റാ​ന്നി: താ​ലൂ​ക്ക് ആ​ശു​പ​ത്രി​യു​ടെ പു​തി​യ കെ​ട്ടി​ട​ത്തി​ന്‍റെ നി​ർ​മാ​ണോ​ദ്ഘാ​ട​നം 23ന് ​ഉ​ച്ച​ക​ഴി​ഞ്ഞ് മൂ​ന്നി​ന് മ​ന്ത്രി വീ​ണാ ജോ​ർ​ജ് നി​ർ​വ​ഹി​ക്കു​മെ​ന്ന് പ്ര​മോ​ദ് നാ​രാ​യ​ൺ എം​എ​ൽ​എ അ​റി​യി​ച്ചു.

സ്ഥ​ലം ഏ​റ്റെ​ടു​പ്പ് ഉ​ൾ​പ്പെ​ടെ വ​ർ​ഷ​ങ്ങ​ൾ നീ​ണ്ടു​നി​ന്ന ന​ട​പ​ടി​ക​ൾ​ക്കൊ​ടു​വി​ലാ​ണ് പു​തി​യ കെ​ട്ടി​ടം യാ​ഥാ​ർ​ഥ്യ​മാ​കു​ന്ന​ത്. പു​തി​യ കെ​ട്ടി​ടം താ​ലൂ​ക്ക് ആ​ശു​പ​ത്രി​യു​ടെ മു​ഖ​ച്ഛാ​യ​ത​ന്നെ മാ​റ്റു​മെ​ന്ന് എം​എ​ൽ​എ പ​റ​ഞ്ഞു.

താ​ലൂ​ക്ക് ആ​ശു​പ​ത്രി​യി​ൽ എ​ത്തു​ന്ന രോ​ഗി​ക​ൾ​ക്ക് ആ​വ​ശ്യ​മാ​യ എ​ല്ലാ ചി​കി​ത്സാ സ​ജ്ജീ​ക​ര​ണ​ങ്ങ​ളും ഒ​രു​ക്കു​ന്ന​തി​ന് പു​തി​യ കെ​ട്ടി​ടം പൂ​ർ​ത്തി​യാ​കു​ന്ന​തോ​ടെ ക​ഴി​യും. ഇ​തോ​ടെ ജി​ല്ല​യി​ലെ​ത​ന്നെ അ​ത്യാ​ധു​നി​ക സൗ​ക​ര്യ​ങ്ങ​ളോ​ടു​കൂ​ടി​യ ഏ​റ്റ​വും വ​ലി​യ സ​ർ​ക്കാ​ർ ആ​ശു​പ​ത്രി​യാ​യി ഇ​തു മാ​റും.

15. 60 കോ​ടി രൂ​പ ചെ​ല​വ​ഴി​ച്ച് കി​ഫ്ബി​യാ​ണ് പു​തി​യ കെ​ട്ടി​ടം നി​ർ​മി​ക്കു​ന്ന​ത്. സ​ർ​ക്കാ​ർ സ്ഥാ​പ​ന​മാ​യ ഹൈ​റ്റ്സി​നാ​ണ് കെ​ട്ടി​ട​ത്തി​ന്‍റെ നി​ർ​മാ​ണ​ച്ചു​മ​ത​ല.താ​ലൂ​ക്ക് ആ​ശു​പ​ത്രി​യു​ടെ പു​തി​യ കെ​ട്ടി​ടം നി​ർ​മി​ക്കു​ന്ന​തി​നാ​യി സ്ഥ​ലം ഏ​റ്റെ​ടു​ടു​ക്ക​ൽ ന​ട​പ​ടി​ക​ൾ വൈ​കി​യ​താ​ണ് നി​ർ​മാ​ണം വൈ​കാ​നി​ട​യാ​യ​ത്.

56 സെ​ന്‍റ‌് സ്ഥ​ല​മാ​ണ് ആ​ശു​പ​ത്രി നി​ർ​മാ​ണ​ത്തി​നാ​യി സ്വ​കാ​ര്യ വ്യ​ക്തി​ക​ളി​ൽ​നി​ന്ന് വി​ല​യ്ക്ക് വാ​ങ്ങി​യ​ത്. ര​ണ്ട് വ​സ്തു ഉ​ട​മ​ക​ളി​ൽ​നി​ന്ന് സ്ഥ​ലം ഏ​റ്റെ​ടു​ക്കു​ന്ന​തി​നാ​യി 3.73 കോ​ടി രൂ​പ ചെ​ല​വ​ഴി​ച്ചു.

വ​സ്തു​വി​ന് റ​വ​ന്യു വ​കു​പ്പ് നി​ശ്ച​യി​ച്ച വി​ല കി​ഫ്ബി അം​ഗീ​ക​രി​ച്ച് കി​ട്ടാ​നു​ണ്ടാ​യ സ​ങ്കീ​ർ​ണ​ത​ക​ളാ​ണ് സ്ഥ​ലം ഏ​റ്റെ​ടു​ക്ക​ൽ ന​ട​പ​ടി​ക​ൾ വൈ​കി​ച്ച​ത്.

മൂ​ന്നു നി​ല​ക​ളാ​യി നി​ർ​മി​ക്കു​ന്ന കെ​ട്ടി​ട​ത്തി​ന് 17000 ച​തു​ര​ശ്ര അ​ടി വി​സ്തീ​ർ​ണ​മു​ണ്ടാ​കും. രോ​ഗി​ക​ൾ​ക്കു​ള്ള വാ​ർ​ഡു​ക​ൾ പ്ര​ത്യേ​കം കി​ട​ക്ക മു​റി​ക​ൾ , പ​രി​ശോ​ധ​നാ മു​റി​ക​ൾ, ലാ​ബു​ക​ൾ, ഓ​പ്പ​റേ​ഷ​ൻ തി​യേ​റ്റ​ർ, ലി​ഫ്റ്റ് സൗ​ക​ര്യ​ങ്ങ​ൾ ഉ​ൾ​പ്പെ​ടെ എ​ല്ലാ ആ​ധു​നി​ക സ​ജ്ജീ​ക​ര​ണ​ങ്ങ​ളും ഏ​ർ​പ്പെ​ടു​ത്തി​യി​ട്ടു​ണ്ട്.

കൂ​ടാ​തെ ഇ​ല​ക്‌​ട്രി​ക് സ​ബ്സ്റ്റേ​ഷ​ൻ, പ​മ്പ് റൂം, ​എ​ക്സ്-​റേ, സി​ടി സ്കാ​ൻ മു​റി, അ​ൾ​ട്രാ സൗ​ണ്ട് സ്കാ​നിം​ഗ് മു​റി, പാ​ലി​യേ​റ്റീ​വ് കെ​യ​ർ, രോ​ഗി​ക​ൾ​ക്ക് വി​ശ്ര​മി​ക്കാ​നു​ള്ള മു​റി, ഫി​സി​യോ​തെ​റാ​പ്പി മു​റി, ദ​ന്ത പ​രി​ശോ​ധ​നാ മു​റി, ഒ​പി സം​വി​ധാ​ന​ങ്ങ​ൾ എ​ന്നി​വ​യെ​ല്ലാം ഈ ​കെ​ട്ടി​ട​ത്തി​ൽ വി​ഭാ​വ​നം ചെ​യ്തി​ട്ടു​ണ്ട്.

ആ​ശു​പ​ത്രി​യി​ൽ എ​ത്തു​ന്ന വാ​ഹ​ന​ങ്ങ​ൾ പാ​ർ​ക്ക് ചെ​യ്യാ​ൻ പ്ര​ത്യേ​ക പാ​ർ​ക്കിം​ഗ് സം​വി​ധാ​ന​വും ഒ​രു​ക്കും. നി​ല​വി​ൽ നാ​ല് നി​ല​ക​ൾ വീ​ത​മു​ള്ള ര​ണ്ട് ബ്ലോ​ക്കു​ക​ളാ​ണ് റാ​ന്നി താ​ലൂ​ക്ക് ആ​ശു​പ​ത്രി​ക്കു​ള്ള​ത്.