വ്യാ​ജ ജൈ​വ​വ​ളം ന​ല്കി ക​ർ​ഷ​ക​രെ വ​ഞ്ചി​ക്കു​ന്ന​താ​യി പ​രാ​തി
Saturday, May 25, 2024 5:11 AM IST
കൂ​ത്താ​ട്ടു​കു​ളം : സ​ർ​ക്കാ​ർ ഫാ​മി​ലെ ആ​ട്ടി​ൻ​കാ​ഷ്ഠ വ​ള​മാ​ണെ​ന്ന പേ​രി​ൽ വ്യാ​ജ ജൈ​വ​വ​ളം ഇ​റ​ക്കി ക​ർ​ഷ​ക​രെ വ​ഞ്ചി​ക്കു​ക​യും നാ​ട്ടു​കാ​രെ ബു​ദ്ധി​മു​ട്ടി​ലാ​ക്കു​ന്ന​താ​യും പ​രാ​തി. ഇ​ന്ന​ലെ രാ​വി​ലെ എ​ട്ടി​ന് ആ​ട്ടി​ൻ​കാ​ഷ്ഠ വ​ള​മെ​ന്ന പേ​രി​ൽ മാ​ലി​ന്യം നി​റ​ച്ച ഇ​രു​ന്നൂ​റി​ല​ധി​കം ചാ​ക്കു​ക​ളു​മാ​യി ന​ഗ​ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ലോ​റി​യെ​ത്തി.

സൗ​ത്ത് റ​സി​ഡ​ന്‍റ്സ് അ​സോ​സി​യേ​ഷ​ൻ പ്ര​ദേ​ശ​ത്ത് ചാ​ക്കി​ൽ നി​റ​ച്ച മാ​ലി​ന്യം അ​ട്ടി​യി​ട്ട് വ​ച്ചു. നാ​ട്ടു​കാ​ർ ന​ഗ​ര​സ​ഭ അ​ധി​കൃ​ത​രെ​യും പോ​ലീ​സി​നെ​യും വി​വ​ര​മ​റി​യി​ച്ചു. ന​ഗ​ര​സ​ഭ ആ​രോ​ഗ്യ വി​ഭാ​ഗം സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. ദു​ർ​ഗ​ന്ധം വ​മി​ക്കു​ന്ന ചാ​ക്കു​ക​ൾ മാ​റ്റാ​ൻ അ​ധി​കൃ​ത​ർ നി​ർ​ദേ​ശി​ച്ചു. ചാ​ക്കു​ക​ളി​ൽ നി​യ​മ​പ്ര​കാ​ര​മു​ള്ള ലേ​ബ​ലു​ക​ളോ, ബി​ല്ലും രേ​ഖ​ക​ളു​മി​ല്ലെ​ന്നും നാ​ട്ടു​കാ​ർ പ​രാ​തി​പ്പെ​ട്ടു.

ഇ​റ​ക്കി​യ വ​ളം കൃ​ഷി​യാ​വ​ശ്യ​ത്തി​നാ​ണെ​ന്നും രേ​ഖ​ക​ളും ബി​ല്ലും വേ​ണ്ടെ​ന്നു​മാ​ണ് ലോ​ഡു​മാ​യെ​ത്തി​യ ഏ​ജ​ൻ​സി​ക്കാ​രു​ടെ വാ​ദം. കി​ലോ​യ്ക്ക് മൂ​ന്ന് രൂ​പ പ്ര​കാ​ര​മാ​ണ് ഇ​വ​ർ വ​ളം ന​ൽ​കു​ന്ന​ത്. ഒ​രു കി​ലോ, ര​ണ്ട് കി​ലോ പാ​യ്ക്ക​റ്റു​ക​ളി​ലാ​ക്കി​യും ന​ൽ​കു​ന്നു​ണ്ട്. വ​ള​ത്തി​ന്‍റെ ഗു​ണ​മേ​ൻ​മ ക​ർ​ഷ​ക​ർ ഉ​റ​പ്പു​വ​രു​ത്ത​ണ​മെ​ന്ന് ന​ഗ​ര​സ​ഭാ​ധി​കൃ​ത​ർ പ​റ​ഞ്ഞു.

പ​രി​സ​ര മ​ലി​നീ​ക​ര​ണ​ത്തി​നി​ട​യാ​ക്കു​ന്ന മാ​ലി​ന്യ​മ​ട​ങ്ങി​യ രേ​ഖ​ക​ളി​ല്ലാ​തെ സാ​ധ​ന​ങ്ങ​ൾ കൃ​ഷി സ്ഥ​ല​ങ്ങ​ളി​ൽ ഇ​റ​ക്കി സൂ​ക്ഷി​ക്കു​ന്ന​ത് ഒ​ഴി​വാ​ക്ക​ണം. ജ​ല​ജ​ന്യ രോ​ഗ​ങ്ങ​ൾ പ​ട​രു​വാ​ൻ ഇ​ട​യാ​ക്കു​ന്ന​തി​നാ​ൽ ദു​ർ​ഗ​ന്ധം വ​മി​ക്കു​ന്ന വ​ളം വീ​ട്ടു​പ​രി​സ​ര​ത്ത് സൂ​ക്ഷി​ക്ക​രു​തെ​ന്ന് ന​ഗ​ര​സ​ഭാ സെ​ക്ര​ട്ട​റി അ​റി​യി​ച്ചു.