പാലക്കാട്: മ​ല​ന്പു​ഴ മേ​ഖ​ല​യി​ലെ ഗോ​ത്ര​വ​ർ​ഗ ഉ​ന്ന​തി​ക​ളി​ലെ ഗ​ർ​ഭി​ണി​ക​ൾ​ക്ക് പോ​ഷ​കാ​ഹാ​രം വീ​ടു​ക​ളി​ലെ​ത്തി​ച്ച് ന​ൽ​ക​ണ​മെ​ന്ന് സം​സ്ഥാ​ന ഭ​ക്ഷ്യ​സു​ര​ക്ഷാ ക​മ്മീ​ഷ​ൻ അ​ധ്യ​ക്ഷ​ൻ ഡോ.​ ജി​നു സ​ഖ​റി​യ ഉ​മ്മ​ൻ. ദേ​ശീ​യ ഭ​ക്ഷ്യ ഭ​ദ്ര​താനി​യ​മം 2013 അ​ടി​സ്ഥാ​ന​മാ​ക്കി വി​വി​ധ വ​കു​പ്പു​ക​ൾ​ക്ക് കീ​ഴി​ൽ ന​ട​പ്പി​ലാ​ക്കു​ന്ന പ​ദ്ധ​തി​ക​ളു​ടെ നി​ർ​വഹ​ണ പു​രോ​ഗ​തി വി​ല​യി​രു​ത്തു​ന്ന​തി​നാ​യി മ​ല​ന്പു​ഴ മേ​ഖ​ല​യി​ലെ പ​ട്ടാ​റോ​ഡ്, എ​ലി​വാ​ൽ, കൊ​ല്ലം​കു​ന്ന്, കൊ​ച്ചി​ത്തോ​ട്, മു​തി​രം​കു​ന്ന്, മേ​ട്ടു​പ്പ​തി, കൊ​ല്ലം​കു​ന്ന് ഗോ​ത്ര​വ​ർ​ഗ ഉ​ന്ന​തി​ക​ളി​ൽ സ​ന്ദ​ർ​ശ​നം ന​ട​ത്തു​ക​യാ​യി​രു​ന്നു ക​മ്മീ​ഷ​ൻ.

മ​തി​യാ​യ രേ​ഖ​ക​ൾ ഇ​ല്ല എ​ന്ന കാ​ര​ണ​ത്താ​ൽ ജ​ന​നി സു​ര​ക്ഷാ പ​ദ്ധ​തി​പ്ര​കാ​രം ല​ഭി​ക്കു​ന്ന പ്ര​സ​വാ​നൂ​ല്യം മു​ട​ങ്ങ​രു​തെ​ന്നും രേ​ഖ​ക​ൾ വേ​ഗ​ത്തി​ൽ ല​ഭ്യ​മാ​ക്കാ​നു​ള്ള ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നും ക​മ്മീ​ഷ​ൻ ഉ​ദ്യോ​ഗ​സ്ഥ​ർ​ക്ക് നി​ർ​ദേശം ന​ൽ​കി. ഇ​തോ​ടൊ​പ്പം കൊ​ല്ലം​കു​ന്ന് അ​ങ്ക​ണ​വാ​ടി​യി​ലും ക​മ്മീ​ഷ​ൻ സ​ന്ദ​ർ​ശ​നം ന​ട​ത്തി. ആ​ദ്യം എ​ത്തു​ന്ന സ്റ്റോ​ക്കു​ക​ളി​ലെ ഭ​ക്ഷ്യ​ധാ​ന്യ​ങ്ങ​ൾ ആ​ദ്യം ഉ​പ​യോ​ഗി​ക്ക​ണ​മെ​ന്നും ക​മ്മീ​ഷ​ൻ നി​ർ​ദേശം ന​ൽ​കി.

ജി​ല്ലാ സ​പ്ലൈ ഓ​ഫീ​സ​ർ എ.​എ​സ്. ബീ​ന, ഐസിഡിഎ​സ് ജി​ല്ലാ പ്രോ​ഗ്രാം ഓ​ഫീ​സ​ർ ടി.​വി. മി​നി​മോ​ൾ, ടിഇ​ഒ എ.​ സു​രേ​ന്ദ്ര​ൻ നേ​തൃ​ത്വ​ത്തി​ൽ ഉ​ള്ള പ​ട്ടി​ക വ​ർ​ഗ വ​കു​പ്പ് ഉ​ദ്യോ​ഗ​സ്ഥ​ർ, വാ​ള​യാ​ർ റേ​ഞ്ച് ഓ​ഫീ​സ​ർ മു​ഹ​മ്മ​ദ​ലി ജി​ന്ന, മ​ല​ന്പു​ഴ ജ​ന​മൈ​ത്രി പൊ​ലീ​സ് എ​സ്എ​ച്ച്ഒ ക​രീം, സു​വ​ർ​ണകു​മാ​ർ, അ​സീ​ന ക​മ്മീ​ഷ​നൊ​പ്പം ഉ​ണ്ടാ​യി​രു​ന്നു.