് റാ​ന്നി പ​റ​മ്പി​ല്‍ പീ​റ്റ​റി(35)നാ​ണ് പ​രിക്കേ​റ്റ​ത്. സം​ഭ​വ​വു​മാ​യി ബ​ന്ധ​പ്പെ​ട്ട് മാ​ന്നാ​ര്‍ വി​ഷ​വ​ര്‍​ശേ​രി​ക്ക​ര അ​മ്പ​ഴ​ത്ത​റ വ​ട​ക്കേ​തി​ല്‍ വി. ​അ​നു(​അ​നു സു​ധ​ന്‍-44)​വി​നെ മാ​ന്നാ​ര്‍ പോലീ​സ് അ​റ​സ്റ്റ് ചെ​യ്തു. മാ​ന്നാ​ര്‍ ത​ട്ടാ​ര​മ്പ​ലം റോ​ഡി​ലെ ക​ള്ളുഷാ​പ്പി​ലാ​ണ് സം​ഭ​വം.

പ്ര​തി സു​ധ​നും മ​റ്റൊ​രാ​ളു​മാ​യി ഉ​ണ്ടാ​യ സം​ഘ​ര്‍​ഷ​ത്തി​നി​ട​യി​ല്‍ പി​ടി​ച്ചു​മാ​റ്റാ​ന്‍ എ​ത്തി​യ പീ​റ്റ​റി​നെ പ്ര​തി മ​ദ്യ​ക്കു​പ്പി പൊ​ട്ടി​ച്ച് ക​ഴു​ത്തി​ന് കു​ത്താ​ന്‍ ശ്ര​മി​ക്കു​ക​യും ഇ​തു ത​ട​യു​ന്ന​തി​നി​ട​യി​ല്‍ വ​ല​തുകൈ​ക്ക് മാ​ര​ക​മാ​യി മു​റി​വേ​ല്‍​ക്കു​ക​യും ആ​യി​രു​ന്നു. പ​രിക്കേ​റ്റ പീ​റ്റ​റി​നെ പ​രു​മ​ല​യി​ലെ സ്വ​കാ​ര്യ ആ​ശു​പ​ത്രി​യി​ല്‍ എ​ത്തി​ച്ച് പ്രാ​ഥ​മി​ക ചി​കി​ത്സ ന​ല്‍​കി​യ​തി​നുശേ​ഷം വി​ദ​ഗ്ധ ചി​കി​ത്സ​യ്ക്കാ​യി കോ​ട്ട​യം മെ​ഡി​ക്ക​ല്‍ കോ​ള​ജി​ലേ​ക്കു മാ​റ്റി.

സം​ഭ​വം അ​റി​ഞ്ഞ മാ​ന്നാ​ര്‍ പോലീസ് ഇ​ന്‍​സ്‌​പെ​ക്ട​ര്‍ ര​ജീ​ഷ് കു​മാ​റി​ന്‍റെ നേ​തൃ​ത്വ​ത്തി​ല്‍ എ​സ്‌​ഐ സി.​എ​സ്.​ അ​ഭി​രാം, സീ​നി​യ​ര്‍ പോലീ​സ് ഓ​ഫീ​സ​ര്‍ അ​ജി​ത് കു​മാ​ര്‍, സി​പി​ഒ​മാ​രാ​യ ഹ​രി​പ്ര​സാ​ദ്, വി​നീ​ത്, വി​ഷ്ണു, ആ​ദ​ര്‍​ശ്, ഷി​നു എ​ന്നി​വ​ര​ട​ങ്ങി​യ സം​ഘം പ്ര​തി​യെ പി​ടി​കൂ​ടു​ക​യാ​യി​രു​ന്നു.

പ്ര​തി​ക്കെ​തി​രേ മോ​ഷ​ണം, വ്യാ​ജ വാ​റ്റ്, അ​ടി​പി​ടി തു​ട​ങ്ങി​യ നി​ര​വ​ധി കേ​സു​ക​ള്‍ നി​ല​വി​ലു​ള്ള​താ​യി പോലീസ് പ​റ​ഞ്ഞു. കോ​ട​തി​യി​ല്‍ ഹാ​ജ​രാ​ക്കി​യ പ്ര​തി​യെ റി​മാ​ന്‍​ഡ് ചെ​യ്തു.