ക​രു​നാ​ഗ​പ്പ​ള്ളി : ആ​രോ​ഗ്യ, സേ​വ​ന​മേ​ഖ​ല​ക​ൾ​ക്കും ശു​ചി​ത്വ​ത്തി​നും പ​ശ്ചാ​ത്ത​ല വി​ക​സ​ന​ത്തി​നും സ്ത്രീ ​സു​ര​ക്ഷ​യ്ക്കും പ്രാ​ധാ​ന്യം ന​ൽ​കി ക​രു​നാ​ഗ​പ്പ​ള്ളി ന​ഗ​ര​സ​ഭ ബ​ജ​റ്റ് അ​വ​ത​രി​പ്പി​ച്ചു.48,70,34230 രൂ​പ വ​ര​വും 13,11,74000 രൂ​പ ചെ​ല​വും പ്ര​തീ​ക്ഷി​ക്കു​ന്ന ബ​ജ​റ്റ് വൈ​സ് ചെ​യ​ർ​പേ​ഴ്സ​ൺ ഷ​ഹ്ന ന​സീ​മാ​ണ് അ​വ​ത​രി​പ്പി​ച്ച​ത്.

അ​തി ദ​രി​ദ്ര​രാ​യ കു​ടും​ബ​ങ്ങ​ൾ​ക്കാ​യി വാ​സ​ഗൃ​ഹ​ങ്ങ​ൾ, മ​രു​ന്ന്, ഭ​ക്ഷ്യ കി​റ്റ് തൊ​ഴി​ൽ സം​രം​ഭം തു​ട​ങ്ങി​യ പ​ദ്ധ​തി​ക​ൾ ന​ട​പ്പി​ലാ​ക്കും. മാ​ലി​ന്യ മു​ക്ത ന​ഗ​രം പ​ദ്ധ​തി​യു​ടെ ഭാ​ഗ​മാ​യി കേ​ശ​വ​പു​രം മാ​ലി​ന്യ പ്ലാ​ന്‍റി​ൽ എ​ഫ്എ​സ്ടി​പി പ്ലാ​ന്‍റ് സ്ഥാ​പി​ക്കും. അ​ങ്ക​ണ​വാ​ടി​ക​ൾ സ്മാ​ർ​ട്ട് ആ​ക്ക​ൽ, വി​ദ്യാ​ഭ്യാ​സം, ടൂ​റി​സം, മൃ​ഗ​സം​ര​ക്ഷ​ണം, വ​യോ​ജ​ന പ​രി​പാ​ല​നം, സ്ത്രീ​ക​ളു​ടെ​യും കു​ട്ടി​ക​ളു​ടെ​യും സ​മ്പൂ​ർ​ണ സു​ര​ക്ഷ ഉ​റ​പ്പാ​ക്കു​ന്ന പ​ദ്ധ​തി​ക​ൾ എ​ന്നി​വ​യും ബ​ജ​റ്റ് വി​ഭാ​വ​നം ചെ​യ്യു​ന്നു.

അ​തി​ദ​രി​ദ്ര ലി​സ്റ്റി​ൽ​പ്പെ​ട്ട വീ​ടി​ല്ലാ​ത്ത​വ​ർ​ക്ക് വാ​ട​ക വീ​ട് ഏ​റ്റെ​ടു​ത്ത് ന​ൽ​കു​ന്ന​തി​ന് അഞ്ച് ല​ക്ഷം രൂ​പ​യും ഇ​വ​ർ​ക്ക് വീ​ടും സ്ഥ​ല​വും ക​ണ്ടെ​ത്തു​ന്ന​തി​നാ​യി 20 ല​ക്ഷം രൂ​പ​യും ഭ​ക്ഷ്യ കി​റ്റി​നാ​യി 25 ല​ക്ഷം രൂ​പ​യും വ​ക​യി​രു​ത്തി.

താ​ലൂ​ക്ക് ആ​ശു​പ​ത്രി​യി​ൽ പു​തി​യ ഡ​യാ​ലി​സി​സ് യൂ​ണി​റ്റി​നാ​യി കെ​ട്ടി​ടം നി​ർ​മി​ക്കു​ന്ന​തി​ന് പു​റ​മെ, നാ​ല് കോ​ടി രൂ​പ​യു​ടെ വി​വി​ധ പ​ദ്ധ​തി​ക​ൾ ന​ട​പ്പി​ലാ​ക്കും. മു​നി​സി​പ്പ​ൽ ഓ​ഫീ​സ്, മു​നി​സി​പ്പ​ൽ ഘ​ട​ക സ്ഥാ​പ​ന​ങ്ങ​ൾ എ​ന്നി​വി​ട​ങ്ങ​ളി​ൽ നാ​പ്കി​ൻ വെ​ൻ​ഡിം​ഗ് മെ​ഷീ​ൻ, ഇ​ൻ​സു​ലേ​റ്റ​ർ എ​ന്നി​വ സ്ഥാ​പി​ക്കു​ന്ന​തി​ന് നാ​ലു​ല​ക്ഷം രൂ​പ വ​ക​യി​രു​ത്തി.

ആ​ധു​നി​ക മു​നി​സി​പ്പ​ൽ ലൈ​ബ്ര​റി​ക്ക് 10 ല​ക്ഷം രൂ​പ​യും ന​ഗ​ര​സ​ഭ അ​തി​ർ​ത്തി​യി​ൽ പ്ര​വ​ർ​ത്തി​ക്കു​ന്ന ഗ്ര​ന്ഥ​ശാ​ല​ക​ൾ​ക്കാ​യി 10 ല​ക്ഷം രൂ​പ​യും വ​ക​യി​രു​ത്തി. വി​വി​ധ സ്കൂ​ളു​ക​ളി​ൽ പാ​ർ​ക്കു​ക​ൾ നി​ർ​മിക്കാ​ൻ 50 ല​ക്ഷം രൂ​പ​യും, സ്റ്റേ​ഡി​യം നി​ർ​മാ​ണ​ത്തി​ന് 25 ല​ക്ഷം രൂ​പ​യും വ​ക​യി​രു​ത്തി.

അങ്കണവാ​ടി​ക​ളു​ടെ പു​ന​രു​ദ്ധാ​ര​ണ​ത്തി​നും മു​ഴു​വ​ൻ അങ്കണ​വാ​ടി​ക​ളും സ്മാ​ർ​ട്ട് ആ​ക്കു​ന്ന പ​ദ്ധ​തി​ക്കു​മാ​യി ഒ​ന്ന​ര​ക്കോ​ടി രൂ​പ​യാ​ണ് മാ​റ്റി വ​ച്ചി​രി​ക്കു​ന്ന​ത്. പി​എ​ച്ച് സ​ബ് സെ​ന്‍റ​റു​ക​ൾ​ക്ക് ഭൂ​മി വാ​ങ്ങു​ന്ന​തി​ന് 50 ല​ക്ഷം രൂ​പ​യും ഹാ​പ്പി​ന​സ് പാ​ർ​ക്ക് നി​ർ​മാ​ണ​ത്തി​ന് 20 ല​ക്ഷം രൂ​പ​യും, താ​ലൂ​ക്ക് ആ​ശു​പ​ത്രി​യു​ടെ അ​ടി​സ്ഥാ​ന സേ​വ​ന​ങ്ങ​ൾ​ക്കാ​യി ര​ണ്ടു കോ​ടി രൂ​പ​യും ബ​ജ​റ്റി​ൽ മാ​റ്റി​വ​ച്ചു. ഭി​ന്ന​ശേ​ഷി കു​ട്ടി​ക​ൾ​ക്ക് 40 ല​ക്ഷം രൂ​പ​യു​ടെ സ്കോ​ള​ർ​ഷി​പ്പ് ന​ട​പ്പി​ലാ​ക്കും. അങ്കണ​വാ​ടി​ക​ളി​ലെ പോ​ഷ​കാ​ഹാ​ര പ​ദ്ധ​തി​ക്കാ​യി 95 ല​ക്ഷം രൂ​പ വ​ക​യി​രു​ത്തി.

താ​ഴ​ത്തോ​ടു​ക​ളു​ടെ ന​വീ​ക​ര​ണ​ത്തി​നാ​യി ഒ​രു കോ​ടി രൂ​പ​യും കാ​ർ​ഷി​ക മേ​ഖ​ല​യ്ക്കാ​യി 20 ല​ക്ഷം രൂ​പ​യും സ്കൂ​ളു​ക​ൾ​ക്ക് സ്പോ​ർ​ട്സ് കി​റ്റ് ന​ൽ​കു​ന്ന​തി​ന് 5 ല​ക്ഷം രൂ​പ​യും മാ​ലി​ന്യ സം​സ്ക​ര​ണ​ത്തി​നാ​യി 50 ല​ക്ഷം രൂ​പ​യും ബ​ജ​റ്റി​ൽ മാ​റ്റി​വെ​ച്ചി​ട്ടു​ണ്ട്.