ഇ​രി​ങ്ങാ​ല​ക്കു​ട: മൂ​ര്‍​ക്ക​നാ​ട് ക്ഷേ​ത്രോ​ത്സ​വ​ത്തി​നി​ടെ ന​ട​ന്ന ഇ​ര​ട്ട​ക്കൊ​ല​പാ​ത​ക​ക്കേ​സി​ലെ സ​ഹേ​ദ​ര​ങ്ങ​ളാ​യ മു​ഖ്യ​പ്ര​തി​ക​ള്‍ അ​റ​സ്റ്റി​ല്‍. മൂ​ര്‍​ക്ക​നാ​ട് ചാ​മ​ക്കാ​ല ച​ക്കു​ഞ്ഞി കോ​ള​നി സ്വ​ദേ​ശി ച​ക്ക​നാ​ത്ത് വീ​ട്ടി​ല്‍ ഇ​ച്ചാ​വ എ​ന്ന വൈ​ഷ്ണ​വ് (27), അ​പ്പു എ​ന്ന ജി​ഷ്ണു (29) എ​ന്നി​വ​രെ​യാ​ണ് ഇ​രി​ങ്ങാ​ല​ക്കു​ട ഡി​വൈ​എ​സ്പി കെ.​ജി. സു​രേ​ഷ്, ഇ​ന്‍​സ്‌​പെ​ക്ട​ര്‍ അ​നീ​ഷ് ക​രീം എ​ന്നി​വ​രു​ടെ നേ​തൃ​ത്വ​ത്തി​ല്‍ ഇ​രി​ങ്ങാ​ല​ക്കു​ട എ​സ്ഐ കെ. ​അ​ജി​ത്ത് അ​റ​സ്റ്റ് ചെ​യ്ത​ത്.

ഇ​ന്ന​ലെ പു​ല​ര്‍​ച്ചെ ര​ണ്ടി​നാ​യി​രു​ന്നു പോ​ലീ​സ് സം​ഘം പ​ട്ടാ​മ്പി​യി​ലെ ഒ​ളി​ത്താ​വ​ളം വ​ള​ഞ്ഞു പി​ടി​കൂ​ടി​യ​ത്. മു​ന്പ് കാ​ട്ടൂ​രി​ല്‍ പോ​ലീ​സി​ന്‍റെ നൈ​റ്റ്‌​പ​ട്രോ​ള്‍ സം​ഘ​ത്തി​നു​നേ​രേ വാ​ള്‍ വീ​ശി ഭീ​തി​പ​ര​ത്തി​യ​വ​രാ​ണ് ഇ​രു​വ​രും. അ​തു​കൊ​ണ്ടു​ത​ന്നെ പോ​ലീ​സ് സം​ഘം ക​രു​ത​ലോ​ടെ​യാ​ണ് എ​ത്തി​യ​ത്. വാ​തി​ലി​ല്‍ ത​ട്ടി​വി​ളി​ച്ചി​ട്ടും തു​റ​ക്കാ​തി​രു​ന്ന ഇ​വ​ര്‍ പി​ന്‍​വാ​തി​ല്‍ തു​റ​ന്നു ഓ​ടി​ര​ക്ഷ​പ്പെ​ടാ​ന്‍ ശ്ര​മി​ച്ച​ത് പോ​ലീ​സി​ന്‍റെ കൈ​ക​ളി​ലേ​ക്കാ​ണ്. കൊ​ടു​ങ്ങ​ല്ലൂ​ര്‍, മ​തി​ല​കം, ക​യ്പ​മം​ഗ​ലം, ചാ​വ​ക്കാ​ട്, കാ​ട്ടൂ​ര്‍, പു​തു​ക്കാ​ട്, വ​ര​ന്ത​ര​പ്പി​ള്ളി സ്റ്റേ​ഷ​നു​ക​ളി​ല്‍ ഇ​വ​ര്‍​ക്കു കേ​സു​ക​ളു​ണ്ട്.

കൊ​ടു​ങ്ങ​ല്ലൂ​ര്‍ ഇ​ന്‍​സ്‌​പെ​ക്ട​ര്‍ ബി.​കെ. അ​രു​ണ്‍, എ​സ്ഐ കെ. ​അ​ജി​ത്ത്, പി. ​ജ​യ​കൃ​ഷ്ണ​ന്‍, കെ.​ആ​ര്‍. സു​ധാ​ക​ര​ന്‍, ടി.​ആ​ര്‍. ഷൈ​ന്‍, എ​എ​സ്ഐ സൂ​ര​ജ് വി. ​ദേ​വ്, സീ​നി​യ​ര്‍ സി​പി​ഒ​മാ​രാ​യ കെ.​ജെ. ഷി​ന്‍റോ, സോ​ണി സേ​വ്യ​ര്‍, കെ.​എ​സ്. ഉ​മേ​ഷ്, ഇ.​എ​സ്. ജീ​വ​ന്‍, ബി​നു​രാ​ജ് എ​ന്നി​വ​ര​ട​ങ്ങി​യ സം​ഘ​മാ​ണു പ്ര​തി​ക​ളെ പി​ടി​കൂ​ടി​യ​ത്.