ജീ​വി​തം"നാ​ട​ക​ല​ഹ​രി'; മ​ര​ട് ജോ​സ​ഫി​നു വി​ട
Thursday, September 21, 2023 5:46 AM IST
കൊ​ച്ചി:​അ​ര​ങ്ങി​ല്‍ അ​ഭി​ന​യ മി​ക​വി​ന്‍റെ വി​സ്മ​യ​ങ്ങ​ളൊ​രു​ക്കി​യ മ​ര​ട് ജോ​സ​ഫ്, നാ​ട്യ​ങ്ങ​ളി​ല്ലാ​ത്ത ലോ​ക​ത്തേ​ക്കു യാ​ത്ര​യാ​കു​ന്ന​ത്, ആ​ത്മ​ക​ഥ പൂ​ര്‍​ത്തി​യാ​ക്കി​യ​തി​നു തൊ​ട്ടു പി​ന്നാ​ലെ. ഏ​ഴു​തി​ത്തീ​ര്‍​ത്ത ആ​ത്മ​ക​ഥ പ്ര​സാ​ധ​ക​നെ ഏ​ല്പി​ച്ചു; 94-ാം ജ​ന്മ​ദി​ന​മാ​യ ന​വം​ബ​ര്‍ 17ന് ​പ്ര​കാ​ശ​ന​വും തീ​രു​മാ​നി​ച്ചു. പ​ക്ഷേ, ആ ​ന​ല്ല നാ​ളി​നു കാ​ത്തു​നി​ല്‍​ക്കാ​തെ വി​ട...!!

നാ​ട​ക​വും ജീ​വി​ത​വും ഇ​ഴ​ചേ​ര്‍​ന്ന ഇ​ന്ന​ലെ​ക​ളു​ടെ ഹൃ​ദ​യ​സ്പ​ര്‍​ശി​യാ​യ ഏ​ടു​ക​ളാ​ണു നാ​ട​ക​ല​ഹ​രി എ​ന്ന പേ​രി​ലു​ള്ള മ​ര​ട് ജോ​സ​ഫി​ന്‍റെ ആ​ത്മ​ക​ഥ​യു​ടെ ഉ​ള്ള​ട​ക്കം. അ​ര​ങ്ങി​ലെ അ​ഭി​ന​യ​പ്പെ​രു​മ വേ​ദി​ക​ളി​ല്‍ നി​ന്നു വേ​ദി​ക​ളി​ലേ​ക്കു വ​ള​ര്‍​ന്ന​പ്പോ​ഴും, അ​നേ​കം ക​ഥാ​പാ​ത്ര​ങ്ങ​ളെ അ​ന​ശ്വ​ര​മാ​ക്കി​യ​പ്പോ​ഴും, നാ​ട​ക​ത്തി​നാ​യി ഒ​രാ​യു​സ​ത്ര​യും സ​മ​ര്‍​പ്പി​ച്ച​പ്പോ​ഴും ഉ​ണ്ടാ​യ നേ​ട്ട​ങ്ങ​ളും ന​ഷ്ട​ങ്ങ​ളും ആ​ത്മ​ക​ഥ​യി​ല്‍ പ​രാ​മ​ര്‍​ശി​ക്കു​ന്നു​ണ്ട്. കൊ​ച്ചി​യി​ലെ പ്ര​ണ​ത ബു​ക്‌​സാ​ണ് നാ​ട​ക​ല​ഹ​രി​യു​ടെ പ്ര​സാ​ധ​ക​ര്‍.

മ​ര​ട് സെ​ന്‍റ് മേ​രീ​സ് സ്‌​കൂ​ളി​ലെ പ​ഠ​ന​കാ​ലം മു​ത​ല്‍ അ​ഭി​ന​യ​ത്തി​ല്‍ അ​ഭി​രു​ചി​യ​റി​യി​ച്ച ജോ​സ​ഫ്, പി.​ജെ. ആ​ന്‍റ​ണി​യു​ടെ പ്ര​തി​ഭാ ആ​ര്‍​ട്‌​സ് ക്ല​ബി​ലൂ​ടെ​യാ​ണ് അ​ര​ങ്ങി​ലെ നി​റ​സാ​ന്നി​ധ്യ​മാ​കു​ന്ന​ത്. നാ​ട​ക​കൃ​ത്ത് ചെ​റാ​യി ജി ​എ​ഴു​തി​യ വ​ഴി​ത്താ​ര എ​ന്ന നാ​ട​ക​ത്തി​ല്‍ അ​ഭി​ന​യി​ച്ച​തോ​ടെ പേ​ര് മ​ര​ട് ജോ​സ​ഫ് എ​ന്നാ​ക്കി.

എ​ന്‍.​എ​ന്‍. പി​ള്ള, കെ.​ടി. മു​ഹ​മ്മ​ദ് തു​ട​ങ്ങി​യ നാ​ട​കാ​ചാ​ര്യ​ന്മാ​ര്‍​ക്കൊ​പ്പം എ​ഴു​തി​ച്ചേ​ര്‍​ക്ക​പ്പെ​ടേ​ണ്ട പേ​രാ​ണു മ​ര​ട് ജോ​സ​ഫ്. ശ​ങ്ക​രാ​ടി, മ​ണ​വാ​ള​ന്‍ ജോ​സ​ഫ് തു​ട​ങ്ങി​യ നാ​ട​ക​പ്ര​തി​ഭ​ക​ള്‍​ക്കൊ​പ്പം അ​ഭി​ന​യി​ച്ചി​ട്ടു​ണ്ട്. പൊ​ന്‍​കു​ന്നം വ​ര്‍​ക്കി​യു​ടെ കേ​ര​ള തീ​യ​റ്റേ​ഴ്‌​സ്, വി​ശ്വ​കേ​ര​ള ക​ലാ​സ​മി​തി, ആ​ല​പ്പി തീ​യ​റ്റേ​ഴ്‌​സ് ഉ​ള്‍​പ്പ​ടെ ഒ​രു​കാ​ല​ത്ത് കേ​ര​ള​ത്തി​ലെ നാ​ട​ക​വേ​ദി​ക​ളി​ല്‍ വ​സ​ന്ത​മൊ​രു​ക്കി​യ നി​ര​വ​ധി നാ​ട​ക​സം​ഘ​ങ്ങ​ളി​ല്‍ നാ​യ​ക​വേ​ഷ​ങ്ങ​ളി​ല്‍ മ​ര​ട് ജോ​സ​ഫ് ഉ​ണ്ടാ​യി​രു​ന്നു.

ഇ​ന്‍​ക്വി​ലാ​ബി​ന്‍റെ മ​ക്ക​ള്‍, വി​ശ​ക്കു​ന്ന ക​രി​ങ്കാ​ലി തു​ട​ങ്ങി​യ നാ​ട​ക​ങ്ങ​ളി​ലെ വേ​ഷ​ങ്ങ​ള്‍ ശ്ര​ദ്ധി​ക്ക​പ്പെ​ട്ടു. എം.​ടി. വാ​സു​ദേ​വ​ന്‍ നാ​യ​രു​ടെ ഒ​രേ​യൊ​രു നാ​ട​ക​മാ​യ ഗോ​പു​ര​ന​ട​യി​ല്‍ മു​ൻ​നി​ര അ​ഭി​നേ​താ​വാ​യി മ​ര​ട് ജോ​സ​ഫു​ണ്ടാ​യി​രു​ന്നു. കാ​പാ​ലി​ക നാ​ട​ക​ത്തി​ലെ കു​ന്നം​കു​ളം ഇ​ട്ടൂ​പ്പ് നാ​ട​ക​പ്രേ​മി​ക​ള്‍​ക്ക് ഒ​രി​ക്ക​ലും മ​റ​ക്കാ​നാ​വി​ല്ല. മ​ഞ്ഞി​ല്‍ വി​രി​ഞ്ഞ പൂ​ക്ക​ള്‍ എ​ന്ന സി​നി​മ​യി​ലും ജോ​സ​ഫ് വേ​ഷ​മി​ട്ടു.

വി​ശ​ക്കു​ന്ന ക​രി​ങ്കാ​ലി നാ​ട​ക​ത്തി​നു വേ​ണ്ടി ആ​ദ്യ​മാ​യി പാ​ടി റി​ക്കാ​ർ​ഡ് ചെ​യ്ത​തും ജോ​സ​ഫി​നെ വ്യ​ത്യ​സ്ത​നാ​ക്കി. ഒ​എ​ന്‍​വി​യും ദേ​വ​രാ​ജ​നും ചേ​ര്‍​ന്നൊ​രു​ക്കി​യ "കൂ​ര​ക​ള്‍​ക്കു​ള്ളി​ല്‍ തു​ടി​ക്കും ജീ​വ​നാ​ളം ക​രി​ന്തി​രി ക​ത്തി', "വെ​ണ്ണി​ലാ​വേ വെ​ണ്ണി​ലാ​വേ പാ​തി​രാ​വി​ന്‍ പ​നി​നീ​രേ' എ​ന്നീ ഗാ​ന​ങ്ങ​ളാ​ണു മ​ര​ട് ജോ​സ​ഫി​ന്‍റെ ശ​ബ്ദ​ത്തി​ല്‍ നാ​ട​ക​വേ​ദി​ക​ള്‍ ഏ​റ്റു​പാ​ടി​യ​ത്. അ​ടു​ത്ത കാ​ല​ത്ത് എ ​ഡ്ര​മാ​റ്റി​ക് ഡെ​ത്ത് എ​ന്ന സി​നി​മ​യ്ക്കാ​യി ഒ​രു ഗാ​നം മ​ര​ട് ജോ​സ​ഫ് പാ​ടി​യി​രു​ന്നു.
നാ​ട​ക​ത്തി​നാ​യി സ​മ​ര്‍​പ്പി​ച്ച മ​ര​ട് ജോ​സ​ഫി​ന്‍റെ ജീ​വി​ത​ത്തെ, അ​വ​സാ​ന കാ​ല​ഘ​ട്ടം ചി​ല സ​ങ്ക​ട​ങ്ങ​ളു​ടേ​തു കൂ​ടി​യാ​യി​രു​ന്നു...!

കാ​ക്ക​ക്ക​റു​മ്പി​ക​ളേ, നി​ഴ​ലു​ക​ളേ..
കാ​ല​ത്തി​ന്‍ ക​ണ്ണാ​ടി ചു​വ​രി​ന്മേ​ലെ​ന്തി​ന്നു
ക​റു​ത്ത ചി​ത്ര​ങ്ങ​ള്‍ വ​ര​ച്ചു...
നി​ങ്ങ​ള്‍ ക​റു​ത്ത ചി​ത്ര​ങ്ങ​ള്‍ വ​ര​ച്ചു...!!
പ​ല വേ​ദി​ക​ളി​ലും മ​ര​ട് ജോ​സ​ഫ് മ​നോ​ഹ​ര​മാ​യി പാ​ടി​യ ഈ ​വ​രി​ക​ളി​ലു​ണ്ട് ച​മ​യ​ങ്ങ​ള്‍​ക്കു​ള്ളി​ലെ ക​ലാ​കാ​രന്‍റെ പ​ച്ച​യാ​യ ജീ​വി​ത​വ്യ​ഥ​ക​ള്‍...!

സി​ജോ പൈ​നാ​ട​ത്ത്