ചാ​ത്ത​ന്നൂ​ർ: വ​ഞ്ചി​ക്ലേ​മ​ൻ​സി​ലെ സ​ർ​ക്കാ​ർ വ​ക​ഭൂ​മി സ്വ​കാ​ര്യ വ്യ​ക്തി​യ്ക്ക് കൈ​മാ​റി സം​സ്ഥാ​ന സ​ർ​ക്കാ​ർ. കോ​ടി​ക​ൾ വി​ല​മ​തി​ക്കു​ന്ന വ്യ​വ​സാ​യ വ​കു​പ്പി​ന്‍റെ ഏ​ക്ക​ർ ക​ണ​ക്കി​ന് ഭൂ​മി​യാ​ണ് മ​തി​ൽ​കെ​ട്ടി വേ​ർ​തി​രി​ച്ചു കൊ​ണ്ട് സ്വ​കാ​ര്യ വ്യ​വ​സാ​യി​ക​ൾ​ക്ക് 90 വ​ർ​ഷ​ത്തേ​ക്കു​ള്ള പാ​ട്ട​ക​രാ​ർ എ​ന്ന പേ​രി​ൽ കൈ​മാ​റു​ന്ന​ത്.

ഇതോടെ ചാത്തന്നൂർ ഗവ. ഐടിഐയുടെ ചിരകാല സ്വപ്നം പൊലിഞ്ഞു. നി​ല​വി​ൽ സ​ർ​ക്കാ​ർ ഐ ​ടി ഐ​യ്ക്കും പ്രൈ​വ​റ്റ് ബ​സ് സ്റ്റാ​ന്‍റി​നും മാ​ധ്യ ഭാ​ഗ​ത്താ​യി കി​ട​ക്കു​ന്ന ഒ​രേ​ക്ക​ർ വ​രു​ന്ന സ്ഥ​ലം കൈ​മാ​റി. പെ​രു​മ്പാ​വൂ​ർ സ്വ​ദേ​ശി​യാ​യ വ്യ​വ​സാ​യി​നി​ർ​മാ​ണ​പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ചി​രി​ക്കു​ക​യാ​ണ്.​ബാ​ക്കി​യു​ള്ള ഭൂ​മി​യു​ടെ​യും കൈ​മാ​റ്റ​ത്തി​നു​ള്ള ന​ട​പ​ടി​ക​ൾ സ​ർ​ക്കാ​ർ ന​ട​ത്തി വ​രി​ക​യാ​ണ്.

വ്യ​വ​സാ​യ മ​ന്ത്രി​യു​ടെ ജി​ല്ല​യി​ലു​ള്ള സി​പി​എം നേ​തൃ​ത്വ​വു​മാ​യി ഏ​റ്റ​വും അ​ടു​ത്ത ബ​ന്ധം പു​ല​ർ​ത്തു​ന്ന വ്യ​ക്തി​ക്കാ​ണ്ഭൂ​മി കൈ​മാ​റി​യ​ത്. ഭൂ​മി സ്വ​കാ​ര്യ വ്യ​ക്തി അ​തി​രു​ക​ൾ തി​രി​ച്ച്‌ മ​തി​ൽ കെ​ട്ടി തി​രി​ച്ചി​ട്ടും പ​ഞ്ചാ​യ​ത്ത് അ​ധി​കൃ​ത​രും, സ്ഥ​ലം എം ​എ​ൽ എ ​യും അ​ന​ങ്ങാ​പാ​റ ന​യ​മാ​ണ് സ്വീ​ക​രി​ക്കു​ന്ന​ത്.

ചാ​ത്ത​ന്നൂ​ർ തോ​ട് മണ്ണിട്ടുമൂടി

നീ​രു​റ​വ​ക​ളും കു​ള​ങ്ങ​ളും മ​ണ്ണി​ട്ട് നി​ക​ത്തി കൊ​ണ്ടാ​ണ് നി​ർ​മാ​ണ​പ്ര​വ​ർ​ത്തി​ക​ൾ ന​ട​ത്തു​ന്ന​ത്. ഒ​രേ​ക്ക​റോ​ളം സ്ഥ​ല​ത്ത് ഒ​രി​ക്ക​ലും വ​റ്റാ​ത്ത നീ​രു​റ​വ​യും ചാ​ത്ത​ന്നൂ​ർ തോ​ടി​ന്‍റെ പ്ര​ധാ​ന നീ​രു​റ​വ​യാ​യ കു​ള​വും നി​ക​ത്തി​യാ​ണ് നി​ർ​മാ​ണ​പ്ര​വ​ർ​ത്തി​ക​ൾ ന​ട​ത്തു​ന്ന​ത്. സ​ർ​ക്കാ​ർ അ​നു​വ​ദി​ച്ച​തി​ൽ കൂ​ടു​ത​ൽ ഭൂ​മി മ​ണ്ണി​ട്ട് നി​ക​ത്തി​യ​താ​യി നാ​ട്ടു​കാ​ർ ആ​രോ​പി​ക്കു​ന്നു.

വി​ല്ലേ​ജി​ൽ പ​രാ​തി ന​ൽ​കി​യി​ട്ടും അ​ള​ക്കു​ന്ന​തി​നോ മ​റ്റ് ന​ട​പ​ടി​ക​ൾ സ്വീ​ക​രി​ക്കു​ന്ന​തി​നോ വി​ല്ലേ​ജ് അ​ധി​കൃ​ത​ർ ത​യാ​റാ​കു​ന്നി​ല്ലെ​ന്നാ​ണ് എ​ന്നാ​ണ് നാ​ട്ടു​കാ​രു​ടെ പ​രാ​തി.