ആറ്റൂർ: അറഫ സ്കൂളിൽ മൂന്നു ദിവസങ്ങളിലായി നടന്ന സിബിഎസ്ഇ ജില്ല സഹോദയ കലോത്സവത്തിൽ തൃശൂർ ദേവമാത സിഎംഐ പബ്ലിക്ക് സ്കൂൾ പത്താംതവണയും കിരീടം സ്വന്തമാക്കി. അഞ്ചു വിഭാഗത്തിലും ഒന്നാംസ്ഥാനം നേടിയ ദേവമാതയ്ക്ക് 1078 പോയിന്റ് ലഭിച്ചു.
ചിന്മയ വിദ്യാലയ കോലഴി 833 പോയിന്റ് നേടി രണ്ടാംസ്ഥാനവും പാറമേക്കാവ് വിദ്യാമന്ദിർ 830 പോയിന്റോടെ മൂന്നാംസ്ഥാനവും നേടി. നിർമലമാത സെൻട്രൽ സ്കൂൾ തൃശൂർ 823 പോയിന്റ് നേടി നാലാംസ്ഥാനവും ഐഇഎസ് ചിറ്റിലപ്പിള്ളി 813 പോയിന്റ് നേടി അഞ്ചാംസ്ഥാനവും കരസ്ഥമാക്കി.
കലോത്സവത്തിന്റെ സമാപനച്ചടങ്ങ് ഉദ്ഘാടനവും അവാർഡ് ദാനവും സേവ്യർ ചിറ്റിലപ്പിള്ളി എംഎൽഎ നിർവഹിച്ചു. സഹോദയ ജനറൽ സെക്രട്ടറി ഷമീം ബാവ അധ്യക്ഷത വഹിച്ചു. ജില്ലയിലെ 75 സ്കൂളുകളിൽനിന്നായി ആറായിരത്തിലധികം വിദ്യാർഥികൾ 147 ഇനങ്ങളിലായി മാറ്റുരച്ചു.
Tags : nattuvishesham local news