ചാവക്കാട്: ദേശീയപാത 66 ഒരുമനയൂർ മാങ്ങോട്ട് സ്കൂളിനുസമീപം സ്വകാര്യ ലിമിറ്റഡ് സ്റ്റോപ്പ് ബസ് കാറിൽ ഇടിച്ചു രണ്ടുപേർക്ക് പരിക്ക്. ഇന്നലെ രാവിലെയാണ് അപകടം. ഗുരുവായൂരിൽനിന്നു എറണാകുളത്തേക്കുപോകുന്ന ബസാണ് അപകടത്തിൽപെട്ടത്.
അമിതവേഗതയാണ് മുന്നിൽപോയിരുന്ന കാറിനു പിന്നിലിടിക്കാൻ കാരണമെന്ന് പറയുന്നു. കാർ യാത്രക്കാരായ രണ്ടുപേർക്ക് ചെറിയ പരിക്കേറ്റു. പരിക്കേറ്റ മലപ്പുറം കോട്ടക്കൽ മുഹമ്മദ് മുസ്തഫ (49) യെ ആശുപത്രിയിൽ പ്രവേശിപ്പിച്ചു. ബസ് റോഡരികിലെ കാനയ്ക്കു മുകളിലേക്ക് കയറിയതിനെ തുടർന്ന് സ്ലാബ് തകർന്നു ബസിന്റെ മുൻചക്രം കുടുങ്ങി . സർവീസ് റോഡിലെ ഗതാഗതം ഏറെ നേരം തടസപ്പെട്ടു. കാനയ്ക്ക് മുകളിലെ സ്ലാബുകൾ കമ്പികളില്ലാതെയാണ് വാർത്തിട്ടുള്ളത് നാട്ടുകാർ പറയുന്നു.
Tags : nattuvishesham local news