തിരുവനന്തപുരം: പി.എം ശ്രീ പദ്ധതിയുമായി ബന്ധപ്പെട്ട് നയത്തിൽ വെള്ളം ചേർക്കാൻ എന്താണ് കാരണമെന്ന് സിപിഎം വ്യക്തമാക്കണമെന്ന് എഐസിസി ജനറൽ സെക്രട്ടറി കെ.സി. വേണുഗോപാൽ എംപി.
ഈ സുപ്രധാന തീരുമാനം അവരുടെ പാർട്ടി കോണ്ഗ്രസിലോ പാർട്ടിയുടെ സമ്മേളനങ്ങളിലോ പ്രഖ്യാപനം ഉണ്ടായതാണോ. അടിസ്ഥാനപരമായിട്ടുള്ള ഈ നയ മാറ്റത്തിന് എന്തു കാരണമാണ് ഉള്ളതെന്നാണ് അറിയേണ്ടത്.
ഇത്രനാൾ ഒപ്പിടാതിരുന്നതാണോ, അതോ കാബിനറ്റിൽ എതിർപ്പുണ്ടായതാണോ ഈ മാറ്റത്തിന് വഴിതെളിച്ചത്. ഈ വിഷയവുമായി ബന്ധപ്പെട്ട് മുഖ്യമന്ത്രി അനുനയത്തിനായി ശ്രമിക്കുന്നുണ്ട്. സിപിഐ സറണ്ടർ ചെയ്യുമോ അതോ മുഖ്യമന്ത്രി സ്കീമിൽ നിന്ന് പിന്മാറുമോ എന്നുള്ളതാണ് ഇനി കണ്ടറിയേണ്ടതെന്നും കെ.സി. വേണുഗോപാൽ പറഞ്ഞു.
Tags : PM Shri CPM K.C. Venugopal