കൊ​ല്ലം: മൊ​ബൈ​ൽ ഫോ​ൺ ഉ​പ​യോ​ഗി​ക്കു​ന്ന​തു​മാ​യി ബ​ന്ധ​പ്പെ​ട്ട ത​ർ​ക്ക​ത്തി​ൽ ഇ​ത​രസം​സ്ഥാ​ന തൊ​ഴി​ലാ​ളി​യെ ത​ല​യ്ക്ക​ടി​ച്ചു കൊ​ന്ന കേ​സി​ലെ പ്ര​തി​ക്ക് ജീ​വ​പ​ര്യ​ന്തം ക​ഠി​ന​ത​ട​വും ര​ണ്ട് ല​ക്ഷം രൂ​പ പി​ഴ​യും ശി​ക്ഷ.

ത​മി​ഴ്‌​നാ​ട് സ്വ​ദേ​ശി മ​ഹാ ലിം​ഗ​ത്തെ ക​മ്പി വ​ടി ഉ​പ​യോ​ഗി​ച്ച് ത​ല​യ്ക്ക​ടി​ച്ചു കൊ​ല​പ്പെ​ടു​ത്തി​യ കേ​സി​ലെ പ്ര​തി കോ​ട്ട​യം ക​റു​ക​ച്ചാ​ൽ താ​ഴ​ത്തു പ​റ​മ്പി​ൽ ബി​ജു​വി​നെ​യാ​ണ് കൊ​ല്ലം നാ​ല് അ​ഡീ​ഷ​ണ​ൽ സെ​ഷ​ൻ​സ് കോ​ട​തി ജ​ഡ്ജി സു​ഭാ​ഷ് ശി​ക്ഷി​ച്ച​ത്. പി​ഴ​​ത്തു​ക കൊ​ല്ല​പ്പെ​ട്ട മ​ഹാലിം​ഗ​ത്തി​ന്‍റെ വി​ധ​വ മു​രു​കേ​ശ​രി​ക്കു ന​ൽ​കാ​നും വി​ധി​യി​ൽ പ​റ​യു​ന്നു.

2023 മേ​യ് 12നാ​ണ് കേ​സി​ന​സ്പ​ദ​മാ​യ സം​ഭ​വം ന​ട​ന്ന​ത്. ച​വ​റ പു​ത്ത​ൻ​തു​റ കൊ​ന്ന​യി​ൽ ബാ​ല​ഭ​ദ്ര ദേ​വീ ക്ഷേ​ത്ര​ത്തി​ന്‍റെ പു​ന​രു​ദ്ധാ​ര​ണ പ്ര​വ​ർ​ത്ത​ന​ത്തി​ന് എ​ത്തി​യ തൊ​ഴി​ലാ​ളി​ക​ളി​ൽ​പ്പെ​ട്ട​വ​രാ​യി​രു​ന്നു മ​ഹാ​ലിം​ഗ​വും ബി​ജു​വും. മു​ഴു​വ​ൻ തൊ​ഴി​ലാ​ളി​ക​ൾ​ക്കും ഉ​പ​യോ​ഗി​ക്കാ​ൻ ക​രാ​റു​കാ​ര​ൻ മൊ​ബൈ​ൽ ഫോ​ൺ ന​ൽ​കി​യി​രു​ന്നു.

എ​ന്നാ​ൽ, മൊ​ബൈ​ൽ ബി​ജു ത​ന്‍റെ സ്വ​കാ​ര്യ ആ​വ​ശ്യ​ങ്ങ​ൾ​ക്കാ​യി ഉ​പ​യോ​ഗി​ക്കു​ന്ന​തി​നെ​ച്ചൊ​ല്ലി ഇ​വ​ർ ത​മ്മി​ൽ നി​ര​ന്ത​രം വ​ഴ​ക്ക് കൂ​ടി​യി​രു​ന്നു. സം​ഭ​വ ദി​വ​സം പു​ല​ർ​ച്ചെ ഉ​റ​ങ്ങി​ക്കി​ട​ന്ന മ​ഹാലിം​ഗ​ത്തെ പ്ര​തി ബി​ജു അ​മ്പ​ലം പ​ണി​ക്കാ​യി ഉ​പ​യോ​ഗി​ച്ചി​രു​ന്ന ഭാ​ര​മേ​റി​യ ഇ​രു​മ്പു വ​ടി ഉ​പ​യോ​ഗി​ച്ച് ത​ല​യ്ക്ക് അ​ടി​ച്ച് കൊ​ല​പ്പെ​ടു​ത്തു​ക​യാ​യി​രു​ന്നു.

ദൃ​ക്‌​സാ​ക്ഷി​ക​ൾ ഇ​ല്ലാ​തി​രു​ന്ന കേ​സി​ൽ സാ​ഹ​ച​ര്യ തെ​ളി​വു​ക​ളു​ടെ​യും ശാ​സ്ത്രീ​യ തെ​ളി​വു​ക​ളു​ടെ​യും പി​ൻ​ബ​ല​ത്തി​ലാ​ണ് പ്ര​തി​യെ കു​റ്റ​ക്കാ​ര​നെ​ന്ന് കോ​ട​തി ക​ണ്ടെ​ത്തി​യ​ത്. ച​വ​റ പോ​ലീ​സ് സ്റ്റേ​ഷ​നി​ലെ ഇ​ൻ​സ്‌​പെ​ക്്‌ടറാ​യി​രു​ന്ന യു.​പി വി​പി​ൻ​കു​മാ​റാ​ണ് കേ​സ് ര​ജി​സ്റ്റ​ർ ചെ​യ്ത്. കേ​സി​ൽ എ​സ​എ​ച്ച്ഒ ആ​യി​രു​ന്ന കെ.​ആ​ർ ബി​ജു​വാ​ണ് കോ​ട​തി​യി​ൽ കു​റ്റ​പ​ത്രം സ​മ​ർ​പ്പി​ച്ച​ത്. 26 സാ​ക്ഷി​ക​ളെ വി​സ്ത​രി​ച്ചു.

24 രേ​ഖ​ക​ളും എ​ട്ട് തൊ​ണ്ടി​മു​ത​ലു​ക​ളും കോ​ട​തി തെ​ളി​വി​ലേ​ക്കാ​യി സ്വീ​ക​രി​ച്ചു. പ്രോ​സി​ക്യൂ​ഷ​ന് വേ​ണ്ടി പ​ബ്ലി​ക്‌ പ്രോ​സി​ക്യൂ​ട്ട​ർ കെ.​കെ.ജ​യ​കു​മാ​ർ. എ​എ​സ്ഐ സാ​ജു എ​ന്നി​വ​ർ പ്രോ​സി​ക്യൂ​ഷ​ൻ ന​ട​പ​ടി​ക​ൾ ഏ​കോ​പി​പ്പി​ച്ചു.