ഷൊർ​ണൂ​ർ:​ ഷൊ​ർ​ണൂ​രി​നും ,പ​ട്ടാ​മ്പി​ക്കു​മി​ട​യി​ലു​ള്ള കാ​ര​ക്കാ​ട് റെയി​ൽ​വേ സ്‌​റ്റേ​ഷ​നി​ൽ കൂ​ടു​ത​ൽ ട്രെയിനുക​ൾ​ക്ക് സ്റ്റോ​പ്പ​നു​വ​ദി​ക്ക​ണ​മെ​ന്നാ​വ​ശ്യം. എ​ല്ലാ അ​ടി​സ്ഥാ​ന സൗ​ക​ര്യ​ങ്ങ​ൾ ഉ​ണ്ടാ​യി​ട്ടും കേ​വ​ലം നാ​ലു വ​ണ്ടി​ക​ൾ മാ​ത്ര​മാ​ണ് ഈ ​സ്റ്റേ​ഷ​നി​ൽ നി​ർ​ത്തു​ന്ന​ത്. പ്ര​ധാ​ന സ്റ്റേ​ഷ​നു​ക​ളോ​ട് കി​ട​പി​ടി​ക്കു​ന്ന മോ​ടി​യു​ണ്ടെങ്കി​ലും ട്രെയിനുക​ൾ​ക്ക് സ്റ്റോ​പ്പ​നു​വ​ദി​ക്കു​ന്ന കാ​ര്യ​ത്തി​ൽ കാ​ര​ക്കാ​ട് റെ​യി​ൽ​വേ സ്റ്റേ​ഷ​ൻ അ​വ​ഗ​ണി​ക്ക​പ്പെ​ടു​ക​യാ​ ണ്. സ്റ്റേ​ഷ​നി​ൽ മു​മ്പ് നി​ർ​ത്തി​യി​രു​ന്ന വ​ണ്ടി​ക​ൾ​ക്കു​പോ​ലും ഇ​പ്പോ​ൾ സ്റ്റോ​പ്പി​ല്ല.

ഒ​രു​വ​ർ​ഷ​മാ​യി സ്റ്റേ​ഷ​നി​ൽ ന​വീ​ക​ര​ണം ന​ട​ക്കു​ന്നു​ണ്ട്. നീ​ള​മു​ള്ള പ്ലാ​റ്റ്ഫോം ഉ​യ​ർ​ത്തി കോ​ൺ​ക്രീ​റ്റ് ചെ​യ്തു. ചു​റ്റു​മ​തി​ലും നി​ർ​മി​ച്ചു. നാ​ലോ​ളം പ്ലാ​റ്റ്ഫോം ഷെ​ൽ​ട്ട​റു​ക​ളു​ടെ പ​ണി ന​ട​ന്നു വ​രി​ക​യാ​ണ്. സ്റ്റേ​ഷ​നി​ലേ​ക്കു​ള്ള പാ​ത​യും സ്റ്റേ​ഷ​ൻ കെ​ട്ടി​ട​വും ന​ന്നാ​ക്കി​യി​ട്ടു​മു​ണ്ട്. പാ​ർ​ക്കിംഗ് സൗ​ക​ര്യം ഏ​ർ​പ്പെ​ടു​ത്തു​ന്ന​തി​ന് സം​വി​ധാ​ന​മാ​യി​ക്ക​ഴി​ഞ്ഞു. ഒ​ന്നാം ന​മ്പ​ർ പ്ലാ​റ്റ്​ഫോ​മി​ൽ​നി​ന്ന് ര​ണ്ടാം പ്ലാ​റ്റ്ഫോ​മി​ലേ​ക്കു പോ​കാ​ൻ ത​റ​യോ​ടു​പ​തി​ച്ച മേ​ൽ​ന​ട​പ്പാ​ത നേ​ര​ത്തേ​ത​ന്നെ​യു​ണ്ട്.

കൂ​ടാ​തെ ര​ണ്ട്‌ മെ​യി​ൻ ലൈ​നു​ക​ളും ര​ണ്ട്‌ ലൂ​പ്പ് ലൈ​നു​ക​ളും ഇ​വി​ടെ​യു​ണ്ട്. ഇ​ത്ര​യെ​ല്ലാം സൗ​ക​ര്യ​മു​ണ്ടാ​യി​ട്ടും തീ​വ​ണ്ടി​ക​ളി​ല്ലാ​ത്ത​ത് യാ​ത്ര​ക്കാ​രെ വ​ല​യ്ക്കു​ക​യാ​ണ്. ക​ണ്ണൂ​ർ-​കോ​യ​മ്പ​ത്തൂ​ർ മെ​മു​വി​നും ക​ണ്ണൂ​ർ-​കോ​യ​മ്പ​ത്തൂ​ർ ഫാ​സ്റ്റ് പാ​മ്പ​ഞ്ച​റി​നും സ്റ്റോ​പ്പ് അ​നു​വ​ദി​ക്ക​ണ​മെ​ന്നാ​ണു കോ​ഴി​ക്കോ​ട്, തൃ​ശൂർ, കോ​യ​മ്പ​ത്തൂ​ർ ഭാ​ഗ​ങ്ങ​ളി​ൽ പോ​കു​ന്ന വി​ദ്യാ​ർ​ഥി​ക​ളും ക​ച്ച​വ​ടാ​വ​ശ്യ​ത്തി​നും ചി​കി​ത്സ​യ്ക്കു​മാ​യി പോ​കു​ന്ന ഗ്രാ​മീ​ണ​രും ആ​വ​ശ്യ​പ്പെ​ടു​ന്ന​ത്. രാ​വി​ലെ 7.10ന് തൃ​ശൂർ-​ക​ണ്ണൂ​ർ തീ​വ​ണ്ടി പോ​യാ​ൽ 13 മ​ണി​ക്കൂ​ർ കാ​ത്തി​രി​ക്ക​ണം ഈ ​ഭാ​ഗ​ത്തേ​ക്കു​ള്ള അ​ടു​ത്ത തീ​വ​ണ്ടി വ​രാ​ൻ.

അ​തേ​പോ​ലെ ഷൊ​ർ​ണൂ​ർ ഭാ​ഗ​ത്തേ​ക്ക് രാ​വി​ലെ 7.20-ന് ​കോ​ഴി​ക്കോ​ട്-​ഷൊ​ർ​ണൂ​ർ വ​ണ്ടി പോ​യാ​ൽ 12 മ​ണി​ക്കൂ​ർ ക​ഴി​യ​ണം അ​ടു​ത്ത വ​ണ്ടി​യെ​ത്താ​ൻ. ഷൊ​ർ​ണൂ​രി​ൽ നി​ർ​ത്തി​യി​ടാ​ൻ ഫ്ലാ​റ്റ്ഫോം കി​ട്ടാ​നാ​യി പ​ല ദീ​ർ​ഘ​ദൂ​ര സ്പെ​ഷൽ വ​ണ്ടി​ക​ളും നി​ത്യേ​ന നി​ർ​ത്തി​യി​ടു​ന്ന​ത് ഇ​വി​ടെ​യാ​ണ്.

അ​ടി​സ്ഥാ​ന സൗ​ക​ര്യ​ങ്ങ​ൾ എ​ല്ലാം ഉ​ണ്ടാ​യി​ട്ടും അ​വ​ഗ​ണ​ന​യു​ടെ പാ​ള​ങ്ങ​ളി​ലാ​ണ് കാ​ര​ക്കാ​ട് റെ​യി​ൽ​വേ സ്റ്റേ​ഷ​ൻ.​ സ്റ്റോ​പ്പനു​വ​ദി​ക്കാ​തെ റെ​യി​ൽ​വേ സ്റ്റേ​ഷ​ൻ മോ​ടി പി​ടി​പ്പി​ച്ച​ത് കൊ​ണ്ട് എ​ന്ത് പ്ര​യോ​ജ​നം എ​ന്നാ​ണ് യാ​ത്ര​ക്കാ​രു​ടെ ചോ​ദ്യം. പു​തു​വ​ത്സ​ര​ത്തി​ലെ​ങ്കി​ലും കൂ​ടു​ത​ൽ വ​ണ്ടി​ക​ൾ​ക്ക് ഇ​വി​ടെ സ്റ്റോ​പ്പ​നു​വ​ദി​ക്കു​മെ​ന്ന പ്ര​തീ​ക്ഷ​യി​ലാ​ണ് യാ​ത്ര​ക്കാ​ർ.