തെക്കന് കുരിശുമല തീര്ഥാടനം: തിരക്ക് വര്ധിച്ചു
1538929
Wednesday, April 2, 2025 6:31 AM IST
വെളളറട: രാജ്യാന്തര തീര്ഥാടനകേന്ദ്രമായ തെക്കന് കുരിശുമല 68-ാ മത് തീര്ഥാടനത്തിന്റെ മൂന്നാംദിനം തീര്ഥാടകരുടെ തിരക്ക് വര്ധിച്ചു. അപ്രതീഷിതമായി ഉച്ചയ്ക്ക് പെയ്ത വേനല് മഴ തീര്ഥാടകര്ക്ക് ആശ്വാസമായി. രാവിലെ പത്തിനു നെയ്യാറ്റിന്കര രൂപത സംഘടിപ്പിച്ച "യുവത 20 25' യുവജന സംഗമം ഫാ. അരുണ് കുമാര് ഉദ്ഘാടനം ചെയ്തു.
"യുവജനം ക്രിസ്തുവിലേയ്ക്ക്' എന്നതായിരുന്നു വിഷയം. ഫാ അരുണ് പി. ജിത്ത് ആമുഖ സന്ദേശം നല്കി. പുതിയ കാലവും രാസലഹരിയും എന്ന വിഷയത്തില് കേരള ലഹരി നിര്മാര്ജന സമിതി സംസ്ഥാന പ്രസിഡന്റ് രാജന് അമ്പൂരി ക്ലാസ് എടുത്തു. വൈകുന്നേരം 4.30ന് നടന്ന പെന്തിഫിക്കല് ദിവ്യബലിയ്ക്ക് നെയ്യാറ്റിന്കര രൂപത സഹ മെത്രാന് ഡോ. സെല്വരാജന് ദാസന് മുഖ്യകാര്മികത്വം വഹിച്ചു.
സംഗമ വേദിയിലും ആരാധനാ ചാപ്പലിലും നെറുകയിലും നടന്ന തിരുകര്മങ്ങള്ക്ക് ഫാ. സുരേഷ് ബാബു, ഫാ. അനു, ഫാ അരുണ് പി. ജിത്ത്, ഫാ. ജസ്റ്റിന് ഫ്രാന്സിസ്, ഫാ. ജോയി മത്യാസ്, ഫാ. സാബു ക്രിസ്റ്റീന്, ഫാ ജിപിന്ദാസ്, റവ. അഖില് എഒ, ഫാ. കിരണ് രാജ് ഡിപി, ഫാ. അരുണ് കുമാര് എസ്എല് തുടങ്ങിയവര് കാര്മികരായിരുന്നു.
വൈകുന്നേരം 6.30 മണിക്ക് സംഗമ വേദിയില് തെയ്സെ പ്രാര്ഥനയ്ക്ക് ഫാ. അരുണ് പി. ജിത്ത് നേതൃത്വം നല്കി. 7.30ന് അമ്മാ നിമല മൈത്രി തീയേറ്റേഴ്സ് അവതരിപ്പിച്ച വില്പ്പാട്ടും, 8.30 ന് പാറശാല നിസരി മ്യൂസിക് ഒരുക്കിയ ക്രിസ്തീയ സംഗീതാര്ച്ചനയും നടന്നു. ആരാധനാ ചാപ്പലില് കരിസ്മാറ്റിക് കമ്മീഷന് നെയ്യാറ്റിന്കര രൂപത നയിച്ച ജാഗരണ പ്രാര്ഥനയും നടന്നു.