മൂ​വാ​റ്റു​പു​ഴ: വെ​ള്ളൂ​ർ​ക്കു​ന്നം സി​ഗ്ന​ൽ ജം​ഗ്ഷ​നി​ൽ റോ​ഡി​ലേ​ക്ക് ചെ​രി​ഞ്ഞ് അ​പ​ക​ടാ​വ​സ്ഥ​യി​ൽ നി​ൽ​ക്കു​ന്ന എ​ൽ​ഇ​ഡി ലൈ​റ്റ് സ്ഥാ​പി​ച്ചി​ട്ടു​ള്ള പോ​സ്റ്റ് മാ​റ്റി സ്ഥാ​പി​ക്ക​ണ​മെ​ന്ന ആ​വ​ശ്യം ശ​ക്തം.

വാ​ഹ​ന​യാ​ത്ര​ക്കാ​ർ​ക്കും കാ​ൽ​ന​ട​യാ​ത്ര​ക്കാ​ർ​ക്കും ഓ​രേ പോ​ലെ ഭീ​ക്ഷ​ണി​യു​യ​ർ​ത്തു​ന്ന പോ​സ്റ്റ് എ​ത്ര​യും പെ​ട്ട​ന്ന് മാ​റ്റ​ണ​മെ​ന്നാ​ണ് ആ​വ​ശ്യം ഉ​യ​ർ​ന്നി​രി​ക്കു​ന്ന​ത്. ചെ​രി​ഞ്ഞു​നി​ൽ​ക്കു​ന്ന പോ​സ്റ്റ് വൈ​ദ്യു​ത ലൈ​നു​ക​ളി​ൽ ത​ങ്ങി നി​ൽ​ക്കു​ന്ന​തി​നാ​ലാ​ണ് നി​ലം പ​തി​ക്കാ​ത്ത​ത്. ശ​ക്ത​മാ​യ കാ​റ്റ​ടി​ക്കു​ക​യോ മ​റ്റേ​തെ​ങ്കി​ലും വാ​ഹ​ന​ങ്ങ​ൾ ത​ട്ടു​ക​യോ ചെ​യ്താ​ൽ ഇ​ത് റോ​ഡി​ലേ​ക്ക് വീ​ഴു​ന്ന അ​വ​സ്ഥ​യാ​ണ്.

രാ​ത്രി​യി​ൽ വാ​ഹ​നം ഇ​ടി​ച്ച​താ​ണ് പോ​സ്റ്റ് ചെ​രി​ഞ്ഞ് അ​പ​ക​ടാ​വ​സ്ഥ​യി​ലാ​കാ​ൻ കാ​ര​ണം. അ​ടി​യ​ന്ത​ര​മാ​യി പോ​സ്റ്റ് മാ​റ്റി സ്ഥാ​പി​ക്കാ​ൻ അ​ധി​കൃ​ത​ർ ന​ട​പ​ടി സ്വീ​ക​രി​ക്ക​ണ​മെ​ന്ന് ന​ഗ​ര​സ​ഭാ പ്ര​തി​പ​ക്ഷ​നേ​താ​വ് ആ​ർ. രാ​കേ​ഷ് ആ​വ​ശ്യ​പ്പെ​ട്ടു. റോ​ഡി​ലേ​ക്ക് ചെ​രി​ഞ്ഞു​നി​ൽ​ക്കു​ന്ന പോ​സ്റ്റ് ഏ​ത് സ​മ​യ​ത്തും വാ​ഹ​ന​ങ്ങ​ളു​ടെ മു​ക​ളി​ലേ​ക്ക് വീ​ഴാ​നു​ള്ള സാ​ധ്യ​ത ഏ​റെ​യാ​ണ്. വെ​ള​ളൂ​ർ​ക്കു​ന്നം മീ​ഡി​യേ​റ്റ​റി​ൽ വാ​ഹ​ന​ങ്ങ​ൾ ഇ​ടി​ച്ച് അ​പ​ക​ട​ങ്ങ​ളു​ണ്ടാ​കു​ന്ന​ത് പ​തി​വാ​ണ്.

റി​ഫ്ള​ക്ട​റു​ക​ൾ ഇ​ല്ലാ​ത്ത​ത​തു​മൂ​ലം രാ​ത്രി​യി​ലെ​ത്തു​ന്ന വാ​ഹ​ന​ങ്ങ​ൾ​ക്ക് മീ​ഡി​യേ​റ്റ​റു​ക​ൾ കാ​ണാ​ൻ സാ​ധി​ക്കാ​ത്ത​താ​ണ് പ്ര​ധാ​ന​മാ​യും അ​പ​ക​ട​ങ്ങ​ൾ​ക്ക് കാ​ര​ണ​മാ​കു​ന്ന​ത്. ആ​യി​ര​ക​ണ​ക്കി​ന് യാ​ത്ര​ക്കാ​ർ സ​ഞ്ച​രി​ക്കു​ന്ന റോ​ഡി​ൽ നി​ന്ന് പോ​സ്റ്റ് നീ​ക്കം ചെ​യ്തി​ല്ലെ​ങ്കി​ൽ വ​ലി​യ അ​പ​ക​ട​ത്തി​നാ​യി​രി​ക്കും വ​ഴി​യൊ​രു​ക്കു​ക.