പാ​ടംനി​ക​ത്തി ഹോ​ട്ട​ൽ നി​ർ​മി​ച്ച സം​ഭ​വം; പാ​ട​ശേ​ഖ​രം പൂ​ർ​വ​സ്ഥി​തി​യി​ൽ ആക്കാൻ ന​ട​പ​ടി തു​ട​ങ്ങി
Friday, October 11, 2024 3:35 AM IST
ക​രു​മാ​ലൂ​ർ : ആ​ലു​വ പ​റ​വൂ​ർ കെ​എ​സ്ആ​ർ​ടി​സി റോ​ഡി​ൽ ത​ട്ടാം​പ​ടി ഷാ​പ്പു​പ​ടി​ക്ക് സ​മീ​പം അ​ന​ധി​കൃ​ത​മാ​യി ക​രു​മാ​ലൂ​ർ പാ​ടം നി​ക​ത്തി ഹോ​ട്ട​ൽ നി​ർ​മി​ച്ച സം​ഭ​വ​ത്തി​ൽ, നി​ക​ത്തി​യ പാ​ട​ശേ​ഖ​രം പൂ​ർ​വ​സ്ഥി​തി​യി​ലാ​ക്കാ​ൻ ആ​രം​ഭി​ച്ചു.

ജി​ല്ലാ ക​ള​ക്ട​റു​ടെ ഉ​ത്ത​ര​വി​നെ തു​ട​ർ​ന്നാ​ണ് ഇ​ന്ന​ലെ ത​ഹ​സി​ൽ​ദാ​രു​ടെ നേ​തൃ​ത്വ​ത്തി​ലു​ള്ള റ​വ​ന്യു സം​ഘ​മെ​ത്തി​യാ​ണു മ​ണ്ണ് നീ​ക്കി പാ​ട​ശേ​ഖ​രം പൂ​ർ​വ​സ്ഥി​തി​യി​ലാ​ക്കി​യ​ത് .

പാ​ട​ശേ​ഖ​രം നി​ക​ത്തി കൈ​യേ​റി നി​ർ​മി​ച്ച വ​യ​ലോ​രം ഹോ​ട്ട​ൽ ഒ​രു മാ​സം മു​ന്നേ പൊ​ളി​ച്ചു നീ​ക്കി​യി​രു​ന്നു. എ​ന്നാ​ൽ ഉ​ട​മ സ്ഥ​ലം പൂ​ർ​വ​സ്ഥി​തി​യി​ലാ​ക്കാ​ൻ ത​യാ​റാ​യി​ല്ല. ഇ​തോ​ടെ പ​റ​വൂ​ർ ഭൂ​രേ​ഖര​ഹ​സി​ദാ​രു​ടെ നേ​തൃ​ത്വ​ത്തി​ലു​ള്ള സം​ഘം ര​ണ്ടാ​ഴ്ച മു​ൻ​പു സ്ഥ​ലം അ​ള​ന്നു തി​ട്ട​പ്പെ​ടു​ത്തി കു​റ്റി​യ​ടി​ച്ചി​രു​ന്നു.


ഒ​രാ​ഴ്ച സ​മ​യം ന​ൽ​കി​യി​ട്ടും നി​ക​ത്തി​യ ഭൂ​മി പൂ​ർ​വ സ്ഥി​തി​യി​ൽ ആ​ക്കാ​തെ വ​ന്ന​തോ​ടെ​യാ​ണു റ​വ​ന്യു സം​ഘ​മെ​ത്തി മ​ണ്ണു നീ​ക്കം ചെ​യ്യാ​ൻ ആ​രം​ഭി​ച്ച​ത്. ചെ​ല​വാ​യ തു​ക സ്ഥ​ലം ഉ​ട​മ​യു​ടെ പ​ക്ക​ൽ നി​ന്നും റ​വ​ന്യൂ റി​ക്ക​വ​റി ന​ട​ത്തി ഈ​ടാ​ക്കാ​മെ​ന്ന് ത​ഹ​സി​ൽ​ദാ​ർ അ​റി​യി​ച്ചി​ട്ടു​ണ്ട്.