മും​ബൈ: ഇ​ന്ത്യ​ൻ ഓ​ഹ​രി സൂ​ചി​ക​ക​ളാ​യ സെ​ൻ​സെ​ക്സും നി​ഫ്റ്റി​യും ഇ​ന്ന​ലെ ര​ണ്ടു ശ​ത​മാ​ന​ത്തി​നു മു​ക​ളി​ലെ​ത്തി.

പ​ക​ര​ച്ചു​ങ്ക ന​ട​പ​ടി​ക​ളി​ൽ ഒ​ഴി​വാ​ക്ക​ലു​ക​ൾ സാ​ധ്യ​മെ​ന്ന് യു​എ​സ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ് ന​ൽ​കി​യ സൂ​ച​ന​യാ​ണ് ഇ​ന്ത്യ​ൻ ഓ​ഹ​രി​വി​പ​ണി​ക്കു ക​രു​ത്താ​യ​ത്. ഈ ​മാ​സമാ​ദ്യം ഇ​ന്ത്യ​ൻ വി​പ​ണി​ക​ൾ​ക്കു​ണ്ടാ​യ ന​ഷ്ടം വീ​ണ്ടെ​ടു​ക്കാ​ൻ ഈ ​നേ​ട്ട​ങ്ങ​ൾ സ​ഹാ​യി​ച്ചു, എ​ല്ലാ മേ​ഖ​ല​ക​ളി​ലും വാ​ങ്ങ​ൽ പ്ര​വ​ണ​ത പ്ര​ക​ട​മാ​യി.

സെ​ൻ​സെ​ക്സ് 2.1 ശ​ത​മാ​നം (1,577.63 പോ​യി​ന്‍റ്) ഉ​യ​ർ​ന്ന് 76,734.89 ലും ​നി​ഫ്റ്റി 2.19 ശ​ത​മാ​നം (500 പോ​യി​ന്‍റ്) ഉ​യ​ർ​ന്ന് 23,328.55 ലു​മാ​ണ് ക്ലോ​സ് ചെ​യ്ത​ത്.മി​ഡ്ക്യാ​പ്, സ്മോ​ൾ​ക്യാ​പ് സൂ​ചി​ക​ക​ൾ മൂ​ന്ന് ശ​ത​മാ​നം ഉയർന്നു.

ബി​എ​സ്ഇ​യി​ൽ ലി​സ്റ്റ് ചെ​യ്ത ക​ന്പ​നി​ക​ളു​ടെ മൊ​ത്തം വി​പ​ണി മൂ​ല​ധ​നം 10.8 ല​ക്ഷം കോ​ടി രൂ​പ വ​ർ​ധി​ച്ച് 412.34 ല​ക്ഷം കോ​ടി രൂ​പ​യാ​യി.


സ്മാ​ർ​ട്ട്ഫോ​ൺ, ലാ​പ്ടോ​പ്, കം​പ്യൂ​ട്ട​ർ ഉ​ൾ​പ്പെ​ടെ​യു​ള്ള ഇ​ല​ക്‌​ട്രി​ക് സാ​ധ​ന​ങ്ങ​ളെ ട്രം​പ് അ​ധി​ക തീ​രു​വ​യി​ൽനി​ന്ന് ഒ​ഴി​വാ​ക്കി​യ​തും ഇ​ന്ത്യ​ൻ മാ​ർ​ക്ക​റ്റി​ന് ഗു​ണം ചെ​യ്തു. ട്രം​പി​ന്‍റെ പ​ക​ര​ച്ചു​ങ്കം മൂ​ല​മു​ണ്ടാ​യ സാ​ന്പ​ത്തി​ക അ​സ്ഥി​ര​ത​ക​ൾ​ക്കി​ട​യി​ൽ ഇ​ന്ത്യ​ൻ വി​പ​ണി​ക​ളെ താ​ര​ത​മ്യേ​ന സു​ര​ക്ഷി​ത താ​വ​ള​മാ​യി നി​ക്ഷേ​പ​ക​ർ കാ​ണു​ന്നു​ണ്ട്.

ചൈ​ന​യ്ക്കു പ​ക​ര​മു​ള്ള ഒ​രു ഉ​ത്പാ​ദ​ന കേ​ന്ദ്ര​മാ​യി ഇ​ന്ത്യ​യെ ഉ​യ​ർ​ത്തി​ക്കൊ​ണ്ടു​വ​രാ​ൻ ചൈ​ന-​യു​എ​സ് വ്യാ​പാ​രയു​ദ്ധം ശ​ക്തി​പ്പെ​ടു​ന്ന​ത് സ​ഹാ​യി​ക്കു​മെ​ന്ന ക​രു​ത​ൽ നി​ക്ഷേ​പ​ർ​ക്കി​ട​യി​ലു​ണ്ട്. വി​ദേ‍​ശ ഓ​ട്ടോ​മൊ​ബൈ​ൽ സാ​മ​ഗ്രി​ക​ളെ തീ​രു​വ​യി​ൽ​നി​ന്ന് ഒ​ഴി​വാ​ക്കു​മെ​ന്ന് ട്രം​പി​ന്‍റെ സൂ​ച​ന​യും വി​പ​ണി​ക്കു ക​രു​ത്താ​യി.