റാ​ന്നി: പ​ന്പാ​ന​ദി​ക്കു കു​റു​കെ പു​തി​യ പാ​ലം അ​പ്രോ​ച്ച് റോ​ഡി​നു​ള്ള സ്ഥ​ലം ഏ​റ്റെ​ടു​ക്കേ​ണ്ട വ​സ്തു ഉ​ട​മ​ക​ൾ​ക്ക് പ​ണം കൈ​മാ​റി​ത്തു​ട​ങ്ങി. ഭൂ​മി ഏ​റ്റെ​ടു​ക്ക​ൽ ന​ട​പ​ടി പൂ​ർ​ത്തി​യാ​ക്കി​യ മൂ​ന്ന് സ്ഥ​ലം ഉ​ൾ​മ​ക​ൾ​ക്കാ​ണ് ന​ഷ്ട​പ​രി​ഹാ​ര​ത്തു​ക ബാ​ങ്ക് അ​ക്കൗ​ണ്ടു​ക​ളി​ലേ​ക്ക് മാ​റാ​നു​ള്ള രേ​ഖ​ക​ൾ കൈ​മാ​റി​യ​ത്.

റാ​ന്നി വ​ലി​യ പാ​ല​ത്തി​ന്‍റെ അ​പ്രോ​ച്ച് റോ​ഡി​നാ​യി റാ​ന്നി, അ​ങ്ങാ​ടി പ​ഞ്ചാ​യ​ത്തു​ക​ളി​ലാ​യി 155 വ​സ്തു ഉ​ട​മ​ക​ളി​ൽ​നി​ന്നാ​ണ് സ്ഥ​ലം ഏ​റ്റെ​ടു​ക്കു​ന്ന​ത്. റാ​ന്നി പ​ഞ്ചാ​യ​ത്തു​ക​ളി​ലൂ​ടെ​യു​ള്ള രാ​മ​പു​രം - ബ്ലോ​ക്ക് പ​ടി റോ​ഡ് 10 മീ​റ്റ​ർ വീ​തി​യി​ൽ വി​ക​സി​പ്പി​ച്ചാ​ണ് പാ​ല​ത്തി​ന്‍റെ അ​പ്രോ​ച്ച് റോ​ഡി​നാ​യി ഉ​പ​യോ​ഗി​ക്കു​ന്ന​ത്.

അ​ങ്ങാ​ടി ക​ര​യി​ൽ അ​ങ്ങാ​ടി പേ​ട്ട ജം​ഗ്ഷ​നി​ൽ​നി​ന്ന് പ​മ്പാ​ന​ദി​യി​ലെ ഉ​പാ​സ​ന ക​ട​വി​ലേ​ക്കു​ള്ള റോ​ഡി​ന്‍റെ ഇ​രു​വ​ശ​ത്തു​ള്ള സ്ഥ​ലം ഏ​റ്റെ​ടു​ത്ത് 10 മീ​റ്റ​ർ വീ​തി​യി​ൽ അ​പ്രോ​ച്ച് റോ​ഡ് നി​ർ​മി​ക്കും. 14.5 കോ​ടി രൂ​പ​യാ​ണ് പാ​ലം അ​പ്രോ​ച്ച് റോ​ഡ് വി​ക​സ​ന​ത്തി​നാ​യി വ​സ്തു ഏ​റ്റെ​ടു​ക്കു​മ്പോ​ൾ ഉ​ട​മ​ക​ൾ​ക്ക് ന​ഷ്ട​പ​രി​ഹാ​രം ന​ൽ​കാ​നാ​യി വി​നി​യോ​ഗി​ക്കു​ന്ന​ത്.

ക​ഴി​ഞ്ഞ എ​ൽ​ഡി​എ​ഫ് സ​ർ​ക്കാ​രി​ന്‍റെ കാ​ല​ത്താ​ണ് പ​മ്പാ​ന​ദി​യി​ൽ പെ​രു​മ്പു​ഴ, ഉ​പാ​സ​ന​ക്ക​ട​വ് തീ​ര​ങ്ങ​ളെ ബ​ന്ധി​പ്പി​ച്ച് പു​ന​ലൂ​ർ - മൂ​വാ​റ്റു​പു​ഴ സം​സ്ഥാ​ന​പാ​ത​യി​ലെ പ​ഴ​യ പാ​ല​ത്തി​ന് സ​മാ​ന്ത​ര​മാ​യി പു​തി​യ പാ​ലം നി​ർ​മി​ക്കാ​നാ​യി അ​നു​മ​തി ല​ഭി​ച്ച​ത്. ഇ​തി​നാ​യി 26 കോ​ടി രൂ​പ​യാ​യി​രു​ന്നു അ​ന്ന് അ​നു​വ​ദി​ച്ച​ത്. പാ​ലം നി​ർ​മാ​ണം ആ​രം​ഭി​ച്ചെ​ങ്കി​ലും അ​പ്രോ​ച്ച് റോ​ഡി​നാ​യി സ്ഥ​ലം ഏ​റ്റെ​ടു​ക്കാ​ൻ ന​ട​പ​ടി​ക​ൾ വൈ​കി​യ​തോ​ടെ നി​ർ​മാ​ണം അ​നി​ശ്ചി​ത​മാ​യി നീ​ണ്ടു.

ര​ണ്ടാം പി​ണ​റാ​യി സ​ർ​ക്കാ​ർ അ​ധി​കാ​ര​ത്തി​ൽ വ​ന്ന​പ്പോ​ൾ പ്ര​മോ​ദ് നാ​രാ​യ​ൺ എം​എ​ൽ​എ​യു​ടെ അ​ഭ്യ​ർ​ഥ​ന​യേ​ത്തു​ട​ർ​ന്ന് പൊ​തു​മ​രാ​മ​ത്ത് മ​ന്ത്രി പി.​എ. മു​ഹ​മ്മ​ദ് റി​യാ​സ് നി​ർ​മാ​ണം മു​ട​ങ്ങി​ക്കി​ട​ക്കു​ന്ന പാ​ലം സ​ന്ദ​ർ​ശി​ക്കു​ക​യും പാ​ല​ത്തി​ന്‍റെ നി​ർ​മാ​ണം പു​ന​രാ​രം​ഭി​ക്കു​ന്ന​തി​നു​ള്ള ന​ട​പ​ടി​ക​ൾ ആ​രം​ഭി​ക്കു​ന്ന​തി​ലേ​ക്ക് കി​ഫ്ബി​യെ ചു​മ​ത​ല​പ്പെ​ടു​ത്തു​ക​യും ചെ​യ്തു.

പ​ത്ത​നം​തി​ട്ട ലാ​ൻ​ഡ് റ​വ​ന്യു വി​ഭാ​ഗ​മാ​യി​രു​ന്നു സ്ഥ​ലം ഏ​റ്റെ​ടു​ക്ക​ൽ ന​ട​പ​ടി​ക​ളു​മാ​യി മു​മ്പോ​ട്ട് പോ​യ​ത്. വ​സ്തു ഉ​ട​മ​ക​ൾ​ക്ക് മാ​ർ​ക്ക​റ്റ് വി​ല ല​ഭ്യ​മാ​ക്കു​ന്ന​തി​നു​വേ​ണ്ടി നേ​രി​ടേ​ണ്ടി​വ​ന്ന ചി​ല സാ​ങ്കേ​തി​ക പ്ര​ശ്ന​ങ്ങ​ൾ കാ​ര​ണ​മാ​ണ് ഏ​റ്റെ​ടു​ക്ക​ൽ ന​ട​പ​ടി​ക​ൾ ഇ​ത്ര​യും വൈ​കി​യ​ത്. ഇ​തോ​ടെ പാ​ല​ത്തി​ന്‍റെ നി​ർ​മാ​ണം പൂ​ർ​ത്തീ​ക​രി​ക്കു​ന്ന​തി​നു വേ​ണ്ടി​വ​രു​ന്ന തു​ക​യി​ൽ ഗ​ണ്യ​മാ​യ വ​ർ​ധ​ന ഉ​ണ്ടാ​യി. പു​തു​ക്കി​യ എ​സ്റ്റി​മേ​റ്റ് പ്ര​കാ​രം സി​വി​ൽ പ്ര​വൃ​ത്തി​ക​ൾ​ക്ക് 22 കോ​ടി രൂ​പ​യാ​ണ് പു​തു​താ​യി അ​നു​വ​ദി​ച്ചി​രി​ക്കു​ന്ന​ത്.

ജ​ലവി​ഭ​വ​ വ​കു​പ്പി​ന്‍റെ​യും വൈ​ദ്യു​ത വ​കു​പ്പി​ന്‍റെ​യും ക​ണ​ക്‌​ഷ​നു​ക​ൾ മാ​റ്റി സ്ഥാ​പി​ക്കു​ന്ന ഇ​ന​ത്തി​ൽ ഉ​ൾ​പ്പെ​ടെ 45.19 കോ​ടി രൂ​പ​യാ​ണ് പ​ദ്ധ​തി​ക്കാ​യി ആ​കെ ചെ​ല​വ​ഴി​ക്കു​ന്ന​ത്. വ​സ്തു ഉ​ട​മ​ക​ളു​ടെ ന​ഷ്ട​പ​രി​ഹാ​രം പൂ​ർ​ണ​മാ​യും ന​ൽ​കു​ന്ന​തോ​ടെ സ​ർ​ക്കാ​രി​ലേ​ക്ക് വ​സ്തു ഏ​റ്റെ​ടു​ക്കാ​നാ​കും. മാ​ർ​ച്ച് ആ​ദ്യ​വാ​ര​ത്തോ​ടെ പാ​ലം നി​ർ​മാ​ണം ടെ​ൻ​ഡ​ർ ചെ​യ്യാ​നാ​ണ് ഉ​ദ്ദേ​ശി​ക്കു​ന്ന​ത്.

വ​സ്തു ഉ​ട​മ​ക​ളാ​യ റാ​ന്നി ച​ന്ദ്രാ​ല​യ​ത്തി​ൽ രാ​ജ​ല​ക്ഷ്മി, തോ​ട്ട​മ​ൺ മു​ഴ​ച്ചി​ക്കാ​ല​യി​ൽ തെ​ക്കേ മു​റി​യി​ൽ കു​ര്യാ​ക്കോ​സ്, അ​ങ്ങാ​ടി ശാ​സ്താം​കോ​യി​ക്ക​ൽ രാ​ധ എ​ന്നി​വ​ർ​ക്കാ​ണ് ന​ഷ്ട​പ​രി​ഹാ​ര​ത്തു​ക ബാ​ങ്കി​ലേ​ക്ക് അ​വാ​ർ​ഡ് ചെ​യ്തു​കൊ​ണ്ടു​ള്ള രേ​ഖ കൈ​മാ​റി​യ​ത്.