ഒറ്റ​പ്പാ​ലം: കാ​ൽ​പ്പ​ന്തുക​ളി​യെ നെ​ഞ്ചി​ലേ​റ്റി​യ​വ​ർ പ്രാ​യം വ​ക​വയ്ക്കാ​തെ വീ​ണ്ടും മൈ​താ​ന​ത്തി​ലേ​ക്ക്. ഇ​വ​രു​ണ്ടാ​ക്കി​യ വാ​ട്സാ​പ്പ് കൂ​ട്ടാ​യ്മ​യി​ൽ ഇരു ന്നൂറോളം പ​ഴ​യ ക​ളി​ക്കാ​രു​മു​ണ്ട്. വെ​റു​തെ പ​ന്തു​ത​ട്ട​ൽ മാ​ത്ര​മാ​ക്കാ​തെ 40 വ​യ​സിനു മു​ക​ളി​ലു​ള്ള​വ​ർ​ക്കാ​യി ടൂ​ർ​ണ​മെ​ന്‍റുകൂ​ടി ഒ​രു​ക്കി​യാ​ണ് ഒ​റ്റ​പ്പാ​ലം വെ​റ്റ​റ​ൻ​സ് ഫു​ട്‌​ബോ​ൾ ക്ല​ബ് വ്യ​ത്യ​സ്ത​മാ​കു​ന്ന​ത്.

40 വ​യ​സിനുമു​ക​ളി​ലു​ള്ള ക​ളി​ക്കാ​രെ ഉ​ൾ​പ്പെ​ടു​ത്തി 10 ടീ​മു​ക​ളു​ള്ള സെ​വ​ൻ​സ് ടൂ​ർ​ണ​മെ​ന്‍റ് ന​ട​ത്താ​നാ​ണ് ക്ല​ബ്ബി​ന്‍റെ പ​രി​പാ​ടി. സാ​ധാ​ര​ണ പ്ര​ാദേ​ശി​ക​ ക​ളി​ക്കാ​ർമു​ത​ൽ സ​ന്തോ​ഷ് ട്രോ​ഫി​യി​ലും അ​ഖി​ലേ​ന്ത്യാ മ​ത്സ​ര​ങ്ങ​ളി​ലുംവ​രെ ക​ളി​ച്ച​വ​ർ വെ​റ്റ​റ​ൻ​സ് ഫു​ട്‌​ബോ​ൾ ലീ​ഗി​ൽ ബൂ​ട്ട​ണി​യും. മ​ണ്ണാ​ർ​ക്കാ​ട്ടെ 68 വ​യ​സുകാ​ര​നാ​യ പൂ​ക്കോ​യ ത​ങ്ങ​ളു​ൾ​പ്പെ​ടെ ക​ളി​ക്കാ​നി​റ​ങ്ങു​മെ​ന്ന് സം​ഘാ​ട​ക​രി​ലൊ​രാ​ളാ​യ വി.​കെ. അ​ലി അ​ഷ്‌​ക​ർ പ​റ​ഞ്ഞു.

ഞാ​യ​റാ​ഴ്ച ​മു​ത​ലാ​ണ് ടൂ​ർ​ണ​മെ​ന്‍റ് തു​ട​ങ്ങു​ന്ന​ത്. ജ​നു​വ​രി 31 നാ​ണ് സ​മാ​പ​നം. റ​യ​ൽ മാ​ഡ്രി​ഡ്, ബാ​ർ​സ​ലോ​ണ, ആ​ർ​സ​ന​ൽ, ലി​വ​ർ​പൂ​ൾ തു​ട​ങ്ങി ചാ​മ്പ്യ​ൻ​സ് ലീ​ഗ് ക​ളി​ക്കു​ന്ന ക്ല​ബ്ബു​ക​ളു​ടെ പേ​രാ​ണ് ഓ​രോ ​ടീ​മി​നും ന​ൽ​കി​യി​ട്ടു​ള്ള​ത്. 40 മി​നി​റ്റാ​ണ് ക​ളി​സ​മ​യം. വാ​ണി​യം​കു​ളം, പ​ത്തി​രി​പ്പാ​ല, തൃ​ക്ക​ടീ​രി, തൃ​ശൂർ ജി​ല്ല​യി​ലെ പാ​മ്പാ​ടി എ​ന്നി​വി​ട​ങ്ങ​ളി​ലെ നാ​ല് ട​ർ​ഫു​ക​ളി​ലാ​ണ് മ​ത്സ​ര​ങ്ങ​ൾ. ലീ​ഗ് മാ​തൃ​ക​യി​ൽ ന​ട​ക്കു​ന്ന ടൂ​ർ​ണ​മെ​ന്‍റിൽ ഒ​ന്നാം സ്ഥാ​ന​ത്തെ​ത്തു​ന്ന​വ​ർ വി​ജ​യി​ക്കും. ഉ​ദ്ഘാ​ട​ന​മ​ത്സ​ര​ത്തി​നു​ശേ​ഷം എ​ല്ലാ വെ​ള്ളി​യാ​ഴ്ച​യും മ​ത്സ​രം ന​ട​ത്താ​നാ​ണ് തീ​രു​മാ​നം.

പാ​മ്പാ​ടി​യി​ൽ എട്ടിന് വൈ​കുന്നേരം ആ​റു​മ​ണി​ക്കാ​ണ് ഉ​ദ്ഘാ​ട​നം. ഇ​ത് നാ​ലാം​ത​വ​ണ​യാ​ണ് ക്ല​ബ്ബ് വെ​റ്റ​റ​ൻ​സ് ടൂ​ർ​ണ​മെ​ന്‍റ് ന​ട​ത്തു​ന്ന​ത്. 2021 ൽ ​നാ​ലു ടീ​മു​ക​ളെ ഉ​ൾ​പ്പെ​ടു​ത്തി​യാ​ണ് മ​ത്സ​രം ന​ട​ത്തി​യ​ത്.