ഏ​ഴം​കു​ളം: ക​ല്ല​ട ജ​ല​സേ​ച​ന പ​ദ്ധ​തി​യു​ടെ ക​നാ​ൽ കാ​ടൂ​മൂ​ടി. കോ​ടി​ക​ൾ ചെ​ല​വ​ഴി​ച്ച് ജ​ല​സേ​ച​ന സൗ​ക​ര്യ​ത്തി​നാ​യി നി​ർ​മി​ച്ച ക​നാ​ൽ വേ​ന​ൽ​ക്കാ​ല​ത്തു​പോ​ലും പ്ര​ദേ​ശ​വാ​സി​ക​ൾ​ക്കു പ്ര​യോ​ജ​ന​പ്പെ​ടു​ന്നി​ല്ല.

കാ​ടു​പി​ടി​ച്ചും വൃ​ക്ഷ​ങ്ങ​ൾ വ​ള​ർ​ന്നും മാ​ലി​ന്യ​ങ്ങ​ൾ നി​റ​ഞ്ഞും പ​ന്നി​യും പെ​രു​മ്പാ​മ്പും വി​ഹ​രി​ക്കു​ന്ന കാ​ട്ടു​പ്ര​ദേ​ശ​മാ​യി കെ​പി റോ​ഡ​രി​കി​ൽ ഏ​ഴം​കു​ളം ഭാ​ഗ​ത്ത് ക​നാ​ൽ മാ​റി​യി​രി​ക്കു​ക​യാ​ണ്. ഈ ​ഭാ​ഗ​ങ്ങ​ളി​ൽ ക​നാ​ൽ വൃ​ത്തി​യാ​ക്കി​യി​ട്ട് വ​ർ​ഷ​ങ്ങ​ളാ​യി. ഇ​ത്ത​വ​ണ​യും വൃ​ത്തി​യാ​ക്കാ​തെ ജ​ലം തു​റ​ന്നു വി​ട്ടു. പ​റ​ക്കോ​ട് ബ്ലോ​ക്ക് പ​ഞ്ചാ​യ​ത്തി​ന്‍റെ പ​രി​ധി​യി​ലു​ള്ള ക​ല​ഞ്ഞൂ​ർ, ഏ​നാ​ദി​മം​ഗ​ലം, ഏ​ഴം​കു​ളം, ഏ​റ​ത്ത്, ക​ട​മ്പ​നാ​ട്, പ​ള്ളി​ക്ക​ൽ എ​ന്നീ പ​ഞ്ചാ​യ​ത്തു​ക​ളി​ലെ ക​നാ​ലു​ക​ളാ​ണ് വൃ​ത്തി​യാ​ക്കാ​തെ ജ​ലം തു​റ​ന്നു വി​ട്ട​ത് .

ജ​നു​വ​രി മു​ത​ൽ മേ​യ് വ​രെ​യാ​ണ് ക​നാ​ലി​ലൂ​ടെ ജ​ല​വി​ത​ര​ണം പ്ര​ധാ​ന​മാ​യും ന​ട​ക്കു​ന്ന​ത്. ഇ​തി​നു മു​ന്പാ​യി ക​നാ​ൽ കാ​ടു തെ​ളി​ച്ചും അ​റ്റ​കു​റ്റ​പ്പ​ണി ന​ട​ത്തി​യും ജ​ല​മൊ​ഴു​ക്കി​നു ക്ര​മീ​ക​ര​ണം ചെ​യ്യേ​ണ്ട​തു​ണ്ട്. എ​ന്നാ​ൽ ഇ​പ്പോ​ഴും ക​നാ​ൽ കാ​ടു​ക‍​യ​റി​യും മാ​ലി​ന്യം നി​റ​ഞ്ഞും കി​ട​ക്കു​ക​യാ​ണ്.

പ​ന്നി, പെ​രു​മ്പാ​മ്പ് തു​ട​ങ്ങി​യ വ​ന്യ​മൃ​ഗ​ങ്ങ​ളു​ടെ ആ​വാ​സ കേ​ന്ദ്ര​വു​മാ​ണ് ക​നാ​ൽ. ക​നാ​ൽ വൃ​ത്തി​യാ​ക്കി​യി​ട്ട് വ​ർ​ഷ​ങ്ങ​ളാ​യെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. തൊ​ഴി​ലു​റ​പ്പ് പ​ദ്ധ​തി​യി​ലൂ​ടെ ക​നാ​ൽ വൃ​ത്തി​യാ​ക്ക​ൽ ന​ല്ല രീ​തി​യി​ൽ ന​ട​ന്നി​രു​ന്നു. എ​ന്നാ​ൽ ആ​വ​ർ​ത്ത​ന സ്വ​ഭാ​വ​മു​ള്ള പ്ര​വൃ​ത്തി​ക​ൾ തൊ​ഴി​ലു​റ​പ്പി​ന് സാ​ധി​ക്കി​ല്ലെ​ന്ന ഘ​ട്ട​ത്തി​ലാ​ണ് വൃ​ത്തി​യാ​ക്കു​ന്ന​തി​ൽ​നി​ന്ന് പി​ന്മാ​റി​യ​ത്.

അ​റ്റ​കു​റ്റ​പ്പ​ണി​ക്കും വൃ​ത്തി​യാ​ക്ക​ലി​നും തു​ക മ​തി​യാ​കി​ല്ല

അ​ടൂ​ർ സ​ബ് ഡി​വി​ഷ​ന്‍റെ പ​രി​ധി​യി​ൽ വ​ല​തു​ക​ര ക​നാ​ലും ശാ​ഖ​ക​ളും ചെ​റു വി​ത​ര​ണ സം​വി​ധാ​ന​ങ്ങ​ളും ഉ​ൾ​പ്പെ​ടെ 230 കി​ലോ​മീ​റ്റ​ർ ക​നാ​ൽ ശൃം​ഖ​ല​യാ​ണ് ക​ല്ല​ട ജ​ല​സേ​ച​ന പ​ദ്ധ​തി​യി​ലു​ള്ള​ത്.

ക​ഴി​ഞ്ഞ​വ​ർ​ഷം അ​ടൂ​ർ സ​ബ് ഡി​വി​ഷ​ന് അ​നു​വ​ദി​ച്ച​ത് 60 ല​ക്ഷം രൂ​പ​യാ​ണ്. ക​നാ​ൽ വൃ​ത്തി​യാ​ക്കു​ന്ന​തി​നും ഷ​ട്ട​റു​ക​ൾ പ്ര​വ​ർ​ത്തി​ക്കു​ന്ന​തി​നും അ​ഞ്ചു​മാ​സ​ത്തെ ജ​ല​വി​ത​ര​ണ സ​മ​യ​ത്ത് ഉ​ണ്ടാ​കു​ന്ന ത​ട​സ​ങ്ങ​ൾ നീ​ക്കു​ന്ന​തി​നും ബ​ണ്ടു​ക​ൾ സ്ഥാ​പി​ക്കു​ന്ന​തി​നും മാ​ലി​ന്യ​ങ്ങ​ൾ നീ​ക്കം ചെ​യ്യു​ന്ന​തി​നും വേ​ണ്ടി​യാ​ണ് ഈ ​തു​ക അ​നു​വ​ദി​ച്ചി​ട്ടു​ള്ള​ത്. എ​ന്നാ​ൽ ഈ ​തു​ക ക​നാ​ലി​ലെ കാ​ടു വെ​ട്ടു​ന്ന​തി​നു​പോ​ലും തി​ക​യാ​റി​ല്ല.

പു​ന​രു​ദ്ധാ​ര​ണ പ്ര​വൃ​ത്തി​ക​ൾ ഒ​ന്നും​ത​ന്നെ ന​ട​ക്കു​ന്നി​ല്ല. അ​റ്റ​കു​റ്റ​പ്പ​ണി​ക​ൾ​ക്ക് ഏ​റ്റ​വും കു​റ​ഞ്ഞ​ത് മൂ​ന്നു കോ​ടി രൂ​പ​യെ​ങ്കി​ലും വേ​ണ്ടി​വ​രു​മെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്. ജി​ല്ലാ വി​ക​സ​ന പ​ദ്ധ​തി​യി​ലേ​ക്ക് 75 കോ​ടി രൂ​യാ​ണ് ക​നാ​ൽ അ​റ്റ​കു​റ്റ​പ്പ​ണി​ക​ൾ​ക്കാ​യി ശി​പാ​ർ​ശ ചെ​യ്തി​രി​ക്കു​ന്ന​ത്.

ക​ല്ല​ട ജ​ല​സേ​ച​ന വി​ത​ര​ണ പ​ദ്ധ​തി​യു​ടെ ആ​യി​രം കി​ലോ​മീ​റ്റ​റോ​ളം വ​രു​ന്ന ക​നാ​ൽ ശൃം​ഖ​ല 45 വ​ർ​ഷ​ങ്ങ​ൾ​ക്കു മു​ന്പാ​ണ് നി​ർ​മാ​ണം പൂ​ർ​ത്തി​യാ​ക്കി ജ​ല​വി​ത​ര​ണം ആ​രം​ഭി​ച്ച​ത്. കാ​ല​പ്പ​ഴ​ക്കം മൂ​ലം ക​നാ​ലി​ന്‍റെ കോ​ൺ​ക്രീ​റ്റ് ത​ക​ർ​ന്നു. ചെ​ളി അ​ടി​ഞ്ഞു​കൂ​ടി​യ​തോ​ടെ തു​റ​ന്നു​വി​ടു​ന്ന ജ​ല​ത്തി​ന്‍റെ ന​ല്ലൊ​രു ഭാ​ഗ​വും ന​ഷ്ട​മാ​യി.

ഇ​തോ​ടെ കൃ​ഷി ഇ​ട​ങ്ങ​ളി​ൽ ആ​വ​ശ്യാ​നു​സ​ര​ണം ജ​ലം കി​ട്ടാ​തെ​യാ​യി. ചോ​ർ​ന്നൊ​ലി​ക്കു​ന്ന ജ​ലം ക​നാ​ലി​ന്‍റെ സ​മീ​പ​ത്തു​ള്ള വീ​ടു​ക​ളി​ലേ​ക്ക് വെ​ള്ളം ഇ​റ​ങ്ങി ബു​ദ്ധി​മു​ട്ട് ഉ​ണ്ടാ​ക്കു​ന്ന​ത് ജ​ല​വി​ത​ര​ണ സ​മ​യ​ത്ത് നേ​രി​ടു​ന്ന വ​ലി​യ വെ​ല്ലു​വി​ളി​യാ​ണ്. കു​റ​ഞ്ഞ​ത് 15 കോ​ടി രൂ​പ ല​ഭി​ച്ച​ങ്കി​ൽ മാ​ത്ര​മേ അ​റ്റ​കു​റ്റ​പ്പ​ണി​ക​ൾ ന​ട​ക്കൂ.

മാ​ലി​ന്യം ത​ള്ള​ലി​നും കു​റ​വി​ല്ല

കെ​ഐ​പി ക​നാ​ലി​ലേ​ക്ക് വ്യാ​പ​ക​മാ​യ തോ​തി​ലാ​ണ് മാ​ലി​ന്യ​ങ്ങ​ൾ ത​ള്ളു​ന്ന​ത്. കാ​ടു​പി​ടി​ച്ചു കി​ട​ക്കു​ന്ന ക​നാ​ലി​ലേ​ക്ക് റോ​ഡി​ലൂ​ടെ എ​ത്തു​ന്ന വാ​ഹ​ന​ങ്ങ​ളി​ൽ​നി​ന്നു വ​ൻ​തോ​തി​ൽ മാ​ലി​ന്യം വ​ലി​ച്ചെ​റി​യാ​റു​ണ്ട്. അ​റ​വു​ശാ​ല മാ​ലി​ന്യ​ങ്ങ​ൾ അ​ട​ക്കം യാ​തൊ​രു കൂ​സ​ലു​മി​ല്ലാ​തെ ക​നാ​ലി​ലേ​ക്ക് ത​ള്ളു​ക​യും ചെ​യ്യു​ന്നു.

മാം​സാ​വ​ശി​ഷ്ട​ങ്ങ​ൾ, ഉ​പ​യോ​ഗ​യോ​ഗ്യ​മ​ല്ലാ​ത്ത ആ​ക്രി സാ​ധ​ന​ങ്ങ​ൾ, ശൗ​ചാ​ല​യ മാ​ലി​ന്യ​ങ്ങ​ൾ, സാ​നി​റ്റ​റി പാ​ഡു​ക​ൾ, ബാ​ർ​ബ​ർ ഷോ​പ്പു​ക​ളി​ൽ​നി​ന്നു​ള്ള മു​ടി​ക​ൾ തു​ട​ങ്ങി​യ​വ വ​ൻ​തോ​തി​ൽ ക​നാ​ലി​ൽ കി​ട​പ്പു​ണ്ട്. വെ​ള്ളം എ​ത്തു​ന്പോ​ൾ ഇ​വ​യി​ൽ പ​ല​തും അ​ഴു​കി​ത്തു​ട​ങ്ങും. പി​ന്നീ​ട് ദു​ർ​ഗ​ന്ധ​മാ​കും. സ​മീ​പ​ത്തെ കി​ണ​റു​ക​ളി​ലേ​ക്ക് ഈ ​വെ​ള്ളം ഒ​ലി​ച്ചി​റ​ങ്ങി കു​ടി​വെ​ള്ള​വും മ​ലി​ന​പ്പെ​ടു​ത്തും.

ക​നാ​ലി​ലു​ള്ള അ​വ​ശി​ഷ്ട​ങ്ങ​ളു​ടെ ദു​ർ​ഗ​ന്ധം കാ​ര​ണം സ​മീ​പ​വാ​സി​ക​ൾ ക​ടു​ത്ത ബു​ദ്ധി​മു​ട്ടി​ലാ​ണ്. ക​നാ​ലി​ൽ മാ​ലി​ന്യ​ങ്ങ​ൾ വ​ലി​ച്ചെ​റി​യു​ന്ന​വ​ർ​ക്കെ​തി​രേ ക​ർ​ശ​ന ന​ട​പ​ടി​യെ​ന്ന പ്ര​ഖ്യാ​പ​ന​ങ്ങ​ൾ വ​രാ​റു​ണ്ടെ​ങ്കി​ലും തു​ട​ർ നീ​ക്ക​ങ്ങ​ളു​ണ്ടാ​കാ​റി​ല്ല.

മാ​ലി​ന്യം ത​ള്ളു​ന്ന​ത് ത​ട​യേ​ണ്ട ത​ദ്ദേ​ശ സ്ഥാ​പ​ന​ങ്ങ​ളും ശു​ചി​ത്വ മി​ഷ​ൻ അ​ട​ക്ക​മു​ള്ള ഏ​ജ​ൻ​സി​ക​ളും ന​ട​പ​ടി​ക​ൾ സ്വീ​ക​രി​ക്കു​ന്നി​ല്ലെ​ന്നാ​ണ് പ്ര​ദേ​ശ​വാ​സി​ക​ളു​ടെ പ​രാ​തി.