കു​ള​ത്തൂ​പ്പു​ഴ: ബാ​ങ്ക് ലോ​ൺ പെ​രു​കി വീ​ടും വ​സ്തു​വും ജ​പ്തി ഭീ​ഷ​ണി​യി​ലെ​ത്തി​യ നി​ർ​ധ​ന കു​ടും​ബ​ത്തി​ന് സു​മ​ന​സു​ക​ളു​ടെ സ​ഹാ​യ​ത്താ​ൽ വീ​ടി​ൻ​റെ ആ​ധാ​രം തി​രി​കെ കി​ട്ടി. സാം​ന​ഗ​ർ വ​യ​ല​രി​ക​ത്ത് വീ​ട്ടി​ൽ ലൈ​ലാ ബീ​വി​യും ഓ​ട്ടി​സം രോ​ഗി​യാ​യ നാ​ല്പ​തു​കാ​രി മ​ക​ളു​മാ​ണ് നാ​ട്ടു​കാ​രു​ടെ സ​ഹാ​യ​ത്തോ​ടെ ജ​പ്തി ഭീ​ഷ​ണി​യി​ൽ നി​ന്നും ര​ക്ഷ​പെ​ട്ട​ത്.

നി​ർ​ധ​ന കു​ടു​ബാം​ഗ​മാ​യി ലൈ​ലാ ബീ​വി​യു​ടെ മൂ​ന്നു പെ​ൺ​മ​ക്ക​ളി​ൽ ര​ണ്ടു പേ​രു​ടെ വി​വാ​ഹാ​വ​ശ്യ​ങ്ങ​ൾ​ക്കാ​യാ​ണ് കു​ള​ത്തൂ​പ്പു​ഴ​യി​ലെ ജി​ല്ലാ ബാ​ങ്കി​ൽ നി​ന്നും വാ​യ്പ​യെ​ടു​ത്തി​രു​ന്ന​ത്.

തു​ട​ർ​ന്ന് ഭ​ർ​ത്താ​വ് രോ​ഗ​ബാ​ധി​ത​നാ​യി മ​ര​ണ​പ്പെ​ട്ട​തോ​ടെ ലൈ​ലാ ബീ​വി​യും ഇ​ള​യ മ​ക​ളും ത​നി​ച്ചാ​യി. ലൈ​ലാ ബീ​വി തു​ട​ർ​ന്ന് സ​മീ​പ വാ​സി​ക​ളു​ടെ സ​ഹാ​യ​ത്തോ​ടെ​യാ​ണ് ജീ​വി​തം ത​ള്ളി നീ​ക്കി​യി​രു​ന്ന​ത്.

ഇ​തി​നി​ടെ വാ​യ്പാ തു​ക തി​രി​ച്ച​ട​ക്കാ​നു​ള്ള അ​വ​ധി​ക​ളെ​ല്ലാം ക​ഴി​യു​ക​യും വ​സ്തു​വും വീ​ടും ജ​പ്തി​യു​ടെ വ​ക്കി​ലേ​ക്ക് എ​ത്തു​ക​യുമായിരന്നു.

ക​ഴി​ഞ്ഞ മാ​സം ജ​പ്തി സം​ബ​ന്ധി​ച്ച വി​വ​രം പ്ര​ദേ​ശ​ത്തെ പൊ​തുപ്ര​വ​ർ​ത്ത​ക​രി​ൽ ചി​ല​ർ അ​റി​യു​ക​യും സു​മ​ന​സു​ക​ളു​ടെ സ​ഹാ​യ​ത്താ​ൽ ആ​വ​ശ്യ​മാ​യ തു​ക സ​മാ​ഹ​രി​ച്ച് ബാ​ങ്കി​ന്‍റെ ക​ടം വീ​ട്ടി ആ​ധാ​ര​വും ബ​ന്ധ​പ്പെ​ട്ട രേ​ഖ​ക​ളും വീ​ണ്ടെ​ടു​ക്കു​ക​യും ആ​യി​രു​ന്നു.

പൊ​തു പ്ര​വ​ർ​ത്ത​ക​നാ​യ ഷെ​ഫീ​ക്ക് ചോ​ഴി​യ​ക്കോ​ടി​ന്‍റെ നേ​തൃ​ത്വ​ത്തി​ൽ ശ​നി​യാ​ഴ്ച രാ​വി​ലെ സാം​ന​ഗ​റി​ൽ ലൈ​ലാ ബീ​വി​യു​ടെ വീ​ട്ടി​ലെ​ത്തി​യ കു​ള​ത്തൂ​പ്പ​ഴ അ​ഷ​റ​ഫ് മൗ​ല​വി വീ​ടി​ന്‍റെ ആ​ധാ​രം ലൈ​ലാ ബീ​വി​ക്ക് കൈ​മാ​റി.

ജ​മാ​അ​ത്ത് പ്ര​സി​ഡ​ന്‍റ് ജാ​ഫ​ർ ഹാ​ജി, സെ​ക്ര​ട്ട​റി ഷ​റ​ഹു​ദീ​ൻ ത​ല​ച്ചി​റ, പ​ഞ്ചാ​യ​ത്തം​ഗം കെ.ശോ​ഭ​ന, ഷാ​ന​വാ​സ്, കൂ​ട്ടാ​യ്മ​യി​ലെ അം​ഗ​ങ്ങ​ൾ തു​ട​ങ്ങി​യ​വ​ർ ഇ​തി​നു സാ​ക്ഷി​ക​ളാ​യി.