പാ​ല​ക്കു​ഴ: ആ​ര​ക്കു​ഴ, പാ​ല​ക്കു​ഴ പ​ഞ്ചാ​യ​ത്തു​ക​ളി​ലെ ശു​ദ്ധ​ജ​ല​ ക്ഷാ​മ​ത്തി​ന് പ​രി​ഹാ​ര​മാ​കുന്നു. 36.61 കോ​ടി മുടക്കി നടക്കുന്ന പ​ണി​ പൂർത്തിയാകുന്നതോടെ ആ​ര​ക്കു​ഴ​യി​ലും പാ​ല​ക്കു​ഴ​യി​ലും ജ​ല​ക്ഷാ​മം പ​ഴ​ങ്ക​ഥ​യാ​കും.​ ഇതോടെ 3243 കു​ടു​ബ​ങ്ങ​ളി​ൽ കൂ​ടി കു​ടി​വെ​ള്ളം ന​ൽ​കാ​നാകും.

ആ​ര​ക്കു​ഴ, പാ​ല​ക്കു​ഴ സ​മ​ഗ്ര കു​ടി​വെ​ള്ള പ​ദ്ധ​തിക്കായി ന​ബാ​ർ​ഡ് സ​ഹാ​യം ഉൾ​പ്പെ​ടെ 13.50 കോ​ടി ചെ​ല​വിട്ടാണ് ഒ​ന്നാം ഘ​ട്ടം പൂർത്തിയാക്കിയത്. ഇതിന്‍റെ ഉദ്ഘാടനം ക​ഴി​ഞ്ഞ വ​ർ​ഷം മ​ന്ത്രി റോ​ഷി അ​ഗ​സ്റ്റി​ൻ നിർവഹിച്ചു. ര​ണ്ടു പ​ഞ്ചാ​യ​ത്തു​ക​ളി​ലാ​യി 4870 കു​ടി​വെ​ള്ള ക​ണ​ക്ഷ​നു​ക​ളുണ്ട്.

പാ​ല​ക്കു​ഴ അ​മ്പാ​ട്ടു​ക​ണ്ടം പു​ളി​ക്ക​മാ​ലി റോ​ഡി​ൽ ചെ​റു​മ​ല​ക്കു​ന്ന് ഇ​ടു​ങ്ങി​നാം പാ​റ​യി​ൽ 22 ല​ക്ഷം ലി​റ്റ​ർ സം​ഭ​ര​ണ ശേ​ഷി​യു​ള്ള ടാ​ങ്കിന്‍റേയും വിതരണ കുഴലു​ക​ളു​ടേയും വിന്യാസം പൂ​ർ​ത്തിയായി.

തൊ​ടു​പു​ഴ​യാ​റ്റി​ൽ ആ​ര​ക്കു​ഴ ​മൂ​ഴി​യി​ലെ ആ​റ് മീ​റ്റ​ർ വ്യാ​സ​മു​ള്ള കി​ണ​റ്റി​ൽ നി​ന്ന് പ​ണ്ട​പ്പി​ള്ളി​ക്കു സ​മീ​പം കൊ​ന്നാ​നി​ക്കാ​ട്ടു​ള്ള ജ​ല​ശു​ദ്ധീ​ക​ര​ണ കേ​ന്ദ്ര​ത്തി​ലേ​ക്ക് പ​മ്പ് ചെ​യ്യാ​ൻ, 50 എ​ച്ച്പി ​പ​മ്പ് സെ​റ്റും 2550 മീ​റ്റ​ർ ലൈ​നും സ്ഥാ​പി​ച്ചി​ട്ടു​ണ്ട്.​ ശു​ദ്ധീ​ക​ര​ണ ടാ​ങ്കി​ന് പ്ര​തി​ദി​നം 55 ല​ക്ഷം ലി​റ്റ​ർ വെള്ളം ശുദ്ധീകരിക്കാൻ ശേഷിയുണ്ട്.

ഇ​വി​ടെ നി​ന്ന് ആ​ര​ക്കു​ഴ​യി​ലെ കൊ​ന്നാ​നി​ക്കാ​ട് കു​മ്പ​ള​ത്തു​മ​ല, ആ​ച്ച​ക്കോ​ട്ടു​മ​ല, പ്ര​ദേ​ശ​ങ്ങ​ളി​ൽ പ​ണി​പൂ​ർ​ത്തി​യാക്കിയ സം​ഭ​ര​ണി​ക​ളി​ലേ​യ്ക്ക് വെ​ള്ളം എ​ത്തി​ച്ചാ​ണ് ആ​ര​ക്കു​ഴ പ​ഞ്ചാ​യ​ത്തി​ൽ വെ​ള്ളം എ​ത്തി​ക്കു​ന്ന​ത്.

പാ​ല​ക്കു​ഴ​യി​ലെ വി​ത​ര​ണ​ത്തി​നു​ള്ള ജ​ലം കൊ​ന്നാ​നി​ക്ക​ാട്ട് നി​ന്ന് 1575 മീ​റ്റ​ർ പൈ​പ്പ് ലൈ​ൻ വ​ഴി പ​ണ്ട​പ്പി​ള്ളി​യി​ലെ സം​ഭ​ര​ണി​യി​ൽ ശേ​ഖ​രി​യ്ക്കും. അ​വി​ടെ നി​ന്ന് ജ​ലം പ​മ്പ് ചെ​യ്ത് പാ​ല​ക്കു​ഴ​യി​ലെ വി​വി​ധ പ്ര​ദേ​ശ​ങ്ങ​ളി​ൽ എ​ത്തി​ക്കും.

എ​ല​ച്ചി​ക്കു​ന്ന്, ഇ​ല്ലി​ക്കു​ന്ന്, പാ​ലാ​നി​ക്കും​ത​ടം എ​ന്നീ സം​ഭ​ര​ണി​ക​ളി​ലേ​യ്ക്ക് 7260 മീ​റ്റ​ർ നീ​ള​ത്തി​ൽ പ​മ്പിംഗ് ലൈ​നു​ക​ളും സ്ഥാ​പി​ച്ചി​ട്ടു​ണ്ട്. പ​ള്ളി​ക്കു​ന്നി​ലെ ജ​ല​സം​ഭ​ര​ണി​യും മ​റ്റു പ​ണി​ക​ളും പ​ദ്ധ​തി​യു​ടെ ര​ണ്ടാം​ഘ​ട്ട​ത്തി​ലു​ണ്ട്. അ​ടു​ത്ത 30 വ​ർ​ഷ​ത്തെ ജ​ന​സം​ഖ്യാ വ​ർ​ധ​ന​ ക​ണ​ക്കാ​ക്കി ര​ണ്ട് പ​ഞ്ചാ​യ​ത്തു​ക​ളി​ലേ​യും 35884 പേ​ർ​ക്ക് പ്ര​തി​ദി​നം 100 ലി​റ്റ​ർ ശു​ദ്ധ​ജ​ലം ന​ൽ​കാ​നു​ള്ള ശേ​ഷിയുണ്ട്.