ഗോ​വ​ധ നി​രോ​ധ​ന​നി​യ​മം രാ​ജ്യ​ത്ത് മു​ന്പേ​യു​ണ്ടാ​യി​രു​ന്നു. പ​ക്ഷേ, ബി​ജെ​പി അ​ധി​കാ​ര​ത്തി​ലെ​ത്തി​യ​തോ​ടെ​യാ​ണ് അ​ത് ഭീ​തി​ത​മാം​വി​ധം ഉ​പ​യോ​ഗി​ക്ക​പ്പെ​ട്ട​ത്. മ​ത​പ​രി​വ​ർ​ത്ത​ന നി​യ​മ ഭേ​ദ​ഗ​തി​യും ന്യൂ​ന​പ​ക്ഷ​ങ്ങ​ൾ​ക്കെ​തി​രേ​യു​ള്ള ബു​ൾ​ഡോ​സ​റാ​യി മാ​റാ​ൻ അ​നു​വ​ദി​ക്ക​രു​ത്.


ക​ർ​ണാ​ട​ക​ത്തി​ൽ ബി​ജെ​പി കൊ​ണ്ടു​വ​ന്ന മ​ത​പ​രി​വ​ർ​ത്ത​ന നി​രോ​ധ​ന നി​യ​മ​മാ​യ, "മ​ത​സ്വാ​ത​ന്ത്ര്യ സം​ര​ക്ഷ​ണ നി​യ​മം 2022', കോ​ൺ​ഗ്ര​സ് 2023 ജൂ​ണി​ൽ റ​ദ്ദാ​ക്കി. കു​റ്റാ​രോ​പി​ത​ർ നി​ര​പ​രാ​ധി​ത്വം തെ​ളി​യി​ക്കേ​ണ്ടി​വ​രു​ന്ന വ്യ​വ​സ്ഥ​ക​ളാ​ണ് റ​ദ്ദാ​ക്കാ​ൻ കാ​ര​ണ​മെ​ന്ന് ഊ​ർ​ജ​മ​ന്ത്രി കെ.​ജെ. ജോ​ർ​ജ് അ​ന്ന് മാ​ധ്യ​മ​ങ്ങ​ളോ​ടു പ​റ​ഞ്ഞി​രു​ന്നു.

ശ​ക്ത​മാ​യ നി​യ​മം നി​ല​വി​ലു​ണ്ടെ​ന്നും അ​ദ്ദേ​ഹം വ്യ​ക്ത​മാ​ക്കി. നി​ല​വി​ൽ ഒ​റീ​സ, ഛത്തീ​സ്ഘ​ട്ട്, മ​ധ്യ​പ്ര​ദേ​ശ്, ഗു​ജ​റാ​ത്ത്, ഹി​മാ​ച​ൽ​പ്ര​ദേ​ശ്, ജാ​ർ​ഖ​ണ്ഡ്, ഉ​ത്ത​ർ​പ്ര​ദേ​ശ്, ഉ​ത്ത​രാ​ഖ​ണ്ഡ്, ഹ​രി​യാ​ന എ​ന്നി​ങ്ങ​നെ ഒ​മ്പ​ത് സം​സ്ഥാ​ന​ങ്ങ​ളി​ലാ​ണ് മ​ത​പ​രി​വ​ർ​ത്ത​ന നി​രോ​ധ​ന നി​യ​മ​ങ്ങ​ൾ നി​ല​വി​ലു​ള്ള​ത്.

അ​രു​ണാ​ച​ൽ​പ്ര​ദേ​ശ്, രാ​ജ​സ്ഥാ​ൻ, ത​മി​ഴ്നാ​ട്, ത്രി​പു​ര, ആ​സാം തു​ട​ങ്ങി​യ സം​സ്ഥാ​ന​ങ്ങ​ളി​ൽ നി​യ​മ​നി​ർ​മാ​ണ​ത്തി​നു​ള്ള ശ്ര​മ​ത്തി​ലാ​ണ്. ബി​ജെ​പി ഭ​രി​ക്കു​ന്ന സം​സ്ഥാ​ന​ങ്ങ​ൾ​ക്കൊ​ക്കെ യു​പി മാ​തൃ​ക​യാ​കാ​നി​ട​യു​ണ്ട്. അ​തേ​സ​മ​യം, മ​റ്റു മ​ത​ങ്ങ​ൾ സ്വീ​ക​രി​ച്ച​വ​രെ വീ​ണ്ടും ഹി​ന്ദു മ​ത​ത്തി​ലേ​ക്ക് കൂ​ട്ട മ​ത​പ​രി​വ​ർ​ത്ത​നം ന​ട​ത്തു​ന്ന ‘ഘ​ർ​വാ​പ​സി’ സം​ഘ​പ​രി​വാ​ർ വി​ഘ്ന​മി​ല്ലാ​തെ ന​ട​ത്തു​ന്നു​മു​ണ്ട്. കേ​സോ അ​ന്വേ​ഷ​ണ​മോ ഒ​ന്നു​മി​ല്ല.

യു​പി​യി​ലെ തെ​ര​ഞ്ഞെ​ടു​പ്പു പ​രാ​ജ​യ​വും പാ​ർ​ട്ടി​യി​ലെ ത​മ്മി​ല​ടി​യും ദോ​ഷ​മാ​യി ഭ​വി​ച്ച​തോ​ടെ​യാ​വാം മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥ് വ​ർ​ഗീ​യ​വാ​ദി​ക​ളെ പ്രീ​ണി​പ്പി​ക്കു​ന്ന പു​തി​യ ഭേ​ദ​ഗ​തി കൊ​ണ്ടു​വ​ന്ന​ത്. അ​തു പാ​ർ​ട്ടി​ക്കു ഗു​ണ​ക​ര​മാ​യി​രി​ക്കും; രാ​ജ്യ​ത്തി​ന് ഒ​ട്ടു​മ​ല്ല. യ​ഥാ​ർ​ഥ രാ​ജ്യ​സ്നേ​ഹി​ക​ൾ ഇ​തി​നെ​തി​രേ നി​ല​കൊ​ള്ളേ​ണ്ട​തു​ണ്ട്. പാ​ക്കി​സ്ഥാ​നി​ൽ ഹി​ന്ദു​ക്ക​ളും ക്രി​സ്ത്യാ​നി​ക​ളും അ​നു​ഭ​വി​ക്കു​ന്ന​ത് ത​ങ്ങ​ൾ അ​നു​ഭ​വി​ക്കേ​ണ്ടി​വ​രു​മോ​യെ​ന്ന ആ​ശ​ങ്ക ഇ​ന്ത്യ​യി​ലെ ന്യൂ​ന​പ​ക്ഷ​ങ്ങ​ൾ​ക്ക് ഉ​ണ്ടാ​ക​രു​ത്.