ഇ​രി​ങ്ങാ​ല​ക്കു​ട: പ​ട്ട​ണ​ഹൃ​ദ​യ​ത്തി​ല്‍ വ​യോ​ധി​ക ദ​മ്പ​തി​ക​ള്‍​ക്കും വ​ഴി​യാ​ത്ര​ക്കാ​ര്‍​ക്കും ഭീ​ഷ​ണി​യാ​യി നി​ല​കൊ​ള്ളു​ന്ന ജീ​ര്‍​ണി​ച്ച കെ​ട്ടി​ടം പൊ​ളി​ച്ചു​മാ​റ്റാ​നു​ള്ള പ്ര​വൃ​ത്തി​ക​ള്‍ ആ​രം​ഭി​ച്ചു.

ഇ​രി​ങ്ങാ​ല​ക്കു​ട സൗ​ത്ത് ബ​സാ​ര്‍ റോ​ഡി​ല്‍ തെ​ക്കേ​ക്ക​ര വീ​ട്ടി​ല്‍ ആ​ന്‍റ​ണി​യു​ടെ വീ​ടി​നോ​ടു ചേ​ര്‍​ന്നു​ള്ള താ​മ​സ​മി​ല്ലാ​ത്ത ഓ​ടി​ട്ട കെ​ട്ടി​മാ​ണ് ഉ​ട​മ​സ്ഥ​ന്‍ കൊ​ട​യ്ക്കാ​ട​ന്‍ ബാ​ബു​വി​ന്‍റെ നേ​തൃ​ത്വ​ത്തി​ല്‍ പൊ​ളി​ച്ചു​നീ​ക്കു​ന്ന​ത്. അ​പ​ക​ടാ​വ​സ്ഥ​യി​ലു​ള്ള കെ​ട്ടി​ട​ത്തി​ന്‍റെ ഓ​ടു​ക​ള്‍ ഇ​റ​ക്കി​മാ​റ്റു​ന്ന പ്ര​വൃ​ത്തി​യാ​ണ് ആ​രം​ഭി​ച്ച​ത്. പ്ര​വൃ​ത്തി​ക​ള്‍ വി​ല​യി​രു​ത്താ​ന്‍ ന​ഗ​ര​സ​ഭ എ​ന്‍​ജി​നീ​യ​റിം​ഗ് വി​ഭാ​ഗം ഉ​ദ്യോ​ഗ​സ്ഥ​ര്‍ സ്ഥ​ല​ത്തെ​ത്തി​യി​രു​ന്നു. വ​യോ​ധി​ക ദ​മ്പ​തി​ക​ളു​ടെ വ​ര്‍​ഷ​ങ്ങ​ള്‍​നീ​ണ്ട ഭീ​തി​ക​ള്‍​ക്കും പ​രാ​തി​ക​ള്‍​ക്കു​മാ​ണ് ഇ​തോ​ടെ പ​രി​ഹാ​ര​മാ​കു​ന്ന​ത്. ഇ​തു സം​ബ​ന്ധി​ച്ച് റ​വ​ന്യു വ​കു​പ്പി​നും ന​ഗ​ര​സ​ഭ​യ്ക്കും 2022ല്‍ ​പ​രാ​തി​ക​ള്‍ ന​ല്‍​കി​യി​രു​ന്നു​വെ​ങ്കി​ലും ന​ട​പ​ടി​ക​ളി​ലേ​ക്ക് എ​ത്തി​യി​രു​ന്നി​ല്ല.

കെ​ട്ടി​ടം പൊ​ളി​ച്ചു​നീ​ക്കേ​ണ്ട​താ​ണെ​ന്നു സ്ഥ​ലം സ​ന്ദ​ര്‍​ശി​ച്ച മ​ന്ത്രി​യും ആ​ര്‍​ടി​ഒ​യും വ്യ​ക്ത​മാ​ക്കി​യി​രു​ന്നു. ഇ​തി​നി​ട​യി​ല്‍ ന​ഗ​ര​സ​ഭ​യി​ല്‍ എ​ന്‍​ജി​നീ​യ​റിം​ഗ് വി​ഭാ​ഗം പ​രാ​തി​ക്കാ​രെ​യും കെ​ട്ടി​ട ഉ​ട​മ​സ്ഥ​നെ​യും വി​ളി​ച്ചു​ന​ട​ത്തി​യ ഹി​യ​റിം​ഗി​ല്‍ കെ​ട്ടി​ടം പൊ​ളി​ച്ചു​നീ​ക്കാ​ന്‍ ഉ​ട​മ​സ്ഥ​ന്‍ സ​ന്ന​ദ്ധ​ത പ്ര​ക​ടി​പ്പി​ക്കു​ക​യാ​യി​രു​ന്നു.