കേരളം ഉത്തരവാദിത്ത ടൂറിസത്തിന്റെ ലോകമാതൃകകളിൽ ഒന്നാണെന്ന് കോൺഫറൻസ് ചെയർമാനും ഐസിആർടി സൗത്ത് ഈസ്റ്റ് ഏഷ്യ ചെയർമാനുമായ ഡോ. ഹൈറം തിങ് പ്രസ്താവിച്ചു.
കേരളത്തിലും ഇന്ത്യയിലും റെസ്പോൺസിമ്പിൾ ടൂറിസം മോഡൽ രൂപപ്പെടുത്തുന്നതിൽ നിർണായക പങ്ക് വഹിച്ച രൂപേഷ് കുമാറിനെ ആദരിക്കുന്നതിന്റെ ഭാഗമായാണ് രൂപേഷ്കുമാറിനെ മുഖ്യപ്രഭാഷകനായി സമ്മേളനത്തിലേക്ക് ക്ഷണിച്ചത്.
ഇന്ത്യൻ മോഡലിനെക്കുറിച്ച് പ്രത്യേകമായി നടന്ന സെഷനിൽ കുമരകം, അയ്മനം, ബേപ്പൂർ, മറവൻതുരുത്ത്, വൈക്കം പെപ്പർ പദ്ധതി എന്നിവ ജനകീയ ടൂറിസം വികസനത്തിന്റെ പ്രത്യേക മാതൃകകളാണെന്ന് പ്രാസംഗികർ പ്രസ്താവിച്ചു. ഇന്ത്യ സെഷനിൽ കെ. രൂപേഷ് കുമാർ, മനീഷ പാണ്ഡെ, ഡോ. നോജ് കുമാർ സിംഗ്, പ്രഫ. അതിഥി ചൗധരി എന്നിവർ പ്രസംഗിച്ചു.