ഹ​രി​പ്പാ​ട്: ക​ണ്ട​ല്ലൂ​ർ വ​ട​ക്ക് വ​രം​പ​ത്ത് ദേ​വീ​ക്ഷേ​ത്ര​ത്തി​ലെ തി​രു​മു​ടി​യും പ​റ​യ്‌​ക്കെ​ഴുന്ന​ള്ളിക്കു​ന്ന ക​ണ്ണാ​ടി ബിം​ബ​വും ക​ട​ത്തി​ക്കൊ​ണ്ടു​പോ​യ യു​വാ​വി​നെ നാ​ട്ടു​കാ​ർ പി​ടി​കൂ​ടി പോ​ലീ​സി​ൽ ഏ​ൽ​പ്പി​ച്ചു. മു​തു​കു​ളം തെ​ക്ക് പു​ണ​ർ​തം വീ​ട്ടി​ൽ ശ​ര​ത്തി(28)​നെ​യാ​ണ് നാ​ട്ടു​കാ​ർ ത​ട​ഞ്ഞു​വ​ച്ചു ക​ന​ക​ക്കു​ന്ന് പോ​ലീ​സി​നു കൈ​മാ​റി​യ​ത്.

തി​ങ്ക​ളാ​ഴ്ച പു​ല​ർ​ച്ചെ മൂ​ന്നോ​ടെ പു​തി​യവി​ള വ​ട​ക്ക​ൻ കോ​യി​ക്ക​ൽ ദേ​വീ​ക്ഷേ​ത്ര​ത്തി​നു സ​മീ​പ​മാ​ണ് ഇ​യാ​ൾ തി​രു​മു​ടി​യു​മാ​യി പോ​കു​ന്ന​തു നാ​ട്ടു​കാരി​ൽ​ച്ചി​ല​ർ ക​ണ്ട​ത്. തു​ട​ർ​ന്ന്, പ്ര​ദേ​ശ​വാ​സി​ക​ളാ​യ യു​വാ​ക്ക​ൾ ചേ​ർ​ന്ന് ത​ട​ഞ്ഞു​വ​യ്ക്കു​ക​യാ​യി​രു​ന്നു. മൂ​ല​സ്ഥാ​ന​മാ​യ വ​ള്ളുകപ്പ​ള്ളി കൊ​ട്ടാ​ര​ത്തി​ലാ​ണ് സൂ​ക്ഷി​ച്ചി​രു​ന്ന​ത്. രാ​ത്രി ഒ​ന്ന​ര​യോ​ടെ സി​മ​ന്‍റുക​ട്ട കൊ​ണ്ടി​ടി​ച്ച് പൂ​ട്ട് പൊ​ളി​ച്ചാ​ണ് തി​രു​മു​ടി​യും ക​ണ്ണാ​ടി ബിം​ബ​വും എ​ടു​ത്ത​ത്.

പ്ര​തി ല​ഹ​രി​ക്ക​ടി​മ​യും മാ​ന​സി​കാ​സ്വാ​സ്ഥ്യം പ്ര​ടി​പ്പി​ക്കു​ന്ന​യാ​ളു​മാ​ണെ​ന്ന് പോ​ലീ​സ് പ​റ​ഞ്ഞു. വീ​ട്ടി​ൽ വ​ച്ചാ​ൽ ദേ​വീ​ ചൈ​ത​ന്യം കി​ട്ടു​മെ​ന്ന വി​ശ്വ​ാസ​ത്തി​ലാ​ണ് എ​ടു​ത്തു​കൊ​ണ്ടു​പോ​യ​തെ​ന്നാ​ണ് പ്ര​തി ന​ൽ​കി​യ മൊ​ഴി. കേ​ടു​പാ​ടു വ​രു​ത്തി​യ​തി​നും അ​ശു​ദ്ധ​മാ​ക്കി​യ​തി​നു​മാ​ണ് കേ​സെ​ടു​ത്തി​ട്ടു​ള്ളത്.