ആ​ലു​വ: പെ​രു​മ്പാ​വൂ​ർ ദേ​ശ​സാ​ത്കൃ​ത റോ​ഡി​ലെ കു​ഴി​യി​ൽ വീ​ണ് സ്കൂട്ടർ യാ​ത്രികന് പ​രി​ക്ക്. പെ​രു​മ്പാ​വൂ​ർ​ക്ക് പോ​വു​ക​യാ​യി​രു​ന്ന ആ​ലു​വ സ്വ​ദേ​ശി​യു​ടെ സ്കൂട്ടർ കു​ഴി​യി​ൽ വീ​ണ് മ​റി​യു​ക​യാ​യി​രു​ന്നു. യാത്രികൻ അദ്ഭുതകരമായി രക്ഷപ്പെട്ടെ ങ്കിലും വാ​ഹ​ന​ത്തി​ന് കാ​ര്യ​മാ​യ കേ​ട്പാ​ട് സം​ഭ​വി​ച്ചു.

മാ​റ​മ്പി​ള്ളി സ്വ​ദേ​ശി​യു​ടെ മ​ര​ണ​ത്തി​നി​ട​യാ​ക്കി​യ അ​പ​ക​ടം ന​ട​ന്ന ചാ​ല​ക്ക​ൽ പ​തി​യാ​ട്ട് ക​വ​ല​യി​ലെ​ അ​തേ സ്ഥ​ല​ത്താണ് വീ​ണ്ടും കു​ഴി രൂ​പ​പ്പെ​ട്ടി​രി​ക്കു​ന്ന​ത്. ഞാ​യ​റാ​ഴ്ച രാ​ത്രി ഇവിടെയു​ണ്ടാ​യ അ​പ​ക​ട​ത്തി​ൽ ബൈക്ക് യാത്രികരായ ദ​മ്പ​തി​ക​ൾ​ക്കും പ​രി​ക്കേ​റ്റി​രു​ന്നു.

ചാ​ല​ക്ക​ൽ പ​ക​ല​മ​റ്റം മു​ത​ൽ ആ​ലു​വ വ​രെ നി​റ​യെ കു​ഴി​ക​ൾ രൂ​പ​പ്പെ​ട്ടി​രി​ക്കു​ക​യാ​ണ്.​ റോ​ഡ് പൊ​ളി​ഞ്ഞു​ണ്ടാ​കു​ന്ന കു​ഴി​ക​ൾ​ക്ക് പു​റ​മേ ജ​ൽമി​ഷ​ൻ പ​ദ്ധ​തി​ക്കാ​യി റോ​ഡി​ൻ​റെ ഇ​രു​വ​ശ​വും കു​ഴി​ക​ൾ എ​ടു​ത്തി​രു​ന്നു.​ ഈ ഭാ​ഗ​ങ്ങ​ളി​ൽ എ​ല്ലാം ത​ക​ർ​ന്ന നിലയിലാണ്.