ജയറാം കൊട്ടിക്ക‍യറി : ആവേശമായി പ​വി​ഴ​മ​ല്ലി​ത്ത​റ മേ​ളം
Saturday, October 12, 2024 4:02 AM IST
ചോ​റ്റാ​നി​ക്ക​ര: പ​വി​ഴ​മ​ല്ലി​ച്ചോ​ട്ടി​ൽ മേ​ള​പ്പൂ​മ​ഴ തീ​ർ​ത്ത് ജ​യ​റാ​മി​ന്‍റെ പ​വി​ഴ​മ​ല്ലി​ത്ത​റ മേ​ളം. ന​വ​രാ​ത്രി മ​ഹോ​ത്സ​വ​ത്തോ​ട​നു​ബ​ന്ധി​ച്ച് ചോ​റ്റാ​നി​ക്ക​ര ക്ഷേ​ത്ര​ത്തി​ൽ ന​ട​ൻ ജ​യ​റാ​മി​ന്‍റെ പ്ര​മാ​ണ​ത്തി​ൽ ന​ട​ത്തി​യ പ​വി​ഴ​മ​ല്ലി​ത്ത​റ​മേ​ളം മേ​ളാ​സ്വാ​ദ​ക​ർ​ക്ക് ആ​ന​ന്ദാ​നു​ഭൂ​തി​യാ​യി. ദു​ർ​ഗാ​ഷ്ട​മി ദി​ന​ത്തി​ൽ രാ​വി​ലെ ചോ​റ്റാ​നി​ക്ക​ര ദേ​വി​യു​ടെ ശ്രീ​മൂ​ല​സ്ഥാ​ന​മാ​യ പ​വി​ഴ​മ​ല്ലി​ത്ത​റ​യ്ക്ക് മു​ന്നി​ൽ നി​ന്ന് പ​തി​ഞ്ഞ കാ​ല​ത്തി​ൽ ജ​യ​റാം കൊ​ട്ടി​ക്ക​യ​റി​യ​തോ​ടെ ക്ഷേ​ത്ര​വ​ള​പ്പി​ലെ മു​ഴു​വ​ൻ ക​ണ്ണു​ക​ളും കാ​തു​ക​ളും പ​വി​ഴ​മ​ല്ലി​ത്ത​റ മേ​ള​ത്തി​ലേ​യ്ക്കാ​യി.

ചെ​ണ്ട​യു​ടെ വ​ന്യ​മാ​യ ആ​സു​ര​ഭാ​വ​ങ്ങ​ൾ​ക്ക​നു​സ​രി​ച്ച് താ​ളാ​ത്മ​ക​മാ​യ ആ​സ്വാ​ദ​ക​രു​ടെ ശ​രീ​ര​ച​ല​ന​ങ്ങ​ൾ മേ​ളം ഉ​ച്ച​സ്ഥാ​യി​യി​ലാ​യ​തോ​ടെ ആ​വേ​ശ​ത്തി​ലാ​യി. ദു​ർ​ഗാ​ഷ്ട​മി ദി​ന​ത്തി​ലെ പൊ​തു​അ​വ​ധി കൂ​ടി​യാ​യ​തോ​ടെ ആ​യി​ര​ക്ക​ണ​ക്കാ​യ ഭ​ക്ത​ജ​ന​ങ്ങ​ളാ​ണ് പ​വി​ഴ​മ​ല്ലി​ത്ത​റ മേ​ളം ആ​സ്വ​ദി​ക്കാ​നെ​ത്തി​യ​ത്.


ദു​ർ​ഗാ​ഷ്ട​മി നാ​ളി​ൽ ദേ​വി​ക്ക് അ​ർ​ച്ച​ന​യാ​യാ​ണ് ജ​യ​റാ​മി​ന്‍റെ മേ​ള​പ്പെ​രു​ക്കം. ഇ​ട​ന്ത​ല​യി​ൽ ചോ​റ്റാ​നി​ക്ക​ര സ​ത്യ​ൻ നാ​രാ​യ​ണ മാ​രാ​ർ, ആ​നി​ക്കാ​ട് കൃ​ഷ്ണ​കു​മാ​ർ, ആ​നി​ക്കാ​ട് ഗോ​പ​കു​മാ​ർ ഉ​ൾ​പ്പെ​ടെ 17 പേ​രും വ​ല​ന്ത​ല​യി​ൽ തി​രു​വാ​ങ്കു​ളം ര​ഞ്ജി​ത്, ഉ​ദ​യ​നാ​പു​രം മ​ണി മാ​രാ​ർ, പു​റ്റു​മാ​നൂ​ർ മ​ഹേ​ഷ് മാ​രാ​ർ എ​ന്നി​വ​ര​ട​ക്കം 50പേ​രും അ​ണി നി​ര​ന്നു.

ചോ​റ്റാ​നി​ക്ക​ര വേ​ണു​ഗോ​പാ​ൽ, ചോ​റ്റാ​നി​ക്ക​ര സു​നി​ൽ, ര​വി​പു​രം ജ​യ​ൻ, ചോ​റ്റാ​നി​ക്ക​ര രാ​ജു ബാ​ഹു​ലേ​യ മാ​രാ​ർ, ചോ​റ്റാ​നി​ക്ക​ര ജ​യ​ൻ തു​ട​ങ്ങി 50 പേ​ർ ഇ​ല​ത്താ​ള​ത്തി​ലും മ​ച്ചാ​ട് ഹ​രി​ദാ​സ്, ഉ​ദ​യ​നാ​പു​രം ഷി​ബു എ​ന്നി​വ​രു​ടെ നേ​തൃ​ത്വ​ത്തി​ൽ 25 ഓ​ളം കൊ​മ്പു സം​ഘ​വും പെ​രു​വാ​രം സ​തീ​ശ​ൻ, കൊ​ട​ക​ര അ​നൂ​പ്, പു​തൂ​ർ​ക്ക​ര ദീ​പു, കാ​ല​ടി രാ​ജേ​ഷ് എ​ന്നി​വ​രു​ടെ നേ​തൃ​ത്വ​ത്തി​ൽ അ​ണി​നി​ര​ന്ന കു​റു​ങ്കു​ഴ​ൽ സം​ഘ​വും മേ​ള​ത്തി​ന് കൊ​ഴു​പ്പേ​കി.