ന്യൂ​സി​ലൻ​ഡിൽ ജോ​ലി വാ​ഗ്ദാ​നം ന​ൽ​കി യുവതിയിൽ നിന്ന് 10 ല​ക്ഷം തട്ടിയെടുത്തു

കൊ​ച്ചി​യി​ലെ ക​ട​വ​ന്ത്ര ഉ​ൾ​പ്പ​ടെ​യു​ള്ള സ്റ്റേ​ഷ​നു​ക​ളി​ൽ ഇ​യാ​ൾ​ക്കെ​തി​രെ നി​ര​വ​ധി കേ​സു​ണ്ടെ​ന്ന് പോ​ലീ​സ്

അ​ഞ്ച​ൽ : വി​ദേ​ശ​ത്ത് ജോ​ലി വാ​ഗ്ദാ​നം ചെ​യ്തു പ​ല​രി​ൽ നി​ന്നു​മാ​യി ല​ക്ഷ​ങ്ങ​ൾ ത​ട്ടി​യെ​ടു​ത്ത ശേ​ഷം ഒ​ളി​വി​ൽ പോ​യ പ്ര​തി​യെ തി​രു​വ​ന​ന്ത​പു​രം പേ​രൂ​ർ​ക്ക​ട പോ​ലീ​സ് കൊ​ല്ലം ഏ​രൂ​രി​ൽ എ​ത്തി പി​ടി​കൂ​ടി.

മൂ​വാ​റ്റു​പു​ഴ സ്വ​ദേ​ശി അ​നി​ൽ​കു​മാ​റി​നെ​യാ​ണ് പോ​ലീ​സ് ക​ഴി​ഞ്ഞ രാ​ത്രി സാ​ഹ​സി​ക​മാ​യി ഇ‍യാളെ പി​ടി​കൂ​ടി​യ​ത്. പേ​രൂ​ർ​ക്ക​ട പോ​ലീ​സ് സ്റ്റേ​ഷ​ൻ പ​രി​ധി​യി​ലു​ള്ള യു​വ​തി​യി​ൽ നി​ന്നും ന്യൂ​സി​ലൻ​ഡിൽ ജോ​ലി വാ​ഗ്ദാ​നം ന​ൽ​കി അ​നി​ൽ ത​ട്ടി​യെ​ടു​ത്ത​ത് 10 ല​ക്ഷം രൂ​പ​യാ​ണ്. പ​റ​ഞ്ഞ സ​മ​യം ക​ഴി​ഞ്ഞി​ട്ടും ജോ​ലി​ കിട്ടാതെ വ​ന്ന​തോ​ടെ ന​ല്കി​യ തു​ക യു​വ​തി മ​ട​ക്കി ചോ​ദി​ച്ചു.

പ​ണം കി​ട്ടാ​തെ​വ​ന്ന​തോ​ടെ യു​വ​തി പോ​ലീ​സി​ൽ പ​രാ​തി ന​ൽ​കു​ക​യാ​യി​രു​ന്നു. ഇ​തോ​ടെ ഒ​ളി​വി​ൽ പോ​യ അ​നി​ൽ​കു​മാ​റി​നാ​യി പോ​ലീ​സ് തെ​ര​ച്ചി​ൽ ന​ട​ത്തി​യെ​ങ്കി​ലും പി​ടി​കൂ​ടാ​ൻ ക​ഴി​ഞ്ഞി​രു​ന്നി​ല്ല. പ​ല​യി​ട​ങ്ങ​ളി​ൽ മാ​റി മാ​റി താ​മ​സി​ച്ചു വ​ന്ന ഇ​യാ​ൾ ഏ​രൂ​ർ നെ​ട്ട​യ​ത്തു​ള്ള ബ​ന്ധു​വീ​ട്ടി​ൽ ഉ​ണ്ടെ​ന്ന വി​വ​രം മ​ന​സി​ലാ​ക്കി​യാ​ണ് പോ​ലീ​സ് എ​ത്തി പി​ടി​കൂ​ടു​ന്ന​ത്.

വീ​ടി​ന്‍റെ നാ​ല് ഭാ​ഗ​ത്തും സി​സി​ടി​വി കാ​മ​റ​ക​ൾ സ്ഥാ​പി​ച്ചി​രി​ക്കു​ന്ന അ​നി​ൽ കു​മാ​ർ പോ​ലീ​സ് എ​ത്തി​യെ​ന്ന് മ​ന​സി​ലാ​ക്കി​യ ഓ​ടി ര​ക്ഷ​പെ​ടാ​ൻ ശ്ര​മി​ച്ചു.

വീ​ടി​ന്‍റെ മു​ക​ളി​ൽ ക​യ​റി ഒ​ളി​ച്ച ഇ​യാ​ളെ ഏ​റെ​നേ​ര​ത്തെ പ​രി​ശ്ര​മ​ത്തി​നൊ​ടു​വി​ൽ നാ​ട്ടു​കാ​രു​ടെ കൂ​ടി സ​ഹാ​യ​ത്തോ​ടെ​യാ​ണ് പോ​ലീ​സ് പി​ടി​കൂ​ടു​ന്ന​ത്. വീ​ട് തു​റ​ക്കാ​താ​യ​തോ​ടെ ഏ​രൂ​ർ പോ​ലീ​സി​ന്‍റെ സ​ഹാ​യ​വും പേ​രൂ​ർ​ക്ക​ട പോ​ലീ​സ് തേ​ടി​യി​രു​ന്നു.

സ്റ്റേ​ഷ​നി​ൽ എ​ത്തി​ച്ച പ്ര​തി​യെ കോ​ട​തി​യി​ൽ ഹാ​ജ​രാ​ക്കി റി​മാ​ൻഡ് ചെ​യ്തു. കൊ​ച്ചി​യി​ലെ ക​ട​വ​ന്ത്ര ഉ​ൾ​പ്പ​ടെ​യു​ള്ള പോ​ലീ​സ് സ്റ്റേ​ഷ​നു​ക​ളി​ൽ ഇ​യാ​ൾ​ക്കെ​തി​രെ നി​ര​വ​ധി കേ​സു​ണ്ടെ​ന്ന് പോ​ലീ​സ് പ​റ​യു​ന്നു.

ഇ​യാ​ൾ കൂ​ടു​ത​ൽആളു​ക​ളെ ത​ട്ടി​പ്പി​നി​ര​യാ​ക്കി​യ​താ​യി പോ​ലീ​സ് സം​ശ​യി​ക്കു​ന്നു​ണ്ട്. കൂ​ടു​ത​ൽ അ​ന്വേ​ഷ​ണം ന​ട​ത്തി​വ​രിക​യാ​ണെ​ന്നും പോ​ലീ​സ് പ​റ​ഞ്ഞി​ട്ടു​ണ്ട്.