ഷൊർ​ണൂ​ർ: ഷൊ​ർ​ണൂ​ർ ഉ​പ​ജി​ല്ലാ വി​ദ്യാ​ഭ്യാ​സ ഓ​ഫീ​സ് കെ​ട്ടി​ടം ത​ക​ർ​ച്ചാ​ഭീ​ഷ​ണി​യി​ൽ. ഏ​ത് നി​മി​ഷ​വും ത​ക​ർ​ന്നു​വീ​ഴാ​വു​ന്ന കെ​ട്ടി​ട​ത്തി​നു​ള്ളി​ലാ​ണ് ഷൊ​ർ​ണൂ​ർ ഉ​പ​ജി​ല്ലാ വി​ദ്യാ​ഭ്യാ​സ ഓ​ഫീ​സി​ന്‍റെ പ്ര​വ​ർ​ത്ത​നം. സ്കൂ​ളു​ക​ളു​ടെ ഫി​റ്റ്‌​ന​സ് പ​രി​ശോ​ധി​ച്ചു​റ​പ്പാ​ക്കു​ന്ന വി​ദ്യാ​ഭ്യാ​സ ഓ​ഫീ​സി​ന് ഫി​റ്റ്‌​ന​സ് ല​ഭി​ക്കാ​താ​യി​ട്ടും വ​ർ​ഷ​ങ്ങ​ളാ​യി.

സ​ർ​ക്കാ​ർ പ്ര​സിന്‍റെ ഉ​ട​മ​സ്ഥ​ത​യി​ലു​ള്ള സെ​ൻ​ട്ര​ൽ ബു​ക്ക് ഡി​പ്പോ പ്ര​വ​ർ​ത്തി​ക്കു​ന്ന നൂ​റു​വ​ർ​ഷ​ത്തോ​ളം പ​ഴ​ക്ക​മു​ള്ള കെ​ട്ടി​ട​ത്തി​ലാ​ണ് എഇഒ ഓ​ഫീ​സ്. ബു​ക്ക് ഡി​പ്പോ പ്ര​വ​ർ​ത്തി​ക്കു​ന്ന​തും ഈ ​കെ​ട്ടി​ട​ത്തി​ലാ​ണ്. ചു​വ​രു​ക​ളും നി​ല​വും മേ​ൽ​ക്കൂ​ര​യു​മെ​ല്ലാം ത​ക​ർ​ച്ച​യി​ലാ​ണ്. ഇ​വി​ടെ​യാ​ണ് ജി​ല്ല​യി​ലേ​ക്കു​ള്ള ഒ​ന്നു​മു​ത​ൽ പ​ത്തു​വ​രെ​യു​ള്ള ക്ലാ​സു​ക​ളി​ലെ പാ​ഠ​പു​സ്ത​ക​ങ്ങ​ളെ​ത്തി​ക്കു​ന്ന​ത്.

ഇ​തി​നു​മു​ക​ളി​ലു​ള്ള സ്ഥ​ല​മാ​ണ് ഉ​പ​ജി​ല്ലാ വി​ദ്യാ​ഭ്യാ​സ ഓ​ഫീ​സി​ന് വാ​ട​ക​യി​ല്ലാ​തെ അ​നു​വ​ദി​ച്ചി​രി​ക്കു​ന്ന​ത്. ക​ഴി​ഞ്ഞ​മാ​സം എഇഒ ഓ​ഫീ​സി​ലെ ജീ​വ​ന​ക്കാ​ര​ന്‍റെ​മേ​ൽ മേ​ൽ​ക്കൂ​ര​യി​ലെ സി​മ​ന്‍റ് അ​ട​ർ​ന്നു​വീ​ണി​രു​ന്നു. കെ​ട്ടി​ട​ത്തി​ന്‍റെ അ​റ്റ​കു​റ്റ​പ്പ​ണി ന​ട​ത്താ​ത്ത​താ​ണ് പ്ര​ധാ​നപ്ര​ശ്‌​നം. സ്വ​ന്ത​മാ​യ​ി കെ​ട്ടി​ടം വേ​ണ​മെ​ന്ന ആ​വ​ശ്യം വ​ർ​ഷ​ങ്ങ​ളാ​യി ഉ​ന്ന​യി​ക്കു​ന്നു​ണ്ടെ​ങ്കി​ലും ഇ​ക്കാ​ര്യ​ത്തി​ൽ വി​ദ്യ​ാഭ്യാ​സ​വ​കു​പ്പ് അ​നു​കൂ​ല നി​ല​പാ​ടെ​ടു​ത്തി​ട്ടി​ല്ല. സെ​ൻ​ട്ര​ൽ ബു​ക്ക് ഡി​പ്പോ​യ്ക്ക​ക​ത്തു​ കി​ട​ക്കു​ന്ന പു​സ്ത​ക​ങ്ങ​ളെ​ല്ലാം ന​ന​ഞ്ഞും ചി​ത​ലെ​ടു​ത്തും ന​ശി​ച്ചി​രി​ക്ക​യാ​ണ്.

മ​ഴ​പെ​യ്താ​ൽ വെ​ള്ളം​ക​യ​റു​ന്ന കെ​ട്ടി​ട​ത്തി​ലാ​ണ് പു​സ്ത​ക​ങ്ങ​ൾ സൂ​ക്ഷി​ക്കു​ന്ന​ത്. കെ​ട്ടി​ട​ത്തി​ന്‍റെ അ​ടി​ത്ത​റ​യും ത​ക​ർ​ച്ച​യി​ലാ​ണ്. കെ​ട്ടി​ട​ത്തി​ന്‍റെ പു​റം​ഭാ​ഗ​ത്തെ​ല്ലാം കാ​ടു​പി​ടി​ച്ച് കി​ട​ക്കു​ക​യാ​ണ്. ചു​വ​രു​ക​ൾ എ​പ്പോ​ൾ​വേ​ണ​മെ​ങ്കി​ലും ത​ക​രാ​മെ​ന്ന അ​വ​സ്ഥ​യി​ലാ​ണ്.

സ്വ​ന്ത​മാ​യ കെ​ട്ടി​ട​മോ സു​ര​ക്ഷി​ത​മാ​യ സ്ഥ​ല​മോ വേ​ണ​മെ​ന്നാ​ണ് ഉ​പ​ജി​ല്ലാ വി​ദ്യ​ാഭ്യാ​സ ഓ​ഫീ​സ് ജീ​വ​ന​ക്കാ​രു​ടെ ആ​വ​ശ്യം.

നി​ല​വി​ലെ കെ​ട്ടി​ട​ത്തി​ന്‍റെ അ​റ്റ​കു​റ്റ​പ്പ​ണി​ക്കാ​യി അ​ട​ങ്ക​ൽ ത​യ്യാ​റാ​ക്കി ന​ൽ​കി​യി​ട്ടു​ണ്ടെ​ങ്കി​ലും അ​നു​മ​തി ല​ഭി​ച്ചി​ട്ടി​ല്ല.