തി​രു​വ​ല്ലം: നാ​ലം​ഗ മ​യ​ക്കു​മ​രു​ന്നു വി​ല്‍​പ്പ​ന സം​ഘ​ത്തെ തി​രു​വ​ല്ലം പോ​ലീ​സ് അ​റ​സ്റ്റ് ചെ​യ്തു. വള്ളക്ക​ട​വ് സു​ലൈ​മാ​ന്‍ മ​ന്‍​സി​ലി​ല്‍ അ​ബ്ദു​ള്‍ റ​ഹ്മാ​ന്‍റെ മ​ക​ന്‍ പൊ​ക്കം ഷാ​ജ​ഹാ​ന്‍ എ​ന്നു വി​ളി​ക്കു​ന്ന ഷാ​ജ​ഹാ​ന്‍, വള്ളക്ക​ട​വ് മേ​ദ​ര്‍ ഹൗ​സി​ല്‍നി​ന്നും നെ​ടു​മം ഷാ​ജി​മ​ന്‍​സി​ലി​ല്‍ താ​മ​സി​ക്കു​ന്ന ഹ​മീ​ദി​ന്‍റെ മ​ക​ന്‍ ആ​ഷി​ഖ്, വള്ള ക്ക​ട​വ് സു​ലൈ​മാ​ന്‍ സ്ട്രീ​റ്റ് ന​ഫീ​ല മ​ന്‍​സി​ലി​ല്‍ അ​ബു​ബ​ക്ക​റി​ന്‍റെ മ​ക​ന്‍ മാ​ഹീ​ന്‍, കാ​ര്‍​ഷി​ക കോ​ള​ജ് കീ​ഴൂ​ര്‍ കു​ന്താ​ലം​വി​ള വീ​ട്ടി​ല്‍ വേ​ണു എ​ന്നി​വ​രെ​യാ​ണ് പി​ടി​കൂ​ടി​യ​ത്.

ചൊ​വ്വാ​ഴ്ച രാ​ത്രി​യി​ല്‍ വെ​ള്ളായ​ണി​ക്കു സ​മീ​പം കോ​ളി​യൂ​ര്‍ കാ​യ​ല്‍​ക്ക​ര ഭാ​ഗ​ത്ത് പോ​ലീ​സ് ന​ട​ത്തി​യ പ​രി​ശോ​ധ​ന​യി​ലാ​ണു കാ​റി​ല്‍ ഒ​ളി​പ്പി​ച്ച നി​ല​യി​ല്‍ ല​ഹ​രി വ​സ്തു​ക്ക​ള്‍ ക​ണ്ടെ​ത്തി​യ​ത്. ഇ​വ​രി​ല്‍ നി​ന്നും 30 ഗ്രാം ​ക​ഞ്ചാ​വും ആറു ഗ്രാം ​എം​ഡി​എം​എയും 65,000 ​രൂ​പ​യും എ​യ​ര്‍ ഗ​ണ്ണും ക​ണ്ടെ​ടു​ത്തു.

പോ​ലീ​സി​നു ല​ഭി​ച്ച ര​ഹ​സ്യ വി​വ​ര​ത്തെ​ത്തു​ട​ര്‍​ന്നാ​യി​രു​ന്നു പ​രി​ശോ​ധ​ന ന​ട​ത്തി​യ​ത്. ല​ഹ​രി വ​സ്തു​ക്ക​ള്‍ വി​ല്‍​പ്പ​ന​ക്കാ​യി കൊ​ണ്ടു​വ​ന്ന​തെ​ന്നാ​ണ് പോ​ലീ​സിനു പ്ര​തി​ക​ളി​ല്‍നി​ന്നും വി​വ​രം ല​ഭി​ച്ച​ത്. പ്ര​തി​ക​ള്‍ ഉ​പ​യോ​ഗി​ച്ച കാ​റും പോ​ലീ​സ് ക​സ്റ്റ​ഡി​യി​ലെ​ടു​ത്തു.

തി​രു​വ​ല്ലം എ​സ്​എ​ച്ച്​ഒ പ്ര​ദീ​പി​ന്‍റെ നേ​തൃ​ത്വ​ത്തി​ല്‍ എ​സ്​ഐ തോ​മ​സ്, ഗ്രേ​ഡ് എ​സ് ഐമാ​രാ​യ ബി​നു, മോ​ഹ​ന​ന്‍, എ​സ്‌സി​പി​ഒമാ​രാ​യ ര​തീ​ഷ്‌​ലാ​ല്‍, അ​നു, ഹോം​ഗാ​ര്‍​ഡ് വി​നി​ല്‍​ജി​ത്ത് എ​ന്നി​വ​രു​ള്‍​പ്പെ​ട്ട പോ​ലീ​സ് സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്. കോ​ട​തി​യി​ല്‍ ഹാ​ജ​രാ​ക്കി​യ പ്ര​തി​ക​ളെ 14 ദിവസത്തേ ക്ക് റി​മാ​ന്‍​ഡ് ചെ​യ്തു.