ഫിസാറ്റ് വിദ്യാര്ഥികള്ക്ക് ഏഴു ലക്ഷത്തിന്റെ സ്കോളര്ഷിപ്പ്
1429417
Saturday, June 15, 2024 4:42 AM IST
അങ്കമാലി: ഫിസാറ്റ് എന്ജിനിയറിംഗ് കോളജ് വിദ്യാര്ഥികള് അന്തര്ദേശീയ സ്കോളര്ഷിപ്പിനു അര്ഹരായി. മൂന്ന് പേര്ക്കായി മൊത്തം ഏഴു ലക്ഷം രൂപയാണ് സ്കോളര്ഷിപ്പ് ലഭിച്ചത്. മെക്കാനിക്കല് എന്ജിനിയറിംഗ് വിദ്യാര്ഥികളായ ആന്റോ ടോമി, ആനന്ദ് ശിവന്, വൈഷ്ണവ് എസ്. കുമാര് എന്നിവരാണ് അമേരിക്കന് സൊസൈറ്റി ഓഫ് മെക്കാനിക്കല് എന്ജിനിഴേഴ്സി(എഎസ്എംഇ)ന്റെ സ്കോളര്ഷിപ്പ് അര്ഹരായത്.
ആന്റോ ടോമിക്ക് എഎസ്എംഇയിലെ മാര്ക്കസ് എന് ബ്രസലാര് മെമ്മോറിയല് സ്കോളര്ഷിപ്പായി അഞ്ചു ലക്ഷം രൂപയും, ആനന്ദ് ശിവനും, വൈഷ്ണവ് എസ്. കുമാറിനും എഎസ്എംഇ ഫൗണ്ടേഷന് സ്കോളര്ഷിപ്പായി ഒരു ലക്ഷം രൂപ വീതവുമാണ് ലഭിച്ചത്.
ദേശീയ, അന്തര്ദേശീയ മത്സരങ്ങളിലെ മികവും അമേരിക്കന് സൊസൈറ്റി ഓഫ് മെക്കാനിക്കല് എന്ജിനിയേഴ്സ് സംഘടിപ്പിച്ച വിവിധ പ്രവര്ത്തനങ്ങളില് ഫിസാറ്റ് വിദ്യാര്ഥികള് കാഴ്ചവച്ച മികച്ച പ്രകടനവും സ്കോളര്ഷിപ്പ് ലഭിക്കുന്നതിന് സഹായകമായി. കോളജ് മാനേജ്മെന്റും അധ്യാപകരും വിദ്യാര്ഥികളും നേട്ടം കൈവരിച്ച വിദ്യാര്ഥികളെ അനുമോദിച്ചു.