കൊ​ര​ട്ടി: മേ​ഖ​ല​യി​ൽ പു​ലി​യു​ടെ സാ​ന്നി​ധ്യ​മു​ണ്ടെ​ന്ന​റി​ഞ്ഞ​തോ​ടെ ഭീ​തി​യി​ലാ​യ കൊ​ര​ട്ടി പ​ഞ്ചാ​യ​ത്തി​ലെ ചി​റ​ങ്ങ​ര മം​ഗ​ല​ശേ​രി​യി​ൽ പു​ലി​ക്കാ​യി കെ​ണി​യൊ​രു​ക്കി. ഇ​ന്ന​ലെ വൈ​കീ​ട്ട് അ​ഞ്ച​ര​യോ​ടെ​യാ​ണ് വാ​ർ​ഡ് മെ​മ്പ​ർ വ​ർ​ഗീ​സ് പ​യ്യ​പ്പി​ള്ളി​യു​ടെ നേ​തൃ​ത്വ​ത്തി​ൽ കൊ​ണ്ടു​വ​ന്ന ആ​ട്ടി​ൻ​കു​ട്ടി​യെ ആ​ർ​ആ​ർ​ടി സം​ഘം കൂ​ട്ടി​ൽ പ്ര​ത്യേ​കം സ​ജ്ജ​മാ​ക്കി​യ ഭാ​ഗ​ത്ത് ഇ​ര​യാ​യി കെ​ട്ടി​യി​ട്ടി​രി​ക്കു​ന്ന​ത്.

പു​ലി അ​ക​ത്തു പ്ര​വേ​ശി​ച്ചാ​ൽ കൂ​ട് അ​ട​യു​ക​യും ആ​ട്ടി​ൻ​കു​ട്ടി​യെ ഉ​പ​ദ്ര​വി​ക്കാ​ൻ ആ​കാ​ത്ത​വി​ധം ക​മ്പി​വ​ല പ്ര​തി​രോ​ധ​മാ​യി മാ​റു​ക​യും ചെ​യ്യും. കൂ​ടി​നു​മു​ക​ളി​ൽ വ​ള്ളി​പ്പ​ട​ർ​പ്പു​ക​ൾ ഇ​ട്ടി​ട്ടു​ണ്ട്. ഇ​ര​യാ​യി നാ​യ​യെ വ​യ്ക്കു​മെ​ന്നാ​ണ് പ്ര​തീ​ക്ഷി​ച്ചി​രു​ന്ന​തെ​ങ്കി​ലും ഒ​റ്റ​പ്പെ​ടു​മ്പോ​ൾ ആ​ട്ടി​ൻ​കു​ട്ടി​യു​ടെ തു​ട​ർ​ച്ച​യാ​യു​ള്ള ക​ര​ച്ചി​ൽ കേ​ട്ട് പു​ലി വ​ന്നെ​ത്തു​മെ​ന്ന പ്ര​തീ​ക്ഷ​യാ​ണ് അ​ധി​കൃ​ത​ർ​ക്കും നാ​ട്ടു​കാ​ർ​ക്കു​ള്ള​ത്. കൂ​ടി​നു പ​രി​സ​ര​ത്തേ​ക്ക് ആ​രും ചെ​ല്ല​രു​തെ​ന്നു നി​ർ​ദേ​ശ​മു​ണ്ട്. മ​നു​ഷ്യ​ന്‍റെ സാ​ന്നി​ധ്യം മ​ണ​ത്തി​ലൂ​ടെ തി​രി​ച്ച​റി​യാ​ൻ പു​ലി​ക്കു ക​ഴി​യു​മെ​ന്ന​തി​നാ​ലാ​ണ് ഇ​ത്ത​ര​മൊ​രു നി​ർ​ദേ​ശം.

ഇ​ന്ന​ലെ രാ​വി​ലെ വാ​ഴ​ച്ചാ​ൽ ഡി​എ​ഫ്ഒ ആ​ർ. ല​ക്ഷ്മി എ​ത്തി​യി​രു​ന്നു. അ​തി​ര​പ്പി​ള്ളി റേ​ഞ്ച് ഓ​ഫീ​സ​ർ ജീ​ഷ്മ ജ​നാ​ർ​ദ​ന​ൻ, ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് പി.​സി. ബി​ജു, വാ​ർ​ഡ് മെ​മ്പ​ർ​മാ​രാ​യ വ​ർ​ഗീ​സ് പ​യ്യ​പ്പി​ള്ളി, ഗ്രേ​സി സ്ക​റി​യ, കെ.​ആ​ർ. സു​മേ​ഷ് എ​ന്നി​വ​രു​ടെ സാ​ന്നി​ധ്യ​ത്തി​ലാ​യി​രു​ന്നു കൂ​ടു​വ​ച്ച​ത്.