വ​ട​ക്ക​ഞ്ചേ​രി: കി​ഴ​ക്ക​ഞ്ചേ​രി പ​ഞ്ചാ​യ​ത്തി​ൽ കൃ​ഷി​യി​ട​ങ്ങ​ളി​ലി​റ​ങ്ങു​ന്ന കാ​ട്ടു​പ​ന്നി​ക​ളെ വെ​ടി​വ​ച്ചു കൊ​ന്ന് ന​ശി​പ്പി​ക്കു​ന്ന​തി​നാ​യി പ​ഞ്ചാ​യ​ത്തി​ലെ ജ​നജാ​ഗ്ര​ത സ​മി​തി പാ​ന​ലി​ന് രൂ​പം ന​ൽ​കി. ലൈ​സ​ൻ​സു​ള്ള പ​ഞ്ചാ​യ​ത്തി​ലെ പ​ട്ടേം​പാ​ടം ബെ​ന്നി പോ​ൾ പു​തു​ശേ​രി ഉ​ൾ​പ്പെ​ടു​ന്ന​താ​ണ് പാ​ന​ൽ.

സ്ഥി​ര​മാ​യി കാ​ട്ടു​പ​ന്നി ശ​ല്യ​മു​ള്ള ക​ർ​ഷ​ക​ർ ബെ​ന്നി പോ​ളി​നെ​യോ അ​താ​ത് വാ​ർ​ഡ് മെം​ബ​റെ​യോ ക​ൺ​വീ​ന​റെ​യോ അ​റി​യി​ച്ചാ​ൽ സ്ഥ​ല​ത്തെ​ത്തി പ​ന്നി​യെ വെ​ടി​വ​ച്ച് ന​ശി​പ്പി​ക്കു​മെ​ന്ന് പ​ഞ്ചാ​യ​ത്ത് പ്ര​സി​ഡ​ന്‍റ് ക​വി​ത മാ​ധ​വ​ൻ പ​ത്ര​ക്കു​റി​പ്പി​ൽ അ​റി​യി​ച്ചു.​

കൃ​ഷി​യി​ട​ത്തി​ലെ സ്ഥി​രം ശ​ല്യ​ക്കാ​രാ​കു​ന്ന കാ​ട്ടു​പ​ന്നി​ക​ളെ വെ​ടി​വ​ച്ച് കൊ​ല്ലാ​മെ​ന്ന സ​ർ​ക്കാ​ർ ഉ​ത്ത​ര​വി​ന്മേ​ൽ ആ​ദ്യ​മാ​യി കാ​ട്ടു​പ​ന്നി​ക്കു നേ​രെ വെ​ടി​യു​തി​ർ​ത്ത​തും ബെ​ന്നി പോ​ളാ​യി​രു​ന്നു. 2021 സെ​പ്റ്റം​ബ​ർ ഏ​ഴി​നാ​യി​രു​ന്നു നെ​ന്മാ​റ ഡി​എ​ഫ്ഒ​ക്കു കീ​ഴി​ൽ ആ​ദ്യ​മാ​യി പ​ന്നി​യെ വെ​ടിവ​ച്ച് കൊ​ന്ന് ബെ​ന്നി പോ​ൾ ക​ർ​ഷ​ക​ർ​ക്കി​ട​യി​ലെ ഹീ​റോ ആ​യ​ത്.​

പ​നം​കു​റ്റി ക​രോ​ട്ടു​കു​ടി ലീ​ല​യു​ടെ വീ​ട്ടു​വ​ള​പ്പി​ലെ കു​ടി​വെ​ള്ള കി​ണ​റ്റി​ൽ വീ​ണ 80 കി​ലോ തൂ​ക്ക​മു​ണ്ടാ​യി​രു​ന്ന വ​ലി​യ ആ​ൺപ​ന്നി​യെ​യാ​ണ് തോ​ക്കു ലൈ​സ​ൻ​സു​ള്ള ബെ​ന്നി പോ​ൾ അ​ന്ന് വ​ക​വ​രു​ത്തി​യ​ത്. ശ​ല്യ​ക്കാ​രാ​യ കാ​ട്ടു​പ​ന്നി​ക​ളെ വെ​ടി​വ​ച്ച് ന​ശി​പ്പി​ക്കു​ന്ന​ത് മൂ​ന്ന് വ​ർ​ഷം മു​മ്പ് ആ​രം​ഭി​ച്ചി​രു​ന്നെ​ങ്കി​ലും പി​ന്നീ​ട​ത് നി​ല​ച്ച മ​ട്ടി​ലാ​യി​രു​ന്നു.

വെ​ടി​വ​ച്ച് കൊ​ല്ലു​ന്ന​തി​ലെ മാ​ന​ദ​ണ്ഡ​ങ്ങ​ളും പ​ണ​ചെ​ല​വു​മാ​ണ് ദൗ​ത്യം പു​റ​കോ​ട്ട​ടി​ച്ച​ത്. ഇ​തെ​ല്ലാം പ​രി​ഹ​രി​ക്കും വി​ധ​മാ​കും തു​ട​ർന​ട​പ​ടി​ക​ൾ.​ അ​ത​ല്ലെ​ങ്കി​ൽ ദൗ​ത്യം വീ​ണ്ടും നി​ല​ക്കും. ഷൂ​ട്ട​ർ ബെ​ന്നി പോ​ളിന്‍റെ ഫോ​ൺ - 9744793215, ക​ൺ​വീ​ന​ർ പോ​പ്പി ജോ​ൺ 9447620137.