കാ​യം​കു​ളം: യു​വ സി​പി​എം നേ​താ​വ് ബി​ബി​ൻ സി.​ ബാ​ബു​വി​ന്‍റെ ബി​ജെ​പി പ്ര​വേ​ശ​ന​വും പാ​ർ​ട്ടി​ക്കെ​തി​രേ പ​ര​സ്യ​മാ​യി പോ​ർ​മു​ഖം തു​റ​ന്നു​ള്ള ബി​ബി​ന്‍റെ പ്ര​സ്താ​വ​ന​ക​ളും രാ​ഷ്ട്രീ​യ പ്ര​ത്യാ​രോ​പ​ണ​ങ്ങ​ൾ​ക്കു ക​ള​മൊ​രു​ങ്ങു​ന്ന​തി​നി​ട​യി​ൽ സി​പി​എം കാ​യം​കു​ളം ഏ​രി​യ സ​മ്മേ​ള​ന​ത്തി​ന് നാ​ളെ തു​ട​ക്കം.

ജി​ല്ല​യി​ലെ സി​പി​എ​മ്മി​ന്‍റെ ഉ​രു​ക്കു​കോ​ട്ട​യാ​യ കാ​യം​കു​ള​ത്ത് ഏ​രി​യ സ​മ്മേ​ള​ന​ത്തി​ൽ വി​ഭാ​ഗീ​യ​ത കെ​ട്ട​ട​ങ്ങു​മോ അ​തോ കൂ​ടു​ത​ൽ ത​ല​വേ​ദ​ന സൃ​ഷ്ടി​ക്കു​മോ എ​ന്നു വ​രും ദി​വ​സ​ങ്ങ​ളി​ൽ അ​റി​യാം. ലോ​ക്സ​ഭാ തെ​ര​ഞ്ഞെ​ടു​പ്പി​ൽ പാ​ർ​ട്ടി ശ​ക്തികേ​ന്ദ്ര​ങ്ങ​ളി​ൽ വോ​ട്ട് കു​റ​ഞ്ഞ​തും മൂ​ന്നാം സ്ഥാ​ന​ത്ത് പോ​യ​തും സിപിഎ​മ്മി​നെ പ്ര​തി​രോ​ധ​ത്തി​ലാ​ക്കി​യി​രു​ന്നു.

ഒ​ടു​വി​ൽ ജി​ല്ലാ പ​ഞ്ചാ​യ​ത്ത് അം​ഗം കൂ​ടി​യാ​യ ബി​ബി​ൻ സി. ​ബാ​ബു പാ​ർ​ട്ടി​യു​ടെ മ​ത​നി​ര​പേ​ക്ഷ നി​ല​പാ​ടി​നെ പ​ര​സ്യ​മാ​യി വി​മ​ർ​ശി​ച്ചു. ബിജെപി ​പാ​ള​യ​ത്തി​ൽ പോ​യ​തും പാ​ർ​ട്ടി​യെ കൂ​ടു​ത​ൽ പ്ര​തി​രോ​ധ​ത്തി​ലാ​ക്കി. പ​ത്തി​യൂ​രി​ൽ പ്ര​വ​ർ​ത്ത​ക​രു​ടെ ബി​ജെ​പി​യി​ലേ​ക്കു​ള്ള ചോ​ർ​ച്ച ആ​രം​ഭി​ച്ച​തും ത​ല​വേ​ദ​ന​യാ​യി​രി​ക്കു​ക​യാ​ണ്. സം​ഘ​ട​ന റി​പ്പോ​ർ​ട്ടി​ന്മേ​ലു​ള്ള ച​ർ​ച്ച​യി​ൽ പ​ല അം​ഗ​ങ്ങ​ളും തു​റ​ന്ന ച​ർ​ച്ച​യ്ക്ക് രം​ഗ​ത്തു​വ​രു​മെ​ന്നും സൂ​ച​ന​യു​ണ്ട്. 16ന് ​സ​മ്മേ​ള​നം സ​മാ​പി​ക്കും.

263 ബ്രാ​ഞ്ച് സ​മ്മേ​ള​ന​ങ്ങ​ളും 14 ലോ​ക്ക​ല്‍ സ​മ്മേ​ള​ന​ങ്ങ​ളും പൂ​ര്‍​ത്തീ​ക​രി​ച്ചു കൊ​ണ്ടാ​ണ് ഏ​രി​യ സ​മ്മേ​ള​ന​ത്തി​ലേ​ക്ക് എ​ത്തു​ന്ന​ത്. ഏ​രി​യാ സ​മ്മേ​ള​ന​ത്തി​ന്‍റെ ഭാ​ഗ​മാ​യി തൊ​ഴി​ലാ​ളി സം​ഗ​മം, വ​നി​താ സം​ഗ​മം, മ​ണ്‍​മ​റ​ഞ്ഞ പ​ഴ​യ​കാ​ല പാ​ര്‍​ട്ടി പ്ര​വ​ര്‍​ത്ത​ക​രെ ആ​ദ​രി​ക്കു​ന്ന സ്മൃ​തി ദി​നം, പ​താ​ക​ദി​നം, പ​താ​ക​ജാ​ഥ എ​ന്നി​വ ന​ട​ത്തി.​

പ്ര​തി​നി​ധി സ​മ്മേ​ള​നം ജി​ല്ലാ സെ​ക്ര​ട്ട​റി ആ​ര്‍. നാ​സ​ര്‍ ഉ​ദ്ഘാ​ട​നം ചെ​യ്യും. കേ​ന്ദ്ര ക​മ്മി​റ്റി അം​ഗം സി.​എ​സ്. സു​ജാ​ത, സം​സ്ഥാ​ന സെ​ക്ര​ട്ട​റി​യേ​റ്റ് അം​ഗം സ​ജി ചെ​റി​യാ​ന്‍, ജി​ല്ലാ സെ​ക്ര​ട്ട​റി​യേ​റ്റ് അം​ഗ​ങ്ങ​ളാ​യ കെ. ​പ്ര​സാ​ദ്, കെ.​എ​ച്ച്. ബാ​ബു​ജാ​ന്‍, എം. ​സ​ത്യ​പാ​ല​ന്‍, ജി. ​ഹ​രി​ശ​ങ്ക​ര്‍, എ. ​മ​ഹേ​ന്ദ്ര​ന്‍ എ​ന്നി​വ​ര്‍ പ​ങ്കെ​ടു​ക്കും.

ഡി​സം​ബ​ര്‍ 16ന് ​ഏ​രി​യ കേ​ന്ദ്രീ​ക​രി​ച്ച് റെ​ഡ് വ​ള​ണ്ടി​യ​ര്‍ മാ​ര്‍​ച്ച്, ബ​ഹു​ജ​ന റാ​ലി, പൊ​തു​സ​മ്മേ​ള​ന​വും ന​ട​ക്കും. കാ​യം​കു​ളം ജി​ഡി​എം ഗ്രൗ​ണ്ട് പ​രി​സ​ര​ത്തി​ല്‍ നി​ന്നു മാ​ര്‍​ച്ചും റാ​ലി​യും ആ​രം​ഭി​ക്കും. എ​ല്‍​മെ​ക്സ് ഗ്രൗ​ണ്ടി​ലെ എം.​ആ​ര്‍. രാ​ജ​ശേ​ഖ​ര​ന്‍ ന​ഗ​റി​ല്‍ ന​ട​ക്കു​ന്ന പൊ​തു​സ​മ്മേ​ള​നം മു​ന്‍​മ​ന്ത്രി എം.​എം. മ​ണി ഉ​ദ്ഘാ​ട​നം ചെ​യ്യും.

സി.​എ​സ്. സു​ജാ​ത, സ​ജി ചെ​റി​യാ​ന്‍, ആ​ര്‍. നാ​സ​ര്‍, കെ.​എ​ച്ച്. ബാ​ബു​ജാ​ന്‍, എ ​മ​ഹേ​ന്ദ്ര​ൻ, യു. ​പ്ര​തി​ഭ എംഎ​ൽഎ ​എ​ന്നി​വ​ര്‍ പ​ങ്കെ​ടു​ക്കും.