ഒരേസമയം ആറു കപ്പലുകള്‍ അറ്റകുറ്റപ്പണി നടത്താവുന്ന 1.5 കിലോമീറ്റര്‍ ബര്‍ത്താണുള്ളത്. അത്യാധുനിക സൗകര്യങ്ങളുള്ള ഐഎസ്ആര്‍എഫ് സജ്ജമായതോടെ ലോകത്തിന്‍റെ വിവിധ ഭാഗങ്ങളില്‍നിന്ന് കപ്പലുകള്‍ അറ്റകുറ്റപ്പണിക്ക് എത്തുമെന്നാണു പ്രതീക്ഷ.
ഇന്ത്യന്‍ നാവികസേന, തീരസംരക്ഷണസേന തുടങ്ങിയവയുടെ കപ്പലുകളും ഇവിടെ കൈകാര്യം ചെയ്യാനാകും. നിലവില്‍ കപ്പല്‍ശാലയില്‍ വര്‍ഷത്തില്‍ 100 കപ്പലുകളുടെ അറ്റകുറ്റപ്പണി ചെയ്യുന്നുണ്ട്. പുതിയ കേന്ദ്രത്തില്‍ 82 കപ്പലുകള്‍കൂടി ചെയ്യാനാകും.