പഴയന്നൂർ: കാറിടിച്ചു യുവതി മരണമടഞ്ഞു. വെള്ളാർക്കുളം കാവു പുരമൂസാ മകൾ റുക്കിയ (44) ആണ് മരിച്ചത്. ഇന്നലെ വൈകീട്ട് നാലിന് വെള്ളാർക്കുളം അയ്യപ്പ ക്ഷേത്രത്തിനു സമീപം ചേലക്കരയിൽ നിന്നും വന്ന കാർ ഇടിച്ചു തെറിപ്പിക്കുകയായിരുന്നു.
അഞ്ചു മീറ്ററോളം റോഡിലൂടെ വലിച്ചു കൊണ്ടുപോയതിനു ശേഷമാണ് കാർനിന്നത്. വെള്ളാർകുളം അങ്കണവാടിയിൽനിന്നു വരുമ്പോഴാണ് അപകടം ഉണ്ടായത്. ഉടനെ നാട്ടുകാർ ചേർന്ന് മെഡിക്കൽ കോളജിൽ എത്തിച്ചെങ്കിലും ജീവൻ രക്ഷിക്കാനായില്ല. അവിവാഹിതയാണ്. മാതാവ്: ഇമ്പിച്ചി.