ച​വ​റ: നി​യോ​ജ​ക​മ​ണ്ഡ​ല​ത്തി​ലെ നീ​ണ്ട​ക​ര​യി​ല്‍ പു​തി​യ​താ​യി അ​നു​വ​ദി​ച്ച വെ​ഹി​ക്കു​ല​ര്‍ അ​ണ്ട​ര്‍​പാ​സ്(വിയുപി) വേ​ട്ടു​ത​റ ജം​ഗ്ഷ​നി​ലേ​ക്ക് മാ​റ്റി സ്ഥാ​പി​ക്ക​ണ​മെ​ന്ന് സു​ജി​ത് വി​ജ​യ​ന്‍​പി​ള​ള എം​എ​ല്‍​എ.

നി​യ​മ​സ​ഭ​യി​ല്‍ സ​ബ്മി​ഷ​നി​ലൂ​ടെ​യാ​ണ് അ​ദ്ദേ​ഹം ഇ​ക്കാ​ര്യം ആ​വ​ശ്യ​പ്പെ​ട്ട​ത്. ഇ​പ്പോ​ള്‍ നി​ശ്ച​യി​ച്ച വിയുപി ​സ്ഥാ​പി​ക്കാ​ന്‍ ഉ​ദ്ദേ​ശി​ക്കു​ന്ന​ത് നീ​ണ്ട​ക​ര പാ​ല​ത്തി​ന് സ​മീ​പം നി​ല​വി​ല്‍ നി​ര്‍​മിച്ചി​രി​ക്കു​ന്ന സ്മോ​ള്‍ വെ​ഹി​ക്കു​ല​ര്‍ അ​ണ്ട​ര്‍​പാ​സി​നും 20 മീ​റ്റ​ര്‍ ദൂ​ര​മു​ള​ള പാ​ല​ത്തി​നും ഇ​ട​യി​ലാ​ണ്.

ദൂ​രെ​ദി​ക്കി​ല്‍​നി​ന്ന് വ​രു​ന്ന വാ​ഹ​ന​ങ്ങ​ള്‍ ഉ​ള്‍​പ്പെ​ടെ തി​രി​യേ​ണ്ട​ത് വേ​ട്ടു​ത​റ​യി​ലൂ​ടെ​യാ​ണ്. സ​മീ​പ​ത്തു​ള​ള മൂ​ന്ന് സ്കൂ​ളു​ക​ളി​ലെ വി​ദ്യാ​ര്‍​ഥി​ക​ൾ സ്കൂ​ളു​ക​ളി​ല്‍ എ​ത്താ​ന്‍ ക​ഴി​യാ​തെ ബു​ദ്ധി​മു​ട്ടും.

വേ​ട്ടു​ത​റ ജം​ഗ്ഷ​നി​ല്‍ വിയു പി ​നി​ര്‍​മിക്കാ​മെ​ന്ന് ത​ത്ത്വത്തി​ല്‍ അം​ഗീ​ക​രി​ച്ച ന​ട​പ​ടി​യാ​ണ്. അ​ങ്ങ​നെ അ​നു​വ​ദി​ച്ച വിയുപി ​നീ​ണ്ട​ക​ര പാ​ല​ത്തി​ന് സ​മീ​പം നി​ല​വി​ല്‍ നി​ര്‍​മി​ച്ച എ​സ്‌വിയു​പിക്കും 20 ​മീ​റ്റ​ര്‍ ദൂ​ര​ത്തി​ലു​ള​ള നീ​ണ്ട​ക​ര പാ​ല​ത്തി​നും ഇ​ട​യി​ല്‍ അ​ശാ​സ്ത്രീ​യ​മാ​യി സ്ഥാ​പി​ക്കാ​തെ വേ​ട്ടു​ത​റ ജം​ഗ്ഷ​നി​ലേ​ക്ക് മാ​റ്റി സ്ഥാ​പി​ക്ക​ണ​മെ​ന്ന് സു​ജി​ത് വി​ജ​യ​ന്‍​പി​ള​ള എം​എ​ല്‍​എ സ​ബ്മി​ഷ​നി​ലൂ​ടെ ആ​വ​ശ്യ​പ്പെ​ട്ട​ത്.

പൊ​തു​മ​രാ​മ​ത്ത് വ​കു​പ്പ് സെ​ക്ര​ട്ട​റി​യെ ഈ ​വി​ഷ​യം പ​രി​ഹ​രി​ക്കു​ന്ന​തി​നാ​യി ചു​മ​ത​ല​പ്പെ​ടു​ത്തി​യി​ട്ടു​ണ്ടെ​ന്നും ദേ​ശീ​യ​പാ​ത അ​ഥോ​റി​റ്റി​യു​ടെ റീ​ജ​ണ​ല്‍ ഓ​ഫീ​സ​റു​മാ​യി ബ​ന്ധ​പ്പെ​ട്ട് മ​റ്റ് കാ​ര്യ​ങ്ങ​ള്‍ പ​രി​ശോ​ധി​ക്കാ​മെ​ന്നും പൊ​തു​മ​രാ​മ​ത്ത് വ​കു​പ്പ് മ​ന്ത്രി പി.​എ. മു​ഹ​മ്മ​ദ് റി​യാ​സ് മ​റു​പ​ടി ന​ല്‍​കി.

കൂ​ടാ​തെ സ​മ​ര​സ​മി​തി നേ​താ​ക്ക​ളാ​യ മ​ത്സ്യ​ഫെ​ഡ് ചെ​യ​ര്‍​മാ​ന്‍ ടി.​മ​നോ​ഹ​ര​ന്‍, തെ​ക്കും​ഭാ​ഗം പ​ഞ്ചാ​യ​ത്ത് പ്ര​സി​ഡ​ന്‍റ് ത​ങ്ക​ച്ചി പ്ര​ഭാ​ക​ര​ന്‍, സ​മ​ര​സ​മി​തി ക​ണ്‍​വീ​ന​ര്‍ ബാ​ജി സേ​നാ​ധി​പ​ന്‍, തെ​ക്കും​ഭാ​ഗം ​പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് പ്ര​ഭാ​ക​ര​ന്‍​പി​ള​ള, സിപിഎം ഏ​രി​യാ​ക​മ്മി​റ്റി സെ​ക്ര​ട്ട​റി ആ​ര്‍. ര​വീ​ന്ദ്ര​ന്‍,

സ​ന്തോ​ഷ് കേ​ളി തു​ട​ങ്ങി​യ​വ​ര്‍ സു​ജി​ത് വി​ജ​യ​ന്‍​പി​ള​ള എം​എ​ല്‍​എ​യോ​ടൊ​പ്പം മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍, ധ​ന​കാ​ര്യ​വ​കു​പ്പ് മ​ന്ത്രി കെ.​എ​ന്‍.​ബാ​ല​ഗോ​പാ​ല്‍, പൊ​തു​മ​രാ​മ​ത്ത് മ​ന്ത്രി പി.​എ. മു​ഹ​മ്മ​ദ് റി​യാ​സ് എ​ന്നി​വ​രെ നേ​രി​ട്ട് ക​ണ്ട് നി​വേ​ദ​ന​വും സ​മ​ര്‍​പ്പി​ച്ചു.