കല്ലേറ്റുംകര: കല്ലേറ്റുംകര സഹകരണ ബാങ്ക് പ്രവർത്തനപരിധിയിലെ സ്കൂളുകളിലെ ഓഹരിയുടമകളുടെ മക്കളിൽ എ പ്ലസ് നേടിയ 10,12 ക്ലാസ്സുകളിലെ വിദ്യാർഥികൾക്കും ഉന്നതവിജയം നേടിയ 40 ബിരുദ- ബിരുദാനന്തര വിദ്യാർഥികളുമടക്കം 200 കുട്ടികൾക്ക് കാഷ് അവാർഡുകളും ട്രോഫികളും വിതരണം ചെയ്തു. ബാങ്ക് പ്രവർത്തനപരിധിയിലെ 12 അങ്കണവാടികൾക്കുള്ള ധനസഹായവിതരണവും നടത്തി. തൃശൂർ ജില്ലാ സഹകരണ ജോയിന്റ് രജിസ്ട്രാർ (ജനറൽ) ജൂബി കുര്യാക്കോസ് ഉദ്ഘാടനം ചെയ്തു.
അസി. സഹകരണ രജിസ്ട്രാർ എ.ജെ. രാജി, ബാങ്ക് പ്രസിഡന്റ് എൻ.കെ ജോസഫ്, വൈസ് പ്രസിഡന്റ് കെ.കെ. പോളി, സെക്രട്ടറി കെ. ലത, മാള ബ്ലോക്ക് ടൗണ് സഹകരണ ബാങ്ക് പ്രസിഡന്റ് അയ്യപ്പൻ അങ്കാരത്ത്, ആളൂർ സഹകരണബാങ്ക് പ്രസിഡന്റ് എ.ആർ. ഡേവിസ്, താഴെക്കാട് സഹകരണ ബാങ്ക് പ്രസിഡന്റ് അഡ്വ. എം.എസ്. വിനയൻ, മുൻ ബാങ്ക് പ്രസിഡന്റുമാരായ എം.എസ്. അസനാർ, പി.ഡി. ജോസ്, പി.എ. അജയഘോഷ്, ഭരണസമിതി അംഗങ്ങളായ വത്സല രവീന്ദ്രൻ, ടി.എ. ജോസ്, മോളി ജോസ്, ജനാർദനൻ പാലക്കൽ, ജോയ് കറുകുറ്റിക്കാരൻ, രാജൻ കെ.ആർ, ജിയോ ജോണ്, പി.എസ്.സുഭാഷ്, ജുനിഷ ജിനോജ്, വിജയലക്ഷ്മി മുകുന്ദൻ എന്നിവർ പ്രസംഗിച്ചു.