മറ്റക്കര: വടക്കേടം-മഞ്ഞക്കാവ്-മുണ്ടുവാലേൽ കോൺ ഭാഗങ്ങളെ തമ്മിൽ ബന്ധിപ്പിക്കുന്ന റോഡിൽ പന്നഗം തോടിനു കുറുകെയുള്ള വാഴപ്പള്ളി പാലത്തിന് കൈവരി അത്യാവശ്യമാകുന്നു.
വാഹനങ്ങൾ കടന്നുപോകത്തക്ക വിധം ചപ്പാത്ത് രീതിയിലാണ് പാലം നിർമിച്ചത്. എന്നാൽ, പാലത്തിന് മതിയായ രീതിയിൽ കൈവരി ഇല്ലാത്തത് അതുവഴി വാഹനങ്ങൾ യാത്രചെയ്യുമ്പോൾ അപകട സാധ്യത വർധിപ്പിക്കുന്നു, പ്രത്യേകിച്ചു രാത്രി കാലങ്ങളിൽ.
വടക്കേടം ജംഗ്ഷനിൽനിന്ന് വരുന്ന റോഡ് പാലത്തിലേക്ക് കയറുന്ന ഭാഗവും നിലവിൽ അപകട ഭീഷണി ഉയർത്തുന്ന രീതിയിലാണുള്ളത്. പാലത്തിന്റെ ഇരുഭാഗവും വൃത്തിയാക്കി കൈവരി കൂടി പണിത് പാലം സുരക്ഷിതമാക്കണമെന്നാണ് ആവശ്യം.