കൊല്ലം: കേ​ന്ദ്ര ഊ​ർ​ജ സം​ര​ക്ഷ​ണ മ​ന്ത്രാ​ല​യ​ത്തി​ന്‍റെ നേ​തൃ​ത്വ​ത്തി​ൽ ന്യൂ​ഡ​ൽ​ഹി​യി​ൽ ന​ട​ന്ന വി​ദ്യാ​ർ​ഥിക​ളു​ടെ ദേ​ശീ​യ ചി​ത്ര​ര​ച​നാ മ​ത്സ​ര​ത്തി​ൽ കേ​ര​ള​ത്തെ പ്ര​തി​നി​ധി​ക​രി​ച്ചു പ​ങ്കെ​ടു​ത്ത ഗോ​പി​ക ക​ണ്ണ​ൻ ദേ​ശി​യ അം​ഗീ​കാ​രം നേ​ടി.

ഉ​പ​രാ​ഷ്ട്ര​പ​തി ജ​ഗ​ദീ​പ് ധ​ൻ​ക​ർന്‍റേ​യും കേ​ന്ദ്ര ഊ​ർ​ജ്വ​കു​പ്പ് മ​ന്ത്രി മ​നോ​ഹ​ർ ലാ​ലി​ന്‍റേയും അ​ഭി​ന​ന്ദ​നം നേ​ടുകയും ചെയ്തു. കൊ​ല്ലം എ​സ് എ​ൻ ട്ര​സ്റ്റ്‌ സെ​ന്‍റർ സ്കൂ​ൾ പ​ത്താം ക്ലാ​സ് വി​ദ്യാ​ർ​ഥി​നിയാ​യ ഗോ​പി​ക ക​ണ്ണ​ൻ ഇ​ന്ത്യ​യു​ടെ വി​വി​ധ സം​സ്ഥാ​ന​ങ്ങ​ളി​ൽ നി​ന്നും കേ​ന്ദ്ര ഭ​ര​ണ പ്ര​ദേ​ശ​ങ്ങ​ളി​ൽ നി​ന്നും ​തെര​ഞ്ഞെ​ടു​ക്ക​പ്പെ​ട്ട ഇ​രു​ന്നൂ​റി​ല​ധി​കം വി​ദ്യാ​ർ​ഥിക​ളുമാ​യി മ​ത്സ​രി​ച്ചാ​ണ് ഈ ​നേ​ട്ടം കൈ​വ​രി​ച്ച​ത്.

ഈ ​വ​ർ​ഷം ന​ട​ന്ന സി ​ബി എ​സ് ഇ ​സം​സ്ഥാ​ന സ്കൂ​ൾ ക​ലോ​ത്സ​വ​ത്തി​ൽ അ​ഞ്ചു ഇ​ന​ങ്ങ​ളി​ൽ മ​ത്സ​രി​ച്ച് ഒ​ന്നാം സ്ഥാ​ന​വും ഏ ​ഗ്രേ​ഡോടു കൂ​ടി മി​ക​ച്ച വി​ജ​യ​വും ക​ര​സ്ഥമാ​ക്കി​യി​രി​ന്നു.

സിബിഎ​സ്ഇ ​ഒ​ന്നാം ക്ലാ​സ് വി​ദ്യാ​ർ​ഥി​ക​ളു​ടെ മ​ല​യാ​ളം പാ​ഠാവ​ലി​ക്കു ചി​ത്ര​ങ്ങ​ൾ വ​ര​ച്ചി​ട്ടു​ള്ള ഗോ​പി​ക എം. ​മു​കു​ന്ദ​ന്‍റെ ​പാ​രീ​സ് എ​ന്ന നോ​വ​ലി​നും ഇ​ല്ല​സ്ട്രേ​ഷ​നും ക​വ​ർ ചി​ത്ര​വും ചെ​യ്ത് മു​കു​ന്ദ​ന്‍റെ അ​ഭി​ന​ന്ദ​ന​വും നേ​ടി​യി​രി​ന്നു. മാ​ട​ൻന​ട വ​ട​ക്കെ​വി​ള ശ്രീവി​ലാ​സം ന​ഗ​റി​ൽ ക​ണ്ണ​ന്‍റേയും മ​ഞ്ജുവി​ന്‍റേയും മ​ക​ളാ​ണ് ഗോ​പി​ക. സഹോദരി മീ​നാ​ക്ഷി ക​ണ്ണ​നും ചി​ത്ര​കാ​രി​യാ​ണ്. നി​ര​വ​ധി ദേ​ശീ​യ അ​ന്ത​ർ​ദേ​ശീ​യ മ​ത്സ​ര​ങ്ങ​ളി​ൽ പ​ങ്കെ​ടു​ത്ത ഗോ​പി​ക ക​ണ്ണ​ൻ അ​റു​ന്നൂ​റോ​ളം പു​ര​സ്കാ​ര​ങ്ങ​ൾ നേ​ടി​യി​ട്ടു​ണ്ട്.