നെ​ന്മാ​റ: നെ​ന്മാ​റ​യി​ൽ പ​ണി പൂ​ർ​ത്തി​യാ​യ സൗ​രോ​ർ​ജ വൈ​ദ്യു​ത​പ​ദ്ധ​തി​യു​ടെ ഉ​ദ്ഘാ​ട​നം നീ​ളു​ന്നു. ഏ​ഴു​വ​ർ​ഷം മു​ൻ​പ് അ​ന്ന​ത്തെ വൈ​ദ്യു​തി​മ​ന്ത്രി എം.​എം. മ​ണി ഉ​ദ്ഘാ​ട​നം ചെ​യ്ത സൗ​രോ​ർ​ജ വൈ​ദ്യു​തി ഉ​ൽ​പാ​ദ​ന പ​ദ്ധ​തി​യാ​ണ് ഒ​ട്ടേ​റെ വി​വാ​ദ​ങ്ങ​ൾ​ക്കു​ശേ​ഷം പ​ല കാ​ര​ണ​ങ്ങ​ളാ​ൽ മു​ട​ങ്ങി​ക്കി​ട​ന്ന​ത്.

പ​ദ്ധ​തി​യി​ൽ സൗ​രോ​ർ​ജ പാ​ന​ൽ സ്ഥാ​പി​ക്കു​ന്ന ജോ​ലി​ക​ൾ ര​ണ്ടു​വ​ർ​ഷം മു​ൻ​പാ​ണ് പു​ന​രാ​രം​ഭി​ച്ച​ത്. പ​ണി​പൂ​ർ​ത്തി​യാ​ക്കി വ​ർ​ഷ​ങ്ങ​ളാ​യെ​ങ്കി​ലും വൈ​ദ്യു​തി ഉ​ത്പാ​ദ​നം ന​ട​ത്താ​തെ പാ​ന​ലു​ക​ൾ പൊ​ടി​പി​ടി​ച്ചു കി​ട​ക്കു​ക​യാ​ണ്. നെ​ന്മാ​റ അ​യി​നം​പാ​ട​ത്തു​ള്ള കെ​എ​സ്ഇ​ബി​യു​ടെ പ​ഴ​യ സെ​ക്്ഷ​ൻ ഓ​ഫി​സ് വ​ള​പ്പി​ൽ 9.69 കോ​ടി രൂ​പ മു​ട​ക്കി 1.5 മെ​ഗാ​വാ​ട്ട് സൗ​രോ​ർ​ജ വൈ​ദ്യു​തി ഉ​ത്പാ​ദി​പ്പി​ക്കാ​നു​ള്ള പാ​ന​ലു​ക​ളാ​ണു സ്ഥാ​പി​ച്ചി​ട്ടു​ള്ള​ത്.

പ​ണി പൂ​ർ​ത്തി​യാ​യെ​ന്നും കെ​എ​സ്ഇ​ബി ലൈ​നു​മാ​യി ബ​ന്ധി​പ്പി​ക്കു​ന്ന ജോ​ലി​മാ​ത്ര​മേ ബാ​ക്കി​യു​ള്ളു​വെ​ന്നും അ​ധി​കൃ​ത​ർ പ​റ​യു​ന്നു.

സൗ​രോ​ർ​ജ പാ​ന​ലി​ൽ നി​ന്നു​ള്ള വൈ​ദ്യു​തി ത​ത്കാ​ലം തൊ​ട്ട​ടു​ത്ത ട്രാ​ൻ​സ്ഫോ​മ​റു​മാ​യി ബ​ന്ധി​പ്പി​ക്കാ​നാ​ണു നീ​ക്കം. ഉ​ട​ൻ​ത​ന്നെ ഇ​തു​പൂ​ർ​ത്തി​യാ​ക്കും. തു​ട​ർ​ന്ന് സ​മീ​പ​ത്തു ത​ന്നെ​യു​ള്ള സ​ബ് സ്‌​റ്റേ​ഷ​നു​മാ​യി ബ​ന്ധി​പ്പി​ക്കു​ന്ന ജോ​ലി​ക​ൾ പൂ​ർ​ത്തി​യാ​ക്കു​ന്ന​തോ​ടെ പ​ദ്ധ​തി ക​മ്മീ​ഷ​ൻ ചെ​യ്യാ​നാ​കും.

ആ​ദ്യ​ഘ​ട്ട​ത്തി​ൽ കെ​എ​സ്ഇ​ബി നെ​ന്മാ​റ സെ​ക്‌​ഷ​ൻ ഓ​ഫീ​സാ​യി പ്ര​വ​ർ​ത്തി​ച്ചി​രു​ന്ന വ​ള​പ്പി​ലെ മ​ര​ങ്ങ​ൾ മു​റി​ച്ചു​നീ​ക്കാ​നു​ള്ള ന​ട​പ​ടി​ക്കു​ത​ന്നെ വ​ർ​ഷ​ങ്ങ​ളെ​ടു​ത്തു.​

ഇ​തോ​ടെ ആ​ദ്യം ക​രാ​ർ ഏ​റ്റെ​ടു​ത്ത ക​മ്പ​നി സ​ർ​ക്കാ​രി​നോ​ടു കൂ​ടു​ത​ൽ തു​ക ആ​വ​ശ്യ​പ്പെ​ട്ടു. പി​ന്നീ​ട് 2021ൽ ​ര​ണ്ടാ​മ​തു ക​രാ​ർ ഏ​റ്റെ​ടു​ത്ത ക​മ്പ​നി​യും പ്രാ​ഥ​മി​ക ജോ​ലി​ക​ൾ ചെ​യ്ത​ശേ​ഷം ഉ​പേ​ക്ഷി​ച്ചു മ​ട​ങ്ങി. കേ​ന്ദ്രം ജി​എ​സ്‌​ടി വ​ർ​ധി​പ്പി​ച്ച​താ​യി​രു​ന്നു കാ​ര​ണം.