നെ​ന്മാ​റ: വ്ലാ​ത്താ​ങ്ക​ര ചീ​രകൃ​ഷി നെ​ന്മാ​റ​യി​ലും ആ​രം​ഭി​ച്ചു. പ​ര​മ്പ​രാ​ഗ​ത വി​ത്തി​ന​ങ്ങ​ളു​ടെ സം​ര​ക്ഷ​ണ​ത്തി​ന്‍റെ ഭാ​ഗ​മാ​യി പ​ച്ച​ക്ക​റി വി​ക​സ​ന പ​ദ്ധ​തി​യി​ലു​ൾ​പ്പെ​ടു​ത്തി​യാ​ണ് നെ​ന്മാ​റ​യി​ലും വ്ലാ​ത്താ​ങ്ക​ര ചീ​രകൃ​ഷി ചെ​യ്‌​തി​രി​ക്കു​ന്ന​ത്.

തി​രു​വ​ന​ന്ത​പു​രം ജി​ല്ല​യി​ലെ ചെ​ങ്ക​ൽ പ​ഞ്ചാ​യ​ത്തി​ലെ ത​ന​തുചീ​ര​യാ​ണ് വ്ലാ​ത്താ​ങ്ക​ര ചീ​ര. വി​ത്ത​ന​ശേ​രി​യി​ലെ ക​ർ​ഷ​ക​നാ​യ വി. ​രാ​ധാ​കൃ​ഷ്‌​ണ​ന്‍റെ കൃ​ഷി​യി​ട​ത്തി​ലാ​ണ് പ​രീ​ക്ഷ​ണാ​ടി​സ്ഥാ​ന​ത്തി​ൽ കൃ​ഷി ആ​രം​ഭി​ച്ച​ത്.

തീ​ക്ഷ​്ണ​മാ​യ ചു​വ​പ്പു നി​റ​മാ​ണ് ഇ​തി​ന്‍റെ പ്ര​ത്യേ​ക​ത. സാ​ധാ​ര​ണ ചീ​ര​ക​ൾ​ക്കി​ല്ലാ​ത്ത ഈ ​അ​രു​ണശോ​ണി​മ​യും വ​ർ​ഷം മു​ഴു​വ​ൻ വി​ള​വെ​ടു​ക്കാ​വു​ന്ന​തും ഒ​രാ​ൾ പൊ​ക്ക​ത്തി​ൽ വ​ള​രു​ന്നു എ​ന്ന​തും ഇ​തി​നെ മ​റ്റു ചീ​ര​യി​ന​ങ്ങ​ളി​ൽ നി​ന്നും വ്യ​ത്യ​സ്ത‌​മാ​ക്കു​ന്ന​ത്.

പ​രീ​ക്ഷ​ണാ​ടി​സ്ഥാ​ന​ത്തി​ൽ 10 സെ​ന്‍റ് സ്ഥ​ല​ത്താ​ണ് കൃ​ഷി​യി​റ​ക്കി​യ​ത്. ഇ​തി​നാ​വ​ശ്യ​മാ​യ വി​ത്ത്‌ കി​ലോ​ക്ക് 3600 രൂ​പ നി​ര​ക്കി​ൽ ചെ​ങ്ക​ൽ പ​ഞ്ചാ​യ​ത്തി​ലെ ക​ർ​ഷ​ക​രി​ൽ നി​ന്നാ​ണ് ശേ​ഖ​രി​ച്ച​ത്.
നെ​ന്മാ​റ കൃ​ഷി​ഭ​വ​നന്‍റെ നി​ർ​ദേശാ​നു​സ​ര​ണം ക​ഴി​ഞ്ഞ ഒ​ക്ടോ​ബ​റി​ലാ​ണ് വി​ത്തി​റ​ക്കി​യ​ത്.

പ​ര​മ്പ​രാ​ഗ​ത വി​ത്തി​ന​ങ്ങ​ൾ പ്ര​ച​രി​പ്പി​ക്കു​ന്ന​തി​ന്‍റെ ഭാ​ഗ​മാ​യാ​ണ് പാ​ല​ക്കാ​ട് ജി​ല്ല​യു​ടെ പ​ച്ച​ക്ക​റി ഗ്രാ​മ​മാ​യ വി​ത്ത​ന​ശേ​രി​യി​ൽ പ​രീ​ക്ഷ​ണാ​ടി​സ്ഥാ​ന​ത്തി​ൽ കൃ​ഷി​യി​റ​ക്കാ​ൻ തീ​രു​മാ​നി​ച്ച​ത്.

വ്ലാ​ത്താ​ങ്ക​ര ചീര​യു​ടെ ഗു​ണ​വും നി​റ​വും ഒ​ട്ടുംചോ​രാ​തെ നെ​ന്മാ​റ​യി​ലും കൃ​ഷി ചെ​യ്യാ​ൻ ക​ഴി​ഞ്ഞ​തോ​ടെ ചീ​ര​യു​ടെ ശി​ഖര​ങ്ങ​ൾ മു​റി​ച്ച് വി​ല്പന ന​ട​ത്താ​തെ ചീ​ര വി​ത്ത് ഉ​ത്പാ​ദി​പ്പി​ച്ച് ആ​വ​ശ്യ​ക്കാ​ർ​ക്ക് ല​ഭ്യ​മാ​ക്കാ​നു​ള്ള ന​ട​പ​ടി​ക​ളാ​ണ് നെ​ന്മാ​റ കൃ​ഷി​ഭ​വ​ന്‍റെ നേ​തൃ​ത്വ​ത്തി​ൽ ന​ട​ന്നു​വ​രു​ന്ന​തെ​ന്ന് കൃ​ഷിഭ​വ​ൻ അ​ധി​കൃ​ത​ർ പ​റ​ഞ്ഞു.