സോളാർ ലോൺ മൂവർ നിർമിച്ച് ഐസാറ്റ് എൻജി. വിദ്യാർഥികൾ
1429615
Sunday, June 16, 2024 4:53 AM IST
കളമശേരി: കളമശേരി ഐസാറ്റ് എൻജിനീയറിംഗ് കോളേജിലെ അവസാന വർഷ ഇലക്ട്രോണിക്സ് ആൻഡ് കമ്യൂണിക്കേഷൻ വിദ്യാർഥികൾ കുറഞ്ഞ ചെലവിൽ ഓട്ടോമാറ്റിക് സോളാർ ലോൺ മൂവർ നിർമിച്ചു.
കാട് പിടിച്ച സ്ഥലങ്ങൾ വളരെ എളുപ്പത്തിൽ വൃത്തിയാക്കാനും അതിക ചെലവില്ലാതെ പ്രവർ ത്തിപ്പിക്കാനും ചെയ്യുന്ന ഈ യന്ത്രം പൂർണമായും സോളാർ പാനലിലൂടെ വൈദ്യുതി ശേഖരിച്ചാണ് പ്രവർത്തിക്കുന്നത്.
ഇലക്ട്രോണിക്സ് ആൻഡ് കമ്യൂണിക്കേഷൻ ഡിപ്പാർട്ട്മെന്റ് മേധാവി ഡോ, നീനു ജോസഫ്, പ്രഫസർ ടി.എക്സ്. ട്യൂബിൻ എന്നിവരുടെ നേതൃത്വത്തിൽ അശ്വിൻ ലിനു, കെ.ബി. അഖില, സോന ജുഡൺ, ടിൻസൻ സാജൻ എന്നിവർ ചേർന്നാണ് ഉപകരണം വികസിപ്പിച്ചെടുത്തത്.