കോ​ഴി​ക്കോ​ട്: റി​യ​ൽ എ​സ്റ്റേ​റ്റ് വ്യാ​പാ​രി മു​ഹ​മ്മ​ദ് ആ​ട്ടൂ​ര്‍ (മാ​മി)​യു​ടെ തി​രോ​ധാ​ന​ത്തി​ന് ശേ​ഷം പോ​ലീ​സ് വേ​ട്ട​യാ​ടു​ക​യാ​ണെ​ന്ന് മാ​മി​യു​ടെ ഡ്രൈ​വ​റാ​യി​രു​ന്ന ര​ജി​തും കു​ടും​ബ​വും.

ക​ഴി​ഞ്ഞ ദി​വ​സം കാ​ണാ​താ​യ ര​ജി​ത്, ഭാ​ര്യ സു​ഷാ​ര എ​ന്നി​വ​രെ ഗു​രു​വാ​യൂ​രി​ൽ നി​ന്നാ​ണ് പോ​ലീ​സ് ക​ണ്ടെ​ത്തി​യ​ത്. തു​ട​ർ​ന്ന് കോ​ട​തി​യി​ൽ ഹാ​ജ​രാ​ക്കി വി​ട്ട​യ​യ്ക്കു​ക​യാ​യി​രു​ന്നു. വീ​ട്ടി​ലെ​ത്തി​യ​തി​നു പി​ന്നാ​ലെ​യാ​ണ് പോ​ലീ​സ് വേ​ട്ട​യാ​ടു​ക​യാ​ണെ​ന്ന് ര​ജി​ത് വെ​ളി​പ്പെ​ടു​ത്തി​യ​ത്.​
മാ​മി​യെ കാ​ണാ​താ​യശേ​ഷം പോ​ലീ​സ് ത​ന്നെ​യും സു​ഹൃ​ത്തു​ക്ക​ളെ​യും മ​ക്ക​ൾ ഉ​ൾ​പ്പ​ടെ​യു​ള്ള​വ​രെ​യും വേ​ട്ട​യാ​ടു​ക​യാ​ണ്. ഭാ​ര്യ​യെ പോ​ലീ​സ് വി​ളി​പ്പി​ച്ചു. പ​ത്തു മു​ത​ൽ അ​ഞ്ചുവ​രെ ചോ​ദ്യം ചെ​യ്തു. മ​ക​നെ​യും ചോ​ദ്യം ചെ​യ്തു.

പു​ല​ർ​ച്ചെ നാ​ലി​ന് ഗേ​റ്റ് ചാ​ടി​ക്ക​ട​ന്ന് വ​ന്നാ​ണ് പോ​ലീ​സ് വാ​തി​ൽ മു​ട്ടു​ന്ന​ത്. ഭാ​ര്യ​യു​ടെ ഫോ​ൺ പോ​ലീ​സ് വാ​ങ്ങി​വ​ച്ചു. പോ​ലീ​സ് ചോ​ദി​ക്കു​ന്ന പ​ല കാ​ര്യ​ങ്ങ​ളും ത​നി​ക്ക​റി​യി​ല്ലെ​ന്നും ര​ജി​ത് പ​റ​ഞ്ഞു.

മാ​മി​യേ​യും കൂ​ട്ടി ബി​സി​ന​സ് ആ​വ​ശ്യ​ങ്ങ​ൾ​ക്കാ​യി പ​ല സ്ഥ​ല​ത്തും പോ​കാ​റു​ണ്ട്. ര​ണ്ടു​മൂ​ന്ന് ദി​വ​സ​ങ്ങ​ൾ ക​ഴി​ഞ്ഞ് തി​രി​ച്ചെ​ത്തു​ന്ന സാ​ഹ​ച​ര്യ​ങ്ങ​ളും ഉ​ണ്ടാ​കാ​റു​ണ്ട്. എ​ന്നാ​ൽ മാ​മി​യെ കാ​ണാ​താ​യ ദി​വ​സം മ​ണി​ക്കൂ​റു​ക​ൾ​ക്കു​ള്ളി​ൽ ത​ന്നെ കു​ടും​ബം പ​രാ​തി ന​ൽ​കി. ഇ​തി​ൽ അ​സ്വാ​ഭാ​വി​ക​ത ഉ​ണ്ടെ​ന്നും ര​ജി​ത് ആ​രോ​പി​ച്ചു.